Предложено разрешување на обвинителот Хајрулахи и казна за Цветановски поради тешки дисциплински прекршувања

Комисијата за утврдување на дисциплинска одговорност при Јавното обвинителство на Република Северна Македонија, по спроведени две дисциплински постапки, утврди дека Вишиот јавен обвинител на Вишото јавно обвинителство Скопје, Мустафа Хајрулахи и уште еден јавен обвинител, Јован Цветановски, од истата институција сториле тешки дисциплински повреди, согласно член 91 алинеја 6 од Законот за јавното обвинителство.Според одлуката на Комисијата, двајцата обвинители „намерно и неоправдано направиле крупни професионални грешки“ при извршувањето на својата функција.Во една од постапките, јавен обвинител од ВЈО Скопје е прогласен за одговорен поради нестручно и несовесно постапување во четири предмети, каде се откажал од жалба или обвинение. Како дисциплинска мерка, му е изречено намалување на платата за 30% во период од шест месеци од правосилноста на решението.За Вишиот јавен обвинител биле водени две одвоени дисциплински постапки. Во едната, Комисијата утврдила неправилности во начинот на заведување на предметите, а во другата – донесување нестручни одлуки во три случаи. Обвинителот ги одобрил тие одлуки, откако предметите му биле реферирани.Врз основа на овие наоди, Комисијата донесе одлука да поднесе предлог до Советот на јавни обвинители за разрешување на Вишиот јавен обвинител на ВЈО Скопје.Во однос на дополнителен навод за повреда поврзана со нарушување на угледот на Јавното обвинителство, Комисијата оцени дека постои застареност на предлогот и по тој основ не постапуваше.

Македонија | пред 7 месеци

Храбар јунак: Марко ја победи болеста и заѕвони на ѕвончето на Детската клиника во Скопје

Уште една убава вест одекна од Детската клиника во Скопје. Малиот Марко ја победи тешката болест и храбро заѕвони на победничкото ѕвонче.Видео од овој момент беше споделено на Facebook од Клиниката за детски болести.„На Клиника за детски болести повторно силно ѕвонеше победничкото ѕвонче за да слушнат сите дека нашиот јунак Марко храбро ја помина и ја освои тешката битка. Му посакуваме многу здравје и среќно и безгрижно детство!“ – стои во описот на видеото.

Македонија | пред 7 месеци

Пресудите за Рамиз Мерко се доказ за правосудниот колапс на судиите и обвинителите избрани во Зајас и Струмица, вели ВМРО-ДПМНЕ

„Судиите и обвинителите избрани во Зајас и Струмица се заштитници на криминалот на СДС и ДУИ“, вели ВМРО-ДПМНЕ и додава:За Мерко само парична казна за незаконско поставување директори во неколку училишта, осуден е само на парична казна од 100 дневни глоби од по 100 евра или вкупно 10 000 евра.Ова доаѓа откако минатата недела истиот судија Мерко го прогласи за невин за набавката на луксузното ауди А6 од 67 000 евра и уште три други автомобили со вкупна вредност од 114 000 евра.Функционерите на СДС и ДУИ прекршувале законски прописи, ги урнисаа институциите но и покрај тоа влакно не им фали, и додека расипнички се однесувале кон државата и институциите енормно се обогатија врз грбот на граѓаните.САД го ставија Рамиз Мерко на американската црна листа поради значајна корупција но и тоа не им е доволно на судиите и обвинителите клиентелисти на Заев и Ахмети.Олицетворение на правосудниот колапс е Рамиз Мерко, чии судски предмети чудесно застаруваа или беа сторнирани. Пресудите за Рамиз Мерко се доказ за правосудниот колапс на судиите и обвинителите избрани во Зајас и Струмица.Легитимно се поставува прашањето дали постојат институции да го спречат Мерко?

Македонија | пред 7 месеци

Уапсен вработениот во Народна банка, за кого Манев сведочеше дека го земал ранецот со пиштолот со кои Вања и Панче се убиени

Попладнево е уапсен З.Д., вработен во Народна банка, за кого обвинетиот Велибор Манев сведочеше дека го уништил ранецот во кој бил пиштолот со кој се убиени Вања и Панче. Информацијата ја потврдија од Обвинителството.„Да, лицето е лишено од слобода по наредба на јавен обвинител. Се преземаат и други дејствија”, велат од Обвинителството.Манев ги шокираше сите во судницата кога го кажа името на човекот и каде е вработен.

