Тони Блер: Бомбардирањето на НАТО беше правилно, стојам со народот на Косово
![](https://skopje1.mk/wp-content/uploads/2024/06/nato.jpg)
Поранешниот премиер на Велика Британија Тони Блер денеска во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде буди длабоки емоции. Му честитам на народот на Косово за нивната храброст и непоколеблива решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседателот на Косово, Вјоса Османи, пренесува Косово онлајн.
Блер додаде дека очекува Косово во иднина да стане дел од Европската унија.
„Овде се случуваат многу позитивни работи кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.
По средбата со Османи, тој се обрати пред пратениците во Собранието на Косово и рече дека Косово се уште се соочува со предизвици.
„Многу сум среќен што сум овде, почестен сум. Не можам доволно да ти се заблагодарам. Пред 25 години беше постигнат договор за спас на територијата на Косово. Направивме се за народот на Косово повторно да живее, повторно да дише. Се сеќаваме на нивните жртви и им благодариме на сите што ни помогнаа“, рече Блер.
Блер ја спомна и „помоштата“ на Соединетите Американски Држави.
„Се разбира, со помош на американскиот претседател Бил Клинтон, и многу други земји, помогнавме овде. Никој од нас не можеше да помогне без ваша моќ, народе на Косово. „Косово е независна и моќна земја која во иднина ќе стане дел од ЕУ“, рече Блер.
Тој рече дека Косово сè уште не е признаено од многу земји и дека мора да се работи во насока на нови признавања.
„Има многу земји кои сè уште не го признаваат Косово и мораме да работиме на тоа“, рече Блер.
![](https://skopje1.mk/wp-content/uploads/2022/01/2222.png)