“Прво човек, потоа градоначалник на Скопје”, Ѓорѓиевски ја промовираше кандидатурата за Скопје

Орце Ѓорѓиевски, актуелен градоначалник на Кисела Вода, денеска официјално ја претстави својата кандидатура за градоначалник на Град Скопје од редовите на ВМРО-ДПМНЕ.„Време е за нов почеток! За нашето Скопје, за најдоброто кое го заслужувате“, порача Ѓорѓиевски на својата промоција пред скопјани, истакнувајќи дека влегува во трката „прво како човек, па како градоначалник“.Тој пред граѓаните зборуваше за својата визија за главниот град, нагласувајќи дека Скопје мора да се издигне од сегашните проблеми и да стане место „каде што младите ќе ја гледаат својата иднина, постарите ќе имаат мир, а сите ќе живеат достоинствено“.„Не сум тука да ветувам чуда, туку да бидам човек што дише ист воздух и се соочува со истите проблеми како вас. Прво човек, потоа градоначалник“, истакна тој.Како приоритети ги наведе нови паркови и зелени коридори, модерен јавен превоз со булевари и катни гаражи, подобри училишта и дигитални услуги за граѓаните.„Скопје заслужува повеќе – чист воздух, современи училишта, функционален јавен превоз и уреден урбанизам. Ова не е само моја борба, ова е наша заедничка мисија. Најсилниот збор во демократија е – ние, скопјани“, рече Ѓорѓиевски.На крајот им се заблагодари на сите поддржувачи, особено на премиерот и лидер на ВМРО-ДПМНЕ, Христијан Мицкоски, за довербата и поддршката.„Заедно ќе победиме“, порача Ѓорѓиевски.

Скопје | пред 3 месеци

Филипче: ВМРО-ДПМНЕ надвор од пропагандата нема што друго да каже, се што ветија, излажаа

Претседателот на Социјалдемократскиот сојуз на Македонија, д-р Венко Филипче, на денешниот работен состанок во Струга со кандидатите за градоначалници и советници од СДСМ за претстојните локални избори, порача дека СДСМ има јасна и искрена понуда за граѓаните – квалитетни кандидати кои доаѓаат со силна поддршка и доверба од теренот.Во обраќањето Филипче посочи дека СДСМ е единствана партија која со сите политики и одлуки секогаш пред очи го има граѓанинот, за разлика од ВМРО ДПМНЕ кои се што ветија, излажаа и не исполнија.„Лажеа за Европа, лажеа за сите добри политики. Што збореа за Европа, ќе има подобри преговарачки позиции, судот од Стразбур ќе се борел за да се имплементираат одлуките во Бугарија за нашето малцинство, дека ќе има уставни измени со одложено дејство, дека името ќе го вратат, дека договорот со Бугарија ќе го поништат. Ништо не направија, ништо за граѓаните“, рече Филипче.Во обраќањето Филипче нагласи дека Владата на ВМРО-ДПМНЕ изгради цела политичка стратегија врз лаги и манипулации, кои денес се разобличени пред очите на граѓаните. Паралелно ги одбија сите добри политики на СДСМ за да им е помогне на граѓаните во услови на растечки трошоци живот и стагнирачки ниски плати.„Надвор од пропагандата, оваа власт денес нема што да каже. Дадовме предлог за повисоки плати? Дадовме предлог за ДДВ? Нема шанси, ниту една политика за доброто на граѓаните не ја прифаќаат и немаат намера да направат нешто. Сега луѓето тоа полека го гледаат“, рече претседателот на СДСМ, Венко Филипче.

Македонија | пред 3 месеци

Пожар и во Батинци

Пред малку изби холем пожар на отворен простор над скопското с. Батинци, зафати трева, грмушки и мешана шума, порафи ветрот се шири со голема брзина.Скопската БППЗ работи на гаснење, набргу ќе пристигнат и два пинцгауери на ДЗС како и хеликоптерот на МВР а нешто подоцна ќе полетаат и два ер трактори на ДЗС.На лице место е и директорот на ЦУК Мухамед Али.Според првичните информации се работи за намерно подметнат пожар.

Македонија | пред 3 месеци

Ужас во Велес: Поранешен партнер ја демнел и тепал жртвата – судот му одреди притвор

Постапувајќи по поднесена кривична пријава од МВР, Основното јавно обвинителство Велес поведе постапка против 59-годишен жител на Велес, осомничен за кривични дела – демнење и продолжено насилство.Од предистражните дејствија произлегува дека осомничениот, кој бил во интимна врска со жртвата, со месеци ја следел и се мешал во нејзиниот личен живот, проверувал со кого комуницира, каде излегува, ја навредувал и психички ја вознемирувал. Со своите постапки кај неа предизвикувал чувство на страв, несигурност и вознемиреност.На 18 септември, во текот на целиот ден, осомничениот вршел грубо насилство врз жртвата, при што и нанел телесни повреди. Првин ја нападнал на нејзиното работно место, а потоа трипати насилно влегол во нејзиниот стан и повторно физички ја нападнал.Јавниот обвинител оценил дека постои сериозен ризик осомничениот да ги повтори насилничките дејствија, имајќи предвид неговата упорност и фактот што работи заедно со жртвата. Дополнително, поради неговото занимање и важечката документација за премин на државната граница, постоела опасност и од бегство.Затоа, обвинителството до Основниот суд во Велес поднесе предлог за определување мерка притвор. Судот го прифати предлогот и определи притвор за осомничениот, информираат од Обвинителството.

