(ВИДЕО) Со дрон се трага по исчезнатите во страшната несреќа во Грција
На снимката која ја објавија грчките медиуми може да се види како кранот со внимателни движења почнал да ги отстранува остатоците од вагонот, додека дрон од воздух ги бара исчезнатите по страшниот судар во Грција.
Во тек е голема операција за пребарување и спасување на патниците кои биле во возот.
Во потрагата учествуваат и кучиња трагачи.
Најмалку 32 лица загинаа синоќа во судир на патнички воз и товарен воз во близина на Темпи кај Лариса, Грција.
Грчките медиуми јавуваат дека во возот има повеќе заробени патници, поради што се стравува дека бројот на жртви ќе расте.
Голем број повредени се пренесени во болницата во Лариса, додека повеќето загинати се студенти, пишува Телеграф.рс.
Грчкиот премиер Киријакос Мицотакис денеска напладне се очекува да го посети местото на трагедијата.
