„Русија, Украина и Европа треба да создадат заеднички простор“, вели Папата
Папата Франциско смета дека Русија, Украина и Европа треба да создадат заеднички простор по моделот на Европската унија.
Почетокот на дијалогот за интеграција треба да бидат преговорите за прекин на огнот и размена на затвореници, изјави за Спутник претседателот на Светската унија на стари верници Леонид Севастјанов по разговорот со папата.
„Неговиот став е следниов: тој смета дека прекинот на огнот и размената на затвореници се доволна цел. Според него, прекинот на огнот треба да биде почеток на сериозни дискусии меѓу Русија, Украина и Европа за заедничка интеграција: Русија, Украина и Европа треба да создадат заеднички простор со модел за ЕУ“, рече Севастјанов.
Тој додаде дека папата Франциско е против изградба на какви било ѕидови – „пред се ѕид меѓу Европа и Русија“.
„Украина заедно со Русија треба да се интегрира во тој европски простор“, рече претседателот на Унијата на стари верници, пренесувајќи го ставот на поглаварот на Римокатоличката црква.
Претходно, при враќањето од Бахреин, Папата рече дека тој ги сака и рускиот и украинскиот народ и дека Светата столица „го прави она што треба да се направи“ за мирно да се реши украинската криза. Тој, исто така, постојано повикуваше на молитви за мир во Украина.
