Сведоштво за СДСМ: Единствено што сум побарал е помошта за ова болно дете и добив „ќе биде“, за сега да видам како Мицкоски повикува на помош
Активистот на СДСМ, Борис Спировски побара помош за Филип Петрушевски, момче од Скопје кое е во влошена здравствена состобја. Но не го криеше ниту разочарувањето од неговата партија, кои наместо помош, според неговото сведоштво, викале „ќе видиме“.
„После цело паритско и политичко искуство (11+ години) помошта за ова дете (Воедно и “наше” дете) било единственото барање кое сум го имал до мојата матична партија и повеќето другари се сведоци за тоа. Никој немаше слух иако многу врати беа тропнати и до ден денес сме оставени на “Ќе биде”, додека локални паразити единствена цел им беше вгнездување на високодржавна позиција. За денес да видам дека претседателот на најголемата опозициска партија, условно најголемиот непријател на мојата партија повикува на помош и донација за Филип Петрушевски“, напиша Спировски.
Помош за момчето побара Мицкоски, кој го објави апелот.
За ова, Спировски вели: „Критиките се многу и оправдани кон Мицковски, но од личен аспект оваа постапка значи многу. Јас сум бил, сум и секогаш ќе останам СДСМ и покрај цела неправда од страната на непотизмот и негативната селекција во партијата. Понекогаш љубовта кон тоа што го сакаме не ни е возвратена ама гордоста ми е многу голема. Бидејќи секакви ситни души ампутирани од рационалност, постојано ги следат постови на соц.мрежи, се надевам дека нема да ми замерат што ќе го споделам овој статус на Мицковски. Може и вие да се ангажирате околу детето, нема да ви промени многу“.
