Аргентинскиот претседател првпат се сретна со Папата, тој претходно го нарече имбецил
Аргентинскиот претседател Хавиер Милеи денеска за првпат ќе биде примен на аудиенција кај папата Франциско, неговиот сонародник од Буенос Аирес, со цел да се изедначат односите во време кога нивната родна Аргентина минува низ тешка економска криза. 53-годишниот ултралиберален економист е во прва официјална посета на Рим, два месеци откако стана шеф на државата.
На аудиенцијата двајцата лидери се очекува да разговараат за можната посета на папата Франциско на Аргентина, каде што не бил откако беше избран за папа и стана поглавар на Католичката црква во 2013 година. Откако минатата година го обвини Светиот Отец во кампањата за мешање во политиката, Милеи го ублажи својот тон и се залага за посета на папата на Аргентина.
За време на неговата претседателска кампања, Милеи го нарече Францис, поранешниот надбискуп од Буенос Аирес, „имбецил“ и го обвини дека промовира комунизам. Сепак, тој подоцна се извини, велејќи дека „го почитува како поглавар на Католичката црква, како шеф на државата и како духовен водач на огромното мнозинство Аргентинци“.
Папата, сепак, рече дека не обрнува премногу внимание на неговите навреди и дека е важно што прави политичарот кога е на функција, а не што зборува во кампањата.
Во ноември му се јавил Француско и му ја честитал изборната победа, а вчера двајцата се насмеале и се гушнале на мисата во базиликата Св. Петар за време на канонизацијата на првиот аргентински светец, преподобна и мисионерка од 18 век позната како Мама Антула, која се откажала од своето семејно богатство и се посветила на добротворна работа и духовни вежби на Језуитите, во време кога Језуитите биле протерани од Аргентина.
Нејзиниот татко бил богат земјопоседник и робовладетел, а папата Франциско, и самиот језуит, ја опишал како „подарок за аргентинскиот народ и целата црква“. Милеи, самонаречен „анархо-капиталист“, во понеделник ќе се сретне и со италијанскиот премиер Џорџо Мелони и со претседателот Серџо Матарела.
