Стразбур ја врати топката на одлучување во државава
Костадин Богданов, адвокат, и поранешен владин агент пред Европскиот суд за човекови права во Старзбур, за Фактор попрецизно го објаснува значењето на денешната одлука на Европскиот суд.
„Реално и објективно, Судот во Стразбур нема донесено ништо мериторно, во смисла дали жалбените наводи се прифатливи или не, односно дали има повреда на Конвенцијата за човекови права или не, туку едноставно, остава време да го слушне и мислењето на нашиот Врховен суд, во контекст на предметите и помилувањата, како би можел евентуално подоцна да решава и мериторно. Практично, Судот сега само ја отфрла апликацијата во моментов, бидејќи не се исцрпени сите домашни правни средства“, објаснува Богданов во разговор за Фактор.
Според него, тоа досега во земјава и не ни можело да се случи, бидејќи тие предмети се уште не се дојдени преед Врховниот суд, па практично судот во Стразбур не би сакал да се истрчува и да носи одлуки додека кај нас највисокиот суд во државата се уште нема кажано ништо.
