(Видео) Кој го фати крстот во Охрид, а кој го скрши – се бара да му се врати на верникот во чија рака остана дел од светиот симбол
Остри реакции на социјалните мрежи има за положувањето на крстот во Охридското Езеро. Познато е дека крстот беше скршен при моментот на фаќање, а едната половина заврши кај верник, за кој сега се тврди, дека прв го фатил, па му го украле од рака. Реакциите одат до таму, да има барање, крстот да му биде вратен нему.
„Охрид!!!Да биде јасно,дечкото со црвената маица го фати крстот,тој со црната маица на сила му влегува од страна и го крши крстот и со пајташите другарите го избуткаа и као он го фатил крстот. Срамота, но Бог гледа!!! Бог се јави, навистина се јави!“, напиша Горан Михаилоски.
Во реакцијата од Бобанчо Боки Илиоски, стои: „Катастрофа за Охрид. Да се врати крстот и јавно да се извинат за овој потег. Господ е голем!“.
Слична реакција има и од Виктор Џамти, кој вели: „Да е за многу години денов. Најдете го чоеков и вратете му го Крстот“.
