Актуелно

„Нема нафта за оние кои ја поставуваат горната граница на цената“, вели руски вицепремиер

Русија нема намера да испорачува нафта на потрошувачите кои ја одредиле горната граница на цената на руската нафта, изјави денеска вицепремиерот на Руската Федерација Александар Новак.

„Ние сме против такви непазарни инструменти бидејќи ваквите преседани се многу штетни за енергетскиот пазар. Тоа само води до дефицити и флуктуации на цените. Доколку се воведе таков механизам, потрошувачите ќе ја платат цената“, рече Новак на прес-конференцијата.

Тој ги предупреди земјите кои имаат намера да воведат горна граница за цената на руската нафта, дека е прифатливо Русија да испорачува нафта само за оние клиенти кои ги поддржуваат пазарните механизми во одредувањето на цената на нафтата, пренесува Тас.

На почеток