Германија е во огромен проблем, опасноста е се поголема
![Германија бара заплена на повеќе од 720 милиони евра замрзнати руски средства](https://skopje1.mk/wp-content/uploads/2023/12/Германија-бара-заплена-на-повеќе-од-720-милиони-евра-замрзнати.jpg)
Опасноста од исламистички терористички напади во Германија е значително поголема од претходните години, делумно и поради војната во Газа, се вели во информацијата на службата за заштита на уставот.
„Ризикот од џихадистички напад е поголем отколку што беше.“, изјави за ДПА претседателот на службата, Томас Халденванг.
Шефот на внатрешната разузнавачка служба наведе различни фактори кои го зголемуваат ризикот од терористички напади, вклучително и оние на радикализирани поединци. Една од нив е дека талибанците во Авганистан генерално ги поддржуваат џихадистичките идеи.
,,Палењето на Куранот во Скандинавија и израелската воена операција во Појасот Газа исто така придонесоа за „почнување на спиралата на радикализација.”
„Ситуацијата на Блискиот Исток по терористичкиот напад на Хамас е дефинитивно уште една причина за зајакнување на заканата од исламистичкиот тероризам.”
Тој рече и дека е тешко да се одреди која е најголемата безбедносна закана.
„Во моментов имаме три проблематични области – закана од исламистички тероризам, вжештената клима во општеството, пред се поради десничарскиот екстремизам кој ги вклучува исламофобијата и ксенофобијата, како и влијанието и шпионските активности на странските земји“, рече Халденванг.
Освен тоа, расте и заканата од насилен, левичарски екстремизам.
![](https://skopje1.mk/wp-content/uploads/2022/01/2222.png)