Свет

(Видео) Најмалку 11 лица загинаа во стампедо на делење бесплатно брашно во Пакистан


Најмалку 11 лица загинаа денеска во стампедо во центар за дистрибуција на храна во јужниот пристанишен град Карачи, соопштија пакистанските власти.

dobivaj vesti na viber

Стампедото се случило кога стотици луѓе во паника почнале да се туркаат додека пред центарот се делело бесплатно брашно, пренесува АП.

Некои од нив паднале во блискиот одвод, изјави претставник на локалната полиција Мугис Хашми.

Тоа е најсмртоносното стампедо на местата за дистрибуција на храна од почетокот на Рамазан, исламскиот свет месец на постот.

Со последниот инцидент, бројот на загинати во стампедата во центрите за бесплатна храна низ земјата се искачи на најмалку 19 од минатата недела, според „АП“.

Пакистанската влада, која е без пари, воведе систем на бесплатна дистрибуција на брашно за сиромашните, првенствено во провинцијата Пенџаб, за да се справи со зголемената инфлација, а во последните денови се зголеми гужвата во дистрибутивните центри.



На почеток