Македонија | пред 3 месеци

Дводневен симпозиум за медитеранска и теоретска археологија

Синоќа во куќата на Робевци, беше отворен првиот „Меѓународен симпозиум за Медитеранска  и теоретска аррхеологија – ЛИХНИДА“. Дводневниот научен собир е во организација на повеќе институции од Македонија и универзитетот Хамболд од Соединетите Американски Држави. На свеченото отворање се обрати градоначалникот Кирил Пецаков.– Исклучителна е честа денес да се биде во ваква академска средина, во градот кој е вечна инспирација, посебно за археологијата. Искрени честитки за организаторите, кои по повод Европските деноови на наследство 2025, упеаја да го организираат првиот „Меѓународен симпозиум за Медитеранска и теоретска археолигија –Лихнида“.Годинава се навршуваат 45 години кога меѓународната стручна јавност ги препознала уникатните вредности на Охрид и го ставила на листата на УНЕСКО како светско природно и културно наследство. Тоа е голема чест, но и голема одговорност во пристапот и заштитата на вековното природно и културно богатство.Почитувани, верувам дека во наредните два дена со вашите презентации, научни согледувања и идеи, ќе ни помогнете да изградиме уште посилен институционален механизам и пристап во археолошката наука, а со тоа и во значителна мера во заштитата на богатото културно наследство со кое изобилува Охрид и Македонија – истакна Пецаков.Директорот на симпозиумот проф. д-р Љубен Тевдовски потсетувајќи дека Охрид е симбол за материјалното и духовното наследство на македонскиот народ, но и значајна точка, вруток на европската, медитеранската и светска цивилизација, истакна:– Денес се инспирираме и ја пресоздаваме нашата милениумска Охридска и македонска традиција. Нашиот македонски, европски, медитерански и светски  бисер на археолошко и културно наследство Охрид, денес се трансформира пред нашите очи во модерен центар за фундаметални анализи и методолошка строгост. Нова значајна точка на постојани средби на медитеранските археолози посветени на обновувањето и постојано преосмислување на археологијата како научна дисциплина, развојот на нова свест за недореченостите и заблудите во науката и општеството, обезбедувањето нови пристапи во проучувањето и разбирањето на нашето заедничко минато и соочувањето со медитеранските и глобалните предизвици до денешноста и иднината.Дозволете ми да ви честитам за основањето на новата меѓународна институција која го продолжува милениумскиот дух на Градот на светлината и повеќедецениската благородна мисија на УНЕСКО. Во таа смисла, „Меѓународниот симпозиум за теретска и медитеранска архологија Лихнида“, е израз нашата заедничка посветеност на долгорочна промоција на мирот, културното разбирање и заштитата на заедничкото наследство на човештвото.Во продолжение на вечерта, се одржа пред промоција на книгата “Етиката во археолошката практика“ од проф. д-р Пол Белфорд и проф. д-р Гери Вејт, која својата светска промоција ќе ја има на Келог колеџот на универзитетот во Оксфорд.На дводневниот симпозиум учествуваат повеќе од 40 еминенти научници и археолози и од земјава и странство.

ОО | пред 3 месеци

Шукова: Власта ги лажеше граѓаните на Скопје и ги остави да дишат отрови, одговорност мора да има

Кандидатката за градоначалник на Град Скопје, Каја Шукова, остро реагира на односот на власта по пожарот во Трубарево. Таа посочи дека граѓаните на Скопје со денови биле изложени на високи концентрации на тешки метали – олово, арсен и кадмиум, додека власта молчела и ги уверувала дека опасност нема.„Наместо навреме да алармираат и да преземат мерки, ВМРО-ДПМНЕ свесно ги оставија граѓаните да се трујат. Дури по шест дена беа објавени резултатите од мерењата, кои покажаа дека концентрацијата на кадмиум во воздухот била речиси 12 пати над дозволената граница, а и арсенот и оловото биле над максимално дозволените вредности,“ напиша Шукова на социјалните медиуми.Таа додаде дека ова не е само негрижа, туку свесно загрозување на здравјето на луѓето: „Ова е лицето на власта што не знае за превенција, што не знае за заштита, што бега од одговорност и зад лаги ја крие сопствената неспособност.“Шукова потенцира дека животот и здравјето на граѓаните не смеат да бидат жртва на лаги и политички калкулации и порача дека мора да има одговорност за ваквото однесување.

Скопје | пред 3 месеци

(Видео) Пожар избувна во Горно Нерези

Пожар избувна во Горно Нерези, каде гори сува трева. Ова е втор пожар во овој дел на градот.Според првичните информации гори сува трева и дрва.Повеќе информации подоцна.

Настани | пред 3 месеци

Охрид домаќин на меѓународниот турнир во огнено оружје „Гранд при Лихнидос“

Денеска во Охрид започна третото издание на Меѓународниот турнир во огнено оружје „Гранд При Лихнидос“ кој се организира со поддршка на Општина Охрид. Настанот се одржува по трет пат и годинава собра учесници од повеќе држави, кои се натпреваруваат во неколку дисциплини со огнено оружје.‎‎На свеченото отворање, свое обраќање имаше градоначалникот на Охрид, Кирил Пецаков, кој ја истакна важноста на ваквите меѓународни настани за промоција на Охрид како спортски и туристички центар.‎‎– Голема чест и задоволство ми е што денеска сум тука со вас и што имам можност, во мое лично име и во име на Општина Охрид, да ве поздравам и да го означам почетокот на овој значаен спортски настан.Меѓународниот турнир во стрелање со огнено оружје е симбол на нашата посветеност кон развојот, промоцијата и унапредувањето на стрелачкиот спорт во Охрид.Нашиот град има богата традиција и се гордее со истакнати стрелци кои постигнале забележителни резултати, како на национално, така и на меѓународно ниво. Особено не радува фактот што се појавуваат нови, млади генерации на стрелци, кои се талентирани и амбициозни и од кои очекуваме големи спортски успеси и нови рекорди.Упатувам благодарност до организаторите на турнирот кои со својата посветеност и оваа година овозможија високо ниво на организација. Се надевам дека денешниот турнир ќе помине во духот на фер натпреварување, взаемно почитување и пријателство.Како домаќини, искрено сме горди што можеме да бидеме дел од оваа спортска традиција и што имаме можност да го споделиме прекрасниот Охрид и нашето културно, историско и природно богатство со сите вас.Нека овој турнир биде уште еден чекор кон зајакнување на спортскиот дух и меѓусебната соработка. Им посакувам голем успех на сите натпреварувачи, а на гостите пријатен престој во Охрид, истакна Пецаков.Организатор на меѓународниот турнир е охридскиот стрелачки клуб „Лихнидос“, а натпреварите се одржуваа во стрелиштето „Бејбунар“ во Охрид.‎

