Австрија собори температурен рекорд: Во Виена измерени 41 степен

Австрија денеска ја забележа највисоката температура откако се вршат метеоролошки мерења, откако во виенската населба Штамерсдорф беа измерени 41 степен Целзиусов.

— реклама —

Според австриската јавна радиотелевизија ОРФ, која се повикува на податоците од државната метеоролошка служба „ГеоСфера Австрија“, станува збор за нов температурен рекорд во земјата.

— реклама —

Метеоролозите предупредуваат дека топлотниот бран ќе го достигне својот врв денеска и утре, а не се исклучува можноста температурата во текот на утрешниот ден да ја надмине денешната рекордна вредност.

— реклама —

Поради екстремните горештини, „ГеоСфера Австрија“ издаде црвено предупредување, највисоко ниво на опасност, за Виена, северниот дел на покраината Бургенланд и североисточниот дел на Долна Австрија.

— реклама —

Температури повисоки од 40 степени Целзиусови денеска се регистрирани и во други делови на Австрија.