(Видео) Селин Дион е бесна на Трамп што ја користел нејзината песна на предизборен митинг без дозвола
Канадската пејачка Селин Дион го критикуваше републиканскиот претседателски кандидат Доналд Трамп за користење на песна што ја напишала и пеела за филмот за катастрофата на Титаник на предизборен митинг.
So at the Trump rally in Montana, they actually played the theme song to Titanic. What a foreshadowing!
MAGA is sunk. pic.twitter.com/khfsj63TyT— Anonymous (@YourAnonNews) August 10, 2024
Трамп беше исмејуван на социјалните мрежи откако песната „My Heart Will Go On“ од 1997 година беше искористена на неговиот предизборен митинг во американската сојузна држава Монтана, додека видеото на Дион што ја изведува беше пуштено на голем екран.
Менаџерите на Дион и Sony Music Entertainment Canada, во соопштението велат дека употребата на песната или видеото не е „на кој било начин“ одобрена.
„Селин Дион не ја одобрува оваа или слична употреба… И навистина, ТАА песна?“, се додава во соопштението.
Корисниците на социјалните мрежи ја споредија кампањата на Трамп со брод што тоне.
Трамп се чини дека е во неповолна положба откако Камала Харис го замени демократскиот актуелен претседател Џо Бајден во трката за Белата куќа.
Песната „My Heart Will Go On“ беше објавена на албумот „Let’s Talk About Love“ и како саундтрак за „Титаник“. Стана една од најпознатите песни на сите времиња, продадена е во 18 милиони примероци, а поради неа Дион доби Оскар, Златен глобус и неколку Греми.
Дион (56) мораше да откаже низа концерти во 2023 и 2024 година, велејќи дека нема доволно енергија за турнеја откако и беше дијагностицирана автоимуна болест.
Сепак, минатиот месец таа ги воодушеви обожавателите пеејќи од Ајфеловата кула на отворањето на Олимписките игри во Париз.