ОО | пред 3 месеци

Кузеска: Време е за одговорност – граѓаните се трујат, а власта лаже и потфрла во справување со пожарите

На денешната прес-конференција, портпаролката на СДСМ, Богданка Кузеска, остро ја критикуваше актуелната влада, обвинувајќи ја за неспособност, лаги и свесно загрозување на здравјето на граѓаните во услови на сериозна еколошка криза.Кузеска истакна дека Владата го потврди скандалот што СДСМ претходно го објави, односно дека 400 пожарникари, кои беа најавени со голем ПР, сè уште не ја добиле првата плата, иако активно работат на терен среде разгорени пожари. Таа го нарече ова "празно оправдување и потценување на граѓаните".„Млади луѓе со месеци се ангажирани во општините, останаа без денар, а граѓаните без вистинска заштита од пожари и еколошки катастрофи,“ рече таа.Според Кузеска, власта на Христијан Мицкоски и ВМРО-ДПМНЕ не само што е неспособна, туку и ги манипулира граѓаните со лажни приказни и изговори за наводни хибридни напади, додека, како што рече, „народот се гуши во канцерогени честички“, депониите и понатаму горат, а 20% од територијата е изгорена.Таа предупреди дека повеќе не станува збор само за неспособност и лаги, туку за свесно загрозување на здравјето и животот на луѓето. Според СДСМ, по пожарот во Трубарево, граѓаните на Скопје дишеле олово, арсен и кадмиум, а власта, наместо да реагира итно, молчела и уверувала дека опасност нема.„Лично Христијан Мицкоски тврдеше дека загадувањето на воздухот не е големо,“ рече Кузеска, оценувајќи ја власта како „неспособна, измамничка и без чувство за одговорност.“СДСМ бара итна одговорност од владата за справување со пожарите, за еколошката катастрофа и за, како што велат, лагите со кои се излажани и граѓаните и пожарникарите.

Македонија | пред 3 месеци

ВМРО-ДПМНЕ: Филипче да не глуми загриженост, туку да се извини за здравствени и еколошки катастрофи

ВМРО-ДПМНЕ денеска упати остри критики на адреса на поранешниот министер за здравство Венко Филипче, обвинувајќи го за, како што велат, лажна загриженост за здравјето на граѓаните и барајќи тој да се извини за, според нив, сериозните пропусти направени во неговиот мандат.„Филипче, наместо да глуми лажна загриженост за здравјето на луѓето, треба да им се извини на граѓаните за тоа што во негово време здравствениот систем беше во хаос, за жртвите во корона кризата, за недостатокот на медицинска опрема и за пожарот во модуларната болница“, се наведува во реакцијата на партијата.Од ВМРО-ДПМНЕ потсетуваат дека токму Филипче, како министер, не обезбедил кислород во болниците и, според нив, ги оставил граѓаните без заштита во најтешките моменти од пандемијата.„Филипче да им се извини на граѓаните за сите катастрофи и за сето сторено во неговото време – за сите здравствени, еколошки и национални порази“, истакнуваат од партијата.Дополнително, од ВМРО-ДПМНЕ го обвинуваат Филипче дека не презел одговорност ниту за трагичниот пожар во модуларната болница во Тетово, прашувајќи „каде беше и зошто не одговараше“.Од партијата велат дека, за разлика од минатото, денес институциите реагираат одговорно и истрагата за неодамнешниот пожар во Трубарево е во тек.„Вистинската опасност за здравјето и безбедноста на граѓаните се СДС и ДУИ“, заклучуваат од ВМРО-ДПМНЕ.Венко Филипче досега нема дадено изјава по повод обвинувањата.

