Во подрум од куќа најдени тела на три бебиња – мајката обвинета за убиство и инцест, уапсен нејзиниот татко, Полска е згрозена

Грозоморно злосторство се случило во Полска. Полицијата откри три тела на новороденчиња во подрум на една од куќите во Черники, Полска, соопшти обвинителството. Приведената мајка (20) доби кривична пријава за убиство.

Како што неофицијално пренесуваат полските медиуми, мајката е обвинета за убиство на деца и инцест, а наскоро ќе биде обвинет и нејзиниот 54-годишен татко.

Полицијата во петокот вечерта пронашла едно мртво новороденче во подрумот на куќата, а по натамошното пребарување било пронајдено уште едно тело на новороденче во напредна фаза на распаѓање, па не можело веднаш да се утврди кога и како починало. Полицијата на крајот пронашла и трето мртво бебе.