„Поради извршување на градежни работи во рамки на реконструкцијата на булеварот „Партизански одреди“ во Влае, како и поради извршување на градежни работи на топловодната мрежа од страна на БЕГ, денес во периодот од 10 до 18 часот дел од оваа делница ќе биде целосно затворена за сообраќај.
Поради затворање на сообраќајната делница поради асфалтирање во правец од Ѓорче Петров кон Карпош, на потегот од кружниот тек кај Порта Влае до мостот Влајко, сообраќајот ќе се одвива преку улицата Ацо Шопов, па десно по улица Иван Цанкар каде возилата ќе се вратат на булеварот Партизански одреди пред мостот Влајко“, известуваат од Град Скопје
Во соопштенито наведуваат дека целосно ќе се пренасочат и автобусите од јавниот превоз, каде во правецот Ѓорче Петров – Центар, автобусите ќе сообраќаат по истата рута, а денеска нема да функционира автобуската постојка бр. 292 – Порта Влае.