Македонија | пред 3 месеци

Охрид домаќин на меѓународниот турнир во огнено оружје „Гранд при Лихнидос“

Заменик градоначалникот, Ана Крстеска, присуствуваше на отворањето на културната манифестација „Охридски староградски средби“ што вчеравечер се одржа во ЦК „Григор Прличев“. Во своето поздравно обраќање, Крстеска истакна: – Ценети организатори на Охридските староградски средби, почитувачи на убавата музика и градскиот мелеос, дами и господа.Дозволете да го изразам моето задоволство што Охрид по 37 пат е домаќин на овој значачаен  културен настан. Преку него патуваме низ времето  кога младите охриѓаники и возрасни госпоѓи уживале во серенадите кои под прозорец ги пееле познати музиканти поддржани од нивните сакани. За миг застануваме  пред портите на куќата од Робевци и Уранија, шетаме по тесните сокачиња на Варош и не остануваме рамнодушни пред раскошот на охридските моми  кои буделе восхит кај минувачите на градското корзо.  Чекориме низ времето по холот во  хотел  „Палас„ или низ  некогашните хотели на ПТТ и „Парк“….Охридските Строградски Средби се можеби најпрепознатливиот и највпечатливиот културен белег на нашиот народ, кој низ песната ги изразувал своите радости, тага, мечти и тешкотии.   Вечерва 120 те учесници од  7 културно уметнички друштва од Охрид, Прилеп, Кичево, Скопје, Струга, Штип и Дебрца со својот настап  ќе го  потврдат непресушниот талент на македонскиот народ низ различни културни форми да се самопотврдува и да биде препознатлив на светската културна мапа. Охридските Староградски Средби се можеби  најзначајната алка во културниот гердан на градов зошто преку нив се изразува нашиот талент и уметничко битисување препознатливо и за другите култури и народи. Дозволете ми во името на Општина Охрид да ви посакам пријатна и распеана вечер, а тебе драга публико ти посакувам да понесеш позитивни впечатоци и до в година да бидеш уште побројна- рече Крстеска.„Охридските староградски средби“ се одржуваат по 37 пат во организација  на ЦК „Григор Прличев“. Годинава настапија  ГМХ „Вокс Лихнидос“- Охрид, „Вокален Октет“ – Прилеп, КУД „Распеани кичевчани“- Кичево, ансамбл „Вања Лазарова“-Скопје, ВИА „Распеани стружани“ – Струга, ЗГ „Градски хор Штип“- Штип и КУД  „Далги“ при ЗП Охрид и Дебрца.

ОО | пред 3 месеци

Стојкоски: Општина Ѓорче Петров ќе продолжи да се развива со проекти за младите и инвестирање во училишта и градинки

Во денешната емисија „За или против“ на Алфа телевизија, гостуваше актуелниот  градоначалник и кандидат за градоначалник на општина Ѓорче Петров, Александар Стојкоски кој ги истакна сите проекти кои се реализирано во општината и на кои тој е особено горд, наведувајќи ги проектите во инфраструктурата, доградбата на училишта, зголемувањето на капацитетите во детските градинки, воведувањето на едносменска настава, како и вложувањата во спортската инфраструктура.„Направивме сериозни исчекори во сите области, делот на инфраструктурата, се радувам на доградбите на училиштата коишто ги завршивме на Основното училиште „Тихомир Милошевски“ и на подрачното училиште во Хром, зголемувањето на капацитетите на детските градинки, на новата градинка во Стопански двор,  се радувам што воведовме во четири од шест објекти едносменска настава, во основните училишта во Ѓорче Петров, обезбедивме средства за доградба на три училишта, направивме многу за спортската инфраструктура, 9 нови спортски терени, мултифункционални игралишта  со тартан подлога. Мислам дека ја поставивме општината на здрав колосек, најперспективна општина во градот Скопје и општина која дополнително во иднина најдобро ќе се развива и ќе има најдобри фискални капацитети, вели Стојкоски.Градоначалникот Стојкоски ги истакна клучните точки на кои ќе се фокусира општината во иднина, притоа стави акцент на новата населба за млади која што се планира, се со цел да се создадат подобри услови за младите да основаат семејство.„Клучните точки пак се однесуваат најмногу на училишта и детски градинки, ќе имаме и нешто за пензионерите, ќе имаме  нова населба за млади, ќе кажам во текот на кампањата  начинот локацијата каде планираме тоа да се направи и од Владата има добар слух и од Народната банка излегоа со поволности за младите луѓе, целта ние да создадеме услови реални, да овозможиме локации каде младите брачни парови можат да си купат земја, да градат, да основаат семејства. Ќе бидеме поврзани за младите за иднината, за просперитетот“, рече Стојкоски.

Скопје | пред 3 месеци

(Видео) Автомобил гори во Идризово, Кадински пат: се запалил во движење

Автомобил во движење се запали во Идризово. Според првичните информации нема повредени лица.Пожарот се случил за момент, а возилото се запалило во движење. Патниците навреме излегле.Беше повикана противпожарна бригада која го изгасна огнот, но автомобилот е веќе пеплосан.

Скопје | пред 3 месеци

Лишени од слобода 15 лица, меѓу кои има вработени во МВР, ЈП Национални шуми, Министерството за земјоделие, со пустошење на шуми предизвикале штета од околу 6.405.000.000 денари

