Свет

(Видео) Украинците нападнаа една од најголемите термоелектрани во Русија

Avatar
Објавено на
(Видео) Хаос на новогодишната ноќ во Германија, полицајци нападнати со петарди и огномети, стотици се уапсени

Пожарот во една од најголемите термоелектрани во југозападна Русија денеска стави надвор од работа две централи, што накратко го прекина снабдувањето со енергија за потрошувачите, изјави регионалниот гувернер.

Василиј Голубев на Телеграм објави дека нема жртви и дека властите ги истражуваат причините за пожарот во електраната Новочеркаск во Ростов. Руското Министерство за одбрана соопшти дека руските сили уништиле 11 украински беспилотни летала лансирани во текот на ноќта над Ростов, но не соопшти ништо за евентуална штета.

Рускиот информативен канал „База телеграм“ сепак објави дека пожарот во електраната во Ростов бил предизвикан од напад на украински беспилотни летала. Украина не ги објави овие напади.

Новочеркаск е една од најголемите термоелектрани на југозападот на Русија, објави сопственикот на електраната ОГК-2, која е контролирана од подружница на рускиот енергетски гигант Газпром.

Поврзани вести преку ознаки:

Прочитајте и:

На почеток