Вучиќ донесе одлука: Србија итно испраќа специјални тимови
Србија итно ќе испрати два специјални тима, по 12 лица, и офицери за врска да и помогнат на Турција по земјотресот.
Турција и Сирија беа погодени од земјотрес со јачина од 7,8 степени според Рихтеровата скала, при што загинаа повеќе од 600 луѓе, а илјадници беа повредени.
Претседателот на Србија, Александар Вучиќ нареди веднаш да се испрати се што и треба и може да направи Србија.
Како што е потврдено за Танјуг, Србија испраќа помош во форма на специјалистички спасувачки тимови од урнатините на Одделот за вонредни состојби на Министерството за внатрешни работи со 21 член и 3 офицери за врска.
Испратени се специјалистички тимови со опрема за пробивање и сечење, подигање товар, спасување и работа на висина и електронско пребарување.
Припадниците на Секторот се обучени за ваков тип на потрага и спасување од урнатините, а досега се опремени и обучени осум специјалистички тимови со 140 членови.
Претседателот Вучиќ утрово упати сочувство до турскиот народ, во кое истакна дека „Србија е подготвена да ја понуди сета потребна помош“.
