Руската државна телевизија во Франција се затвора поради блокирање на сметката
Францускиот огранок на руската државна телевизија РТ ќе биде затворен бидејќи сметките на телевизијата се блокирани, објави денеска на Твитер главната уредничка Ксенија Федорова.
– Сметките на ТВ каналот се замрзнати на барање на Генералниот директорат за трезор AFT при француското Министерство за економија и финансии – напиша Федорова, пренесе ТАСС.
Замрзнати се банкарските сметки на RT France, француската филијала на руската RT, која е суспендирана во ЕУ, соопштија денеска синдикатите на таа телевизија.
Les fonds de RT France sont gelés à la demande de la Direction Générale du Trésor, en raison du 9eme paquet de sanctions qui ne vise pas RT France. Notre chaîne ne peut plus poursuivre son activité. Voici notre communication. pic.twitter.com/aF3JUsqkLl
— Xenia Fedorova (@xfedorova) January 21, 2023
Медиумите објавија дека имотот на телевизијата е замрзнат како дел од спроведувањето на последните санкции на ЕУ против Русија, кои беа усвоени во декември, а не на иницијатива на француската држава.
Руските медиуми Спутник и РТ добија забрана за емитување во ЕУ од 2 март минатата година под обвинение за ширење дезинформации за конфликтот во Украина, а телевизиската програма, и покрај забраната, може да се гледа преку виртуелна приватна мрежа (ВПН), услуга која овозможува мрежа се користи при заобиколување на блокадата, јави ТАСС.