На 18/19.09.2025, Одделот за сузбивање на организиран и сериозен криминал во координација со Одделот за внатрешна контрола, криминалистички истраги и професионални стандарди, Одделот за гранични работи и миграции и Одделот за специјални полициски операции – ЕБР, а под раководство на Основното јавно обвинителство за гонење на организиран криминал и корупција, спроведе акција, при што сузбиена е организирана криминална група инволвирана во извршување на кривични дела „злосторничко здружување“, „пустошење на шуми“, „давање поткуп“, „примање поткуп“ и „злоупотреба на службена положба и овластување“.Во рамки на акцијата, врз основа на претходно обезбедени наредби од Основен кривичен суд, извршени се претреси на повеќе локации во Берово и една локација во Пехчево. Притоа, од слобода се лишени 15 лица, од кои дел од нив се службени лица вработени во Министерството за внатрешни работи, во ЈП „Национални шуми“ - подружница „Малешево“ и службено лице вработено во Министерство за земјоделство, шумарство и водостопанство, како и лица кои вршеле сеча и транспорт на дрва. При претресите се пронајдени и одземени парични средства околу 185.000 евра, 318.000 денари, повеќе телефонски апарати, документација, две ловечки пушки и воздушна пушка, 75 куршуми калибар 12 мм и други предмети за кои постои сомнение дека се поврзани со делата.Денека (19.09.2025), Единицата за финансиски криминал при Секторот за криминалистички истраги во Одделот за сузбивање на организиран и сериозен криминал криминал, до ОЈО за ГОКК поднесе кривична пријава против сите 15 физички лица и против едно правно лице, и тоа против Т.К.(35) за „злосторничко здружување“, „пустошење на шуми“ и „давање поткуп“, против О.М.(37)  за „злосторничко здружување“ и „пустошење на шуми“, против Е.И.(29) за „злосторничко здружување“, „злоупотреба на службена положба и овластување“ и „пустошење на шуми“, против Г.Р.(46) , В.В.(49) , Б.Ш.(49) , Д.В.(61)  и Б.М.(47) за „злосторничко здружување“, „злоупотреба на службена положба и овластување“ и „пустошење на шуми“, против Г.А.(39), А.К.(38) и Н.А.(43) за „злосторничко здружување“, „злоупотреба на службена положба и овластување“, „пустошење на шуми“ и „примање поткуп“, против П.К.(61), М.С.(30)  и В.М.(54)  за „злосторничко здружување“ и „пустошење на шуми“, против Ј.А.(36)  за „злосторничко здружување“ и „пустошење на шуми“ и против правно лице од с.Двориште, беровско, поради постоење основи на сомненеи за сторено кривично дело „пустошење на шуми“.Имено, во текот на 2025 година пријавените Т.К., О.М. и Е.И. формирале злосторничко здружување со цел вршење на кривично дело пустошење на шуми, на начин што покрај легалната сеча на дрвна маса на територијата на општина Берово (с.Двориште), вршеле и нелегална сеча, транспорт и продажба, како би оствариле противправна имотна корист за себе и за сметка на правното лице, а на штета на државниот буџет.Пријавените Г.А., А.К. и Б.Ш., спротивно на Статутот, Законот за шумите, Правилникот за видот и начинот на жигосување, видот на шумскиот жиг за жигосување за исечено дрво и дрвни асортименти, начинот на издавање на испратница, пуштање во промет на исечени дрва, формата и содржината на регистарот на издадени и заверени испратници, формата и содржината на испратниците, формата и содржината на барањето за издавање на испратница и висината на надоместокот за издадени испратници (чл.8, чл.9, чл.12 и чл.13) и Правилникот за систематизација на работни места при ЈП „Национални шуми“ им овозможувале на организаторите нелегално исечената дрвна маса да биде транспортирана, ставена во промет и дистрибуирана до правното лице, како и до крајните корисници, наводно поткрепена со соодветна документација, за што им бил исплаќан паричен надоместок-поткуп за да го извршат дејствијето. Исто така, покрај вработените во ЈП „Национални шуми“, организаторите биле навремено известувани за вршење на контроли по пријави од граѓани и од страна на пријавената Д.В..Во нелегалната сеча се приклучил и пријавениот Н.А., кој во два наврата за две различни локации побарал и примил поткуп, со тоа што во август и септември им понудил на организаторите да извршат сеча на опожарена шума, без да биде објавен јавен повик, со што им овозможил дрвната маса слободно да ја пуштат во легалниот промет.В.В., Б.М. и Г.Р., заедно со Е.И. и по насоки на Т.К., оддавале информации за движење на контролните патроли од МВР во пределот на с.Двориште, како и не постапувале по однос на нелегалната сеча, иако претходно имале информации и биле запознаени со нелегалните активности. Исто така, В.В. посредувал при продажбата на нелегално исечената дрвна маса, иако бил запознаен дека организаторите за добивање на документацијата давале поткуп, додека Б.М. оддал информација за реализација на предмет поврзан со криминалната група.П.К., татко на Т.К., М.С. и Ј.А., по насока на Т.К. вршеле бесправна сеча во пределот на с.Двориште, утовар на истата и превоз до одредена локација, иако не биле вработени во правното лице кое имало добиено лиценца за сеча, истите знаеле и биле свесни дека вршат сеча надвор од локацијата, додека пак пријавената В.М. евидирала како сопственик и управител на правното лице преку кое се вршела продажба на дрвна маса, како преработка на дрвна маса за даски и греди за градежни потреби  и изработка на пелети за греење.Со горенаведените инкриминирани дејствија, пријавените физички лица и правниот субјект предизвикале опустошување на околу 6.000 хектари шумска површина и исекле околу 1.500.000 кубни метри дрвна маса во вредност околу 6.405.000.000 денари.

Македонија | пред 3 месеци

Пожар во скопско Морани, Ангелов вели пожарите ги предивикуваат дрвокрадците!

Вечерва избувна пожар на ридот во скопското село Морани.Според информациите од директорот на Дирекцијата за заштита и спасување, Стојанче Ангелов упатени се екипи на терен, а тргаат и неколку пинцгауери.„Овие пожари генерално ги предизвикуваат дрвокрадци“, вели Ангелов.Тој додава дека Кире Михаилов, директор на Национални шуми, им го расипал бизнисот со кражба на дрва.

Скопје | пред 3 месеци

Мицкоски: Има основани сомненија за инспираторите за пожарите, има и приведени, одговорност ќе има, граѓаните да бидат спокојни, државата е стабилна и напредува

