(ВИДЕО) Објавени снимки од првите моменти по страшниот судир во Грција
Збунетите патници се снимале меѓу урнатините и скршеното стакло додека се обидувале да сфатат што се случило и да избегаат по страотната несреќа во Грција.
До нив, во првите вагони од двата воза, избувнал пожар.
– Сите надвор, има пожар – се слуша како некој вика на видеото што го објави Прототема.
Во вагоните кои гореа речиси два часа температурата надмина 1.200 Целзиусови степени, соопштија надлежните од Бригадата за противпожарна заштита.
Во пеколната сцена, патниците кои избегале од вагонот низ дупки или скршени прозорци ги повикале другите што побрзо да го напуштат возот, пренесува Telegraf.rs.
Противпожарната бригада соопшти дека во синоќешниот судар на два воза во Грција, во раните утрински часови, загинале најмалку 32 лица, а 85 се повредени.
Гувернерот на Тесалија Константинос Агорастос изјави дека меѓуградски патнички воз што сообраќал од Атина до Солун со голема брзина се судрил со товарен воз пред градот Лариса во централна Грција, пренесува Ројтерс.
Ова е најтешката сообраќајна несреќа во Грција во последните неколку децении.
Причината за несреќата се уште е нејасна.
