Актуелно

Нов земјотрес во Турција

Од Скопје 1

Објавено на 15/02/2023

Тлото не се смирува во Турција. Земјотрес со јачина од 4,2 степени според Рихтеровата скала е регистриран утрово во областа Гоксун, кај Кахраманмарас.

На 6 февруари областа беше погодена од два разорни земјотреси со јачина од 7,8 и 7,9 степени според Рихтеровата скала.

Бројот на жртвите од земјотресот надмина 41.000 во Турција и Сирија, објави Ројтерс.

„Се соочуваме со една од најголемите катастрофи, не само во нашата земја, туку и во историјата на човештвото“, изјави турскиот претседател Реџеп Таип Ердоган во Анкара.