Премиерот Христијан Мицкоски во интервју за ТВ Алсат говорејќи за последните случувања со пожарите истакна дека постојат индиции кој може да биде инспиратор за сето тоа, веќе има поголема група на осомничени, и потенцираше дека институциите брзо се справија со предизвикот, ситуацијата е нормализирана, а одговорност ќе има за сите тие кои не сакаат да имаме стабилна и држава која напредува.„Има индиции, имаме основано сомневање кој може да биде инспиратор за сето ова што се случуваше, но можам да кажам дека сум исклучително задоволен што за многу кратко време институциите во една координирана акција успеаја да го совладаат предизвикот и денеска можам да кажам дека состојбата и во Дрисла, и Вардариште, и во Трубарево е нормализирана и нема ни чадење“, потенцираше премиерот Мицкоски.Премиерот Мицкоски нагласи дека се ова што го зборува е врз основа на информациите со кои располага, но она кое е најважно е дека состојбата е под контрола, граѓаните да бидат мирни и спокој и институциите кога се пред предизвик се организираат и екстремно брзо реагираат.„Веќе имаме една група од дваесетина лица која е под мониторинг за која постои основано сомневање дека девијантно се однесувала во изминатиов период и оставам органите на прогон да си ја завршат својата работа. Многу лесно можете да дојдете до тоа кои се тие центри на моќ, тоа се тие кои не сакаат Македонија да биде успешна земја, кои не сакаат да имаме стабилна Македонија која ќе се развива, ќе ниже успеси, ќе расте ќе владее правото, ќе нема корупција и криминал, тие сакаат да ја видат таа Македонија од претходните 7 години понижена, ограбена, засрамена, со политичари со свиткани кичми. Многу лесно граѓаните ќе дојдат до одговорот“, изјави премиерот Мицкоски.Премиерот Мицкоски посочи дека од почетокот на сезоната на пожари до денеска има повеќе од 30 лица приведени за кои постојат основани сомненија, но и докази дека учествувале подметнување на пожари.„Ќе се сетите од случувањата во јуни кога наеднаш во околината на Скопје на неколку локации се случија неколку пожари, неколку лица беа приведени, за некои постоеше основано сомневање дека учествувале во подметнување, а во текот на летото исто така, и сега во Вардариште имаше акција, МВР приведе неколку лица и е одредена мерка притвор, исто и во Трубарево и Дрисла. Сите овие пожари кои се случуваат, можеби има кои не се од човечки фактор, но најголемиот дел од нив се предизвикани од човечки фактор“, додаде премиерот Мицкоски.Премиерот Мицкоски истакна дека тоа што минатата влада седум години го уништуваше системот, ги клекнаа институциите на колена и го направи најголемиот грабеж во историјата не може да се поправи за 15 месеци, но оваа влада досега успеа да поправи многу, а уште многу останува да се направи.„Дали ние за 15 месеци можеме да поправиме се што е уништувано тие седум години, не. Ние направивме многу, а уште повеќе останува да се направи. Ние сме единствената влада која привела министер од сопствените редови, тоа не се случило никому, а знаеме дека голем е бројот на министри кои учествувале во такви девијантни однесувања во минатото“, изјави премиерот Мицкоски.

Македонија | пред 3 месеци

Пожарот во Трубарево резултат на незаконско складирање батерии и електронска опрема

Министерството за внатрешни работи денеска поднесе кривична пријава до Основното јавно обвинителство Скопје против четири физички лица и едно правно лице со седиште во Трубарево, поради сомнение за кривично дело – загрозување на животната средина и природата со отпад, согласно член 230 став 2 во врска со став 1 од Кривичниот законик.Според МВР, прво- и второпријавените, 56-годишниот М.Д. и 26-годишната Л.Д., како соизвршители, спротивно на Законот за управување со отпад и прописите за заштита на животната средина, повеќекратно оставале, фрлале, собирале и транспортирале пратки со опасен отпад – остатоци од електронска и електрична опрема, отпадни батерии, акумулатори и тонери. Тие го складирале отпадот на катастарска парцела во Трубарево, со што предизвикале значително оштетување на почвата и воздухот и создале опасност за животот и здравјето на луѓето во поголеми размери.Третопријавениот, 43-годишниот В.М., како овластено лице и раководител на подружница, постапувал по насоки на првоосомничениот и ги распоредувал работните задачи на вработените во врска со складирањето и обработката на отпадот. Четвртиот пријавен, 59-годишниот З.С., иако немал формален работен однос, организирал понатамошно одлагање на електронскиот отпад, го примал, складирал, сортирал и механички обработувал надвор од објектите за кои фирмата имала дозвола.На 13 септември, токму во објектот каде што бил непрописно складиран отпадот, изби голем пожар кој не можеше да се стави под контрола. Огнот зафати најголем дел од складираниот електронски отпад и објектите на подружницата за рециклирање. Согорувањето предизвика масовно испуштање чад, пепел и гасови во амбиенталниот воздух.„Како последица на тоа, со мерењата на Единицата за атомска, биолошка и хемиска одбрана на Армијата и на Државниот инспекторат за животна средина утврдена е висока загаденост“, велат од МВР.

Скопје | пред 3 месеци

Истрага против четири лица и фирма за загрозување на животната средина со отпад во Трубарево

