(Видео) Масовен напад на Украина, одекнуваат експлозии во Киев: највисокиот функционер на ЕУ итно бил испратен во засолниште
Високиот претставник на ЕУ за надворешна политика и безбедност, Јосеп Борељ, кој е во дводневна посета на Украина, објави дека утрото го поминал во засолниште поради сирените за воздушни напади што се огласија низ целиот Киев, проследено со серија експлозии во Киев и многу украински градови.
„Го започнувам утрото во засолништето додека се огласуваат сирените низ Киев. Ова е секојдневната реалност на храбриот украински народ, откако Русија ја започна својата нелегална агресија“, напиша Борељ на платформата Х.
Русија изутрината изврши ракетен напад врз Киев и други украински градови, соопшти украинското воздухопловство, а во главниот град се слушнаа неколку експлозии додека системи за противвоздушна одбрана беа ангажирани во одбивањето на нападот. Силни експлозии се слушнале во Киев непосредно пред 7:00 часот, изјавиле очевидци за агенцијата Ројтерс. Еден човек е убиен во јужниот град Миколаев, а девет лица се ранети во Киев.
Kyiv now. Russia and all its allies must be punished!#RussiaIsATerroristState #RussianWarCrimes pic.twitter.com/sBI8eMaVhi
— Devana 🇺🇦 (@DevanaUkraine) February 7, 2024
Градоначалникот на Киев, Виталиј Кличко, на Телеграм објави дека се ангажирани системи за противвоздушна одбрана. Тој додаде дека делови од главниот град на Украина денеска останале без струја, откако соборена руска ракета ги оштетила далноводите.
Во Киев и остатокот од земјата, воздушните предупредувања се во сила повеќе од два часа, според Ројтерс. Олех Синехубов, гувернер на Харковската област, во североисточна Украина, рече дека руски проектили погодиле нестанбена инфраструктура во градот Харков, административен центар на регионот.
