Уапсени четворица меѓу кои Нино Васев, претреси имало на три локации, соопшти Обвинителството за Онкологија
![](https://skopje1.mk/wp-content/uploads/2024/01/korge.jpg)
Обивнителството потврдува дека од утринава направени се претреси на три локации, а уапсени се четири лица. Оттаму посочуваат дека акцијата за „Онкологија“ се уште трае. Меѓу уапсените и задржаните во полициска станица е и ескдиректорот Нино Васев.
„До овој момент извршени се претреси на три локации и задржани се четири лица поради сомненија дека сториле кривични дела. Основното јавно обвинителство Скопје продолжува со дејствија.“, велат од Обвинителството во првичната информација.
Претходно, објавивме дека Нино Васев со лисици е изнесен од болницата. Тој е во полициска станица, а е осомничен во предметот кој го води скопското Обвинителство за кражба и злоупотреба на цитостатици. Тој ќе биде задржан во станица 24 часа, дознава „Скопје1“. Потоа, ќе се одлучува дали ќе се бара мерка за обезбедување присуство како што е приворот, куќниот притвор, одземање на патни исправи, јавување во суд.
Истовремено, три лица опфатени со истрагата, неофицијално, во моментов се недостапни за органите на прогнот и по нив се трага.
![](https://skopje1.mk/wp-content/uploads/2022/01/2222.png)