Основното јавно обвинителство Скопје, по анализа на сите докази прибрани во предистрагата до овој момент, денеска донесе Наредба за спроведување истражна постапка против четири физички и едно правно лице за кривично дело – Загрозување на животната средина и природата со отпад од член 230 став 2 во врска со став 1 од Кривичниот законик.Обвинителството издаде наредби за дејствија и проверки со кои обезбеди докази кои даваат основано сомнение дека првиот осомничен, иако формално не бил запишан како управител на правниот субјект во кој непрописно се складирал отпадот, сепак реално настапувал и преземал правни дејствија во односите со трети лица. Како управител на друго правно лице, тој го избирал правниот субјект каде формален управител била неговата ќерка како мнозински коминтент за складирање на отпад, го организирал целокупното работење и ги извршувал одлуките околу работењето, а оттука имал и обврска да се грижи за законитоста на работењето на друштвото и подружницата за рециклирање.Затоа во истрагата се опфатени тој и неговата ќерка, како соизвршители кои постапиле спротивно на Законот за управување со отпад и на прописите за заштита на животната средина вршеле повеќекратно оставање, фрлање, собирање и транспортирање на една или повеќе поврзани пратки од отпадоци и остатоци од електронска и електрична опрема, отпадни батерии и акумулатори и отпадни тонери, како опасен отпад. Отпадот го складирале на катастарска парцела во Трубарево и со тоа предизвикале значително оштетување на квалитетот на почвата и воздухот односно предизвикале опасност за животот и здравјето на луѓето во поголеми размери.Третиот осомничен е овластено лице – раководител на подружница, кој постапувал по насоките на првиот осомничен и ги распоредувал работните задачи на вработените при складирањето и обработката на електричниот отпад.Четвртиот осомничен, иако немал формален акт за засновање на работен однос во правниот субјект, сепак преземал дејствија со кои го организирал понатамошното одлагање на електронскиот отпад. Тој го примал, складирал, сортирал и механички обработувал и електричниот отпад надвор од објектите за кои била издадена дозвола за управување со отпад.На 13 септември, објектот со непрописно складиран отпад се запалил. Поради обемот и опасноста, пожарот не можел да се стави под контрола и зафатил најголем дел од складираниот електричен отпад како и објектите на подружницата за рециклирање. Согорувањето предизвикало масовно испуштање чад, пепел и гасови во амбиенталниот воздух. Како последица на тоа, со извршените мерења на Единицата за атомска, биолошка и хемиска одбрана на Армијата на РС Македонија и на Државниот инспекторат за животна средина утврдена е висока загаденост.Имајќи ги предвид дејствијата на осомничените и ризиците за постапката, надлежниот јавен обвинител до судијата на претходна постапка достави предлог за определување мерка притвор за првиот осомничен, додека за останатите тројца побарано е определување куќен притвор.Во исто време, продолжува да се испитува потенцијална одговорност и на други лица, а јавниот обвинител издава наредби за обезбедување докази по кои постапуваат надлежните органи.

Скопје | пред 3 месеци

Кривични пријави против 11 лица за сторени повеќе кривични дела при плаќање давачки за увоз на половни моторни возила и нивна регистрација во државата

Секторот за внатрешни работи Куманово во соработка со Одделот за внатрешна контрола, криминалистички истраги и професионални стандарди при МВР, до Основното јавно обвинителство Куманово, поднесе кривична пријава против М.П.(43) од Куманово, вработена во МВР - Одделение за управни работи Куманово поради постоење основи на сомнение за сторено кривично дело „злоупотреба на службена положба и овластување“ по член 353, против Ф.Т. (29) од Куманово, вработен како контролор во станица за технички прегледи во Куманово, поради постоење основи на сомнение за сторени кривични дела „фалсификување исправа“ по член 378 и „употреба на исправа со невистината содржина“ по член 380, против Б.П.(35) од Куманово поради постоење основи на сомнение за сторено кривично дело „прикривање на стоки кои се предмет на криумчарење и царинска измама“ по член 278-б, против Д.З.(34) од Куманово поради постоење основи на сомнение за „давање лажен исказ“ по чл.367 и „прикривање на стоки кои се предмет на криумчарење и царинска измама “ член 278-б и против К.П.(39), М.П.(37) , Д.М. (36), Д.С.(35), С.С.(40), М.М.(37) и М.М.(24), сите од Куманово поради постоење основи на сомнение за сторено кривично дело „прикривање на стоки кои се предмет на криумчарење и царинска измама“ по член 278-б од Кривичниот законик.М.П. и Ф.Т. во текот на 2024 година се договориле Ф.Т. да наоѓа сопственици на моторни возила кои сопствениците со странски регистарски таблички ги управуваат на територија на државата и во соработка и договор со Б.П ги наоѓале сопствениците и за половина од цената што треба да jа платат на име царински и други давачки за увоз на половни моторни возила М.П. ги регистрирала и внесувала во електронскиот систем на регистрирани моторни возила без да ги платат давачките за увоз на половни моторни возила, за сообраќајна дозвола, административни такси, такса за користење на регионални и локални патишта и надомест за издавање на регистарски таблички.Ф.Т., користејќи го своето работно место, а откако претходно се договорил со Б.П. Д.З., К.П., М.П., Д.М., Д.С., С.С., М.М., и М.М., изготвувал електронски табели налик на табелата која се издава од Бирото за метрологија при издавање на хомологација за возила увезени од странство, во кои внесувал податоци за возилата.

Македонија | пред 3 месеци

(Видео) Орце Ѓорѓиевски: Мицкоски го почитувам како родител, тој 15 години ќе биде премиер

Кандидатот за градоначалник на Град Скопје од ВМРО-ДПМНЕ и актуелен градоначалник на Кисела Вода, во Претрес со Ландов рече дека Христијан Мицкоски 15 години ќе биде премиер.„Орце е ВМРО-вец и секогаш ќе биде.Мицкоски го почитувам како родител. Секогаш ќе застанам зад него.Јас не менувам дрес. Од 2018 не сум имал контакт со Груевски”, рече Ѓорѓиевски.На СДСМ им порача да постават 15 столчиња на Бихачка колку што им останаа членови и да организираат дебата за се.Не сака да шпекулира колку гласови ќе има Левица . Немал никогаш контакт со Амар Мециновиќ.„Ја почитувам Каја како жена, но 7 години беше на клучно место во една институција, имаше можност да сработи нешто, но ништо не направи за животната средина”, рече Ѓорѓиевски.Следете не на :

