(Фото) Арсовска се појави да крои со скопските градоначалници во Кучково, кои претходно јавно ги „плукаше“
Градоначалникот на Ѓорче Петров, Александар Стојкоски беше домаќин во Кучково на скопските градоначалници каде традиционално се одбележа св. Трифун со кроење на лозјата. Таму освен Дарко Костовски од Бутел и Орце Ѓоргиевски од Кисела Вода, се појави и скопската градоначалничка Данела Арсовска која војува со нејзините колеги и јавно ги обвинува откако стана претседателка на партија.
Од фотографиите може да се види како таа стои зад Костовски и Стојкоски.
На настанот беше и поглаварот на МПЦ, г.г. Стефан.
„Ја продолживме македонската вековна традиција! Го закроивме лозјето кај црквата Св.„Трифун“ во селото Кучково по повод истоимениот денешен празник. Посакавме бериќетна и плодна година за род на грозјето. Овој ден е особено значаен за мештаните, особено за лозарите и градинарите, бидејќи се верува дека Св.Трифун ги штити лозјата од разни штети, болести и несреќи. Пред чинот на закројување, одржана е традиционална литургија во истоимената црква. Овој ден се смета и за последен од зимските и за прв од пролетните празници. Задоволство е да се помине денот со ѓорчепетровци кои особено му се радуваат на денешниот празник. Посакувам уште долги години заеднички да ги одбележуваме традициите. За многу години денот и нека биде плодна и бериќетна годината“, напиша Стојкоски, градоначалник на Ѓорче Петров.
