Легендарниот тенисер го пофали Синер: Го турна победата над Ѓоковиќ
Познатиот тенисер Род Лејвер ја коментираше победата на Јаник Синер над Новак Ѓоковиќ во полуфиналето на Австралија Опен (3:1).
По тој триумф Синер продолжи да блеска и по пресврт по 2:0 го совлада Данило Медведев со 3:2.
Поради ова доби бројни симпатии од легендите во тенискиот свет, а еден од нив беше и Род Лејвер.
„Тој порасна многу од минатата година и сигурен сум дека со неговата комплетна игра и младост ќе може да постигне многу големи цели. Има голема сила, техника, прецизност. Тој продолжува да го следи својот план без брзање и тоа ќе му овозможи да остане високо во рангирањето уште долго време. „За толку млад играч, тој веќе има комплетна игра и ќе се подобри само благодарение на неговата голема желба да се подобри“, рече Лејвер.
Смета дека особено му помогнала победата над Новак.
„Овој триумф е дел од неговиот раст. Ако сакате да бидете најдобри, треба да ги победите најдобрите. Штом успеа да го победи Ѓоковиќ, кој тука не загуби долги години, Синер почна уште повеќе да верува во својот потенцијал. Тоа му даде решавачки поттик и за финалето“, додаде Лејвер.