Студио | пред 3 месеци

(Видео) Ѓорѓиевски: Шах-мат ќе направам на избори

Орце Ѓорѓиевски, кој е гостин во Претрес со Ландов е убеден дека ќе биде нов градиначалник на Град Скопје.„Шах-мат ќе направам на избори.Му требам на градот. Не гледам дека има подобар од мене.Со Перински сум пријател, но анкетите го кажаа своето”, рече Ѓорѓиевски.Прва работа која ќе ја направи е да ги тргне рампите околу град Скопје.Тоа вели, не е Пентагон.Освен состојбата која е спротивна на закон се ќе преземе за да се решат проблемите во Скопје.Вети нови автобуси и ќе го реши проблемот со градскиот превоз.„Над 80 проценти од одлуките во Кисела Вода, се едногласно донесени зошто биле образложени и договорени. Очекувам конструктивен нов советнички состав во Скопје. Мора да соработуваме.Ако опозицијата има добар предлог, ќе го реализираме”, рече Ѓорѓиевски и посочи дека ако не може да го реализира ветеното нема да го држи народот во голгота. Потсети дека како претседател на ЗЕЛС ја започнал идејата за сменливост на градоначалниците.Следете не на:

Македонија | пред 3 месеци

(Видео) Орце Ѓорѓиевски:Премиер не сакам да бидам, министер можеби, сега го живеам својот сон

Кандидатот за градоначалник на Град Скопје од редовите на ВМРО-ДПМНЕ, Орце Ѓорѓиевски е гостин во Претрес со Ландов.Тој е убеден дека по октомври ќе биде нов градоначалник на Град Скопје.„Јас го живеам сега својот сон. Ние имаме најдобар премиер. Јас не сакам да бидам по градоначалничкото место во Скопје премиер, министер можеби”, рече Ѓорѓиевски.Од работата има добиено шеќер и сака по се да се посвети на семејството.Во Претрес говореше за реализираното во Кисела Вода, тешко му е што се уште не е решен проблемот со Центарот за зависници, но задоволен е што салата во Припор почна да се реализира, има велосипедски патеки.Не секогаш бил задоволен од неговиот тим, но вели дека е добар менаџер.„Јас бев прв кој се извини за Данела. Тоа ќе го поправам, ќе поправам за се што им направи на скопјани и тоа ми е дополнителен мотив.Данела и Каја не ми се таргет”, рече Ѓорѓиевски.Ја потенцираше идејата за Вардариште. Соодветен третман на Вардариште ќе има, ќе се засади трева и ќе има парк.Следете не на:

Скопје | пред 3 месеци

Петровска: Секое непостапување во случајот Росица мора да биде казнето!

„Росица месеци барала помош. Пријавувала закани, насилство, палење на автомобил. Повторувала повици до институциите да ја заштитат. Наместо заштита добила игнорирање. Наместо санкција насилникот останал слободен. Резултатот? Убиена е Росица. Убиен е и нејзиниот татко“, напиша пратеничката од СДСМ Славјанка Петровска на социјалните мрежи.Петровска која го изрази револтот по вчерашното свирепо убиство на 21 млада девојка од Велес и нејзиниот татко пишува дека тие не се жртви само на еден убиц туку на сите кои не постапиле по пријавите за малтретирање и насилство.„Убиецот е тој што го изврши злосторството но тој не е единствениот виновен. Виновни се и сите што премолчеле, одбиле да реагираат или свртеле глава. Тие се соучесници“, пишува пратеничката Петровска.Таа пишува дека ова убиство не е изолиран инцидент туку повторување на трагичен образец во кој не потфрла системот, туку луѓето кои избирале да не го спроведуваат.„Додека вината ја префрламе на системот, поединци од системот ќе продолжат да убиваат со своето молчење и непостапување. Избираат да не помогнат. Да не заштитат. И со тоа избираат да бидат дел од проблемот“, оценува Петровска.Пратеничката Петровска исто така пишува дека солзите на Росица и нејзиниот татко засекогаш ќе ги следат оние коишто земале плата за работните задачи кои не ги извршиле. За нив таа бара лична одговорност.„Секое непостапување има име и презиме и мора да биде казнето. Доста е со изговори. Време е за лична одговорност“, напиша Петровска.

Македонија | пред 3 месеци

Претрес во скопско, пронајдени стебла канабис, приведено едно лице

На 16.09.2025 околу 12:30 часот во с.Ајватовци, скопско, полициски службеници Единицата за интервентна полиција при СВР Скопје го лишија од слобода Д.С.(47) од с.Ајватовци поради сомнение за сторено кривично дело по член 215 од Кривичниот законик. Имено, по претходно добиени оперативни сознанија, полициските службеници го затекнаа лицето во близина на полуотворена фолија за одгледување на растенија во која се гледаа насадени повеке стебла од канабис.Местото беше обезбедено и подоцна, со судска наредба, полициски службеници од Единицата за недозволена трговија при СВР Скопје извршија претрес, при што пронајдоа и одземаа повеќе стебла од растението канабис. Д.С. е задржан во полициска станица и по целосно документирање на случајот, против него ќе биде поднесена соодветна пријава.

Скопје | пред 3 месеци

Крвав злостор во Велес: Убиени ќерка и татко, почина и напаѓачот

Денеска околу 15:30 часот на улицата „Кочо Рацин“ во Велес е пронајдено женско лице со повреди од остар предмет. Станува збор за 31-годишната Р.К. од Велес, која итната медицинска помош ја пренела во болницата, но лекарите констатирале смрт.Веднаш потоа, во домот на нејзиниот татко на истата улица, бил пронајден мртов и нејзиниот татко К.К. (68), исто така со повреди од остар предмет.Во истиот дом со повреди од остар предмет бил затекнат и И.С. (39) од Скопје, поранешен партнер на Р.К. Според првичните информации, токму тој ги нападнал ќерката и таткото, по што сам си нанел повреди. И.С. бил пренесен во болницата во Велес, каде што лекарите исто така констатирале смрт.Увид на местото на трагедијата врши јавен обвинител во содејство со увидна екипа на СВР Велес. Се преземаат мерки за целосно расчистување на случајот, информираат од Министерството за внатрешни работи.

Македонија | пред 4 месеци