„Тие продолжуваат да си играат со оган“, вели Лавров
Соединетите Американски Држави продолжуваат да си играат со оган, изјави рускиот министер за надворешни работи Сергеј Лавров.
САД на секој начин го охрабруваат сепаратизмот на Курдите во Сириската Арапска Република, рече Лавров во Багдад на средбата со ирачкиот министер за надворешни работи Фуад Хусеин.
„За нас аспектот на соработка е многу важен, бидејќи тоа е начин да се учествува во решавањето на сириското прашање. Во Багдад е активен четиристран информативен центар, кој се покажа како неопходен во напорите за искоренување на жариштата на тероризмот во соседната Сириска Арапска Република, каде што, како и во Ирак, мнозинството од населението се Курди и каде што, за жал, нашите американски колеги продолжуваат да си играат со оган и на секој начин го поттикнуваат курдскиот сепаратизам“, рече шефот на руската дипломатија.
Лавров подвлече дека американската страна го игнорира не само територијалниот интегритет на Сирија, туку и ризиците што Соединетите Американски Држави ги создаваат за другите земји во регионот каде што живеат Курдите.
