Блокиран Твитер во Турција, полицијата уапси 18 лица поради објави на социјалните мреж
Работата на американската социјална мрежа „Твитер“ е забранета во Турција, објавено е на веб-страницата за следење на работата на интернет „Нетблокс“.
„Нетблокс“, кој ја следи работата на интернетот ширум светот, објави дека податоците укажуваат дека неколку провајдери во Турција ја блокирале работата на „Твитер“.
– Интернет податоците во реално време покажуваат дека „Твитер“ е забранет во Турција. Филтри беа применети кај големите провајдери во време кога јавноста очекува информации по серијата смртоносни земјотреси – се вели во пораката на „Нетблокс“.
⚠️ Update: Live metrics show that the Twitter restriction in #Turkey has been extended to more internet providers. The filtering measure is likely to impact community rescue efforts underway after the series of deadly earthquakes on Monday.
📰 Report: https://t.co/CEbfgeBpvz pic.twitter.com/51j66jAydA
— NetBlocks (@netblocks) February 8, 2023
Турската полиција приведе најмалку 18 лица и уапси пет по, како што рече, „провокативните објави“ на социјалните мрежи за земјотресот во Турција.
Говорејќи денеска за време на посетата на градот Кахраманмарас, една од најтешко погодените области, претседателот Реџеп Таип Ердоган им порача на граѓаните да ги игнорираат „провокаторите“ и да ги слушаат само официјалните извори на информации.
Турција и Сирија пред два дена ги погоди силен земјотрес во кој загинаа повеќе од 11.000 луѓе.