Македонија | пред 7 месеци

Таткото на Вања до Палевски: „Зошто ми е убиена Вањичка?“

На денешното рочиште за свирепите убиства на 14-годишната Вања Ѓорчевска и 74-годишниот Панче Жежовски, пред судот се обрати и таткото на Вања, обвинетиот за помагање при нејзиното грабнување, Александар Ѓорчевски. Тој истакна дека и по месеците судење, чувствува дека вистината сè уште не е откриена до крај.„Од почетокот на самото судење имаше воведни зборови и убаво се сеќавам дека станав и изразив очекуѕвање дека се ќе дознаам. Во текот на судскиот процес цело време мижам во просторијава, меѓутоа внимателно го слушам секој збор. Сега како се сведе, се приближи кон крај процесот, имам чувство на непотполност во поглед на вистината која што очекував да ја дознаам. Еден од обвинетите го посочи Палевкси како човек кој ги имал одговорите на сите прашања. Токму поради тоа и само од тие причини му се обраќам на Палевски после мене уште тој останува со завршен збор, нека стане, нека се поклони и во две реченици нека ја каже вистината. Зошто ми е убиена Вањичка? Благодарам“, рече Ѓорчевски.Со завршните зборови продолжува Љупчо Палевски, кој треба да се изјасни по сите наводи.

Македонија | пред 7 месеци

Велибор Манев пред судот: „Сум манипулиран и уценет од Палевски – чувствувам срам и душевна болка“

Обвинетиот Велибор Манев, кој се товари за учество во киднапирањето и убиствата на 14-годишната Вања Ѓорчевска и 74-годишниот Панче Жежовски, на денешното рочиште во Основниот кривичен суд завршен збор. Тој изјави дека негира дека сторил убиство, но призна дека учествувал во дел од настаните и тврди дека бил манипулиран и уценет од Љупчо Палевски.„Од почеток одлучив да ја кажувам вистината, без разлика на казната. Не негирав ниту една снимка, потврдував присуство и објаснував детали за да добие судот јасна слика,“ рече Манев.Тој посочи дека Обвинителството упорно се обидува да го прикаже како дел од организиран план за убиство, што според него не е точно. Претходно, во неговите искази, Манев тврдел дека не знаел оти Палевски планирал убиства и дека, доколку знаел, не би копал три метра длабока дупка „со табаници и капак“.„Не би направил земуница како за таен бункер ако знаев дека лицето ќе биде убиено. За мене, тоа беше операција за грабнување и изнуда пари од ќерка на фармацевт, како што тврдеше Палевски,“ рече Манев.Обвинетиот истакна дека Обвинителството нема конкретни докази за соработка со лицето Сашо, ниту дека тој лично го познава, туку дека целата врска се темели на присила и манипулација. За убиствата рече дека тој и останатите обвинети биле во целосен шок, откако Палевски „ги извршил ладнокрвно, без претходна најава“.„После убиствата, ја чував снимката од мојот ресивер. Можев да ја избришам, можев да ги исклучам камерите – но тогаш ќе му давав алиби на Палевски,“ рече Манев.Спомена и дека бил уценуван и заплашуван со животот на своето семејство. Го посочи и случајот со „плавиот ранец“ за кои се тврдеше дека во него било оружјето, за кој рече дека Палевски му дал наредба да биде пренесен или уништен по неговото бегство од државата. Притоа, го спомена и лицето З.Д., вработен во Народна банка и член на политичката партија Десна.„Бев само алатка – шест години го поддржував, му ја давав душата, го вадев од затвор, трчав по адвокати. За крај, ме напика во затвор за нешто што не сум ни замислувал“, изјави Манев.Своето излагање го заврши со каење и лично признание дека чувствува голем срам и душевна болка.„Испаднав наивна будала која си го уништи животот. Загубив пријатели, доверба и себе си. Простете ми,“ заврши Манев, очекувајќи ја пресудата.

Македонија | пред 7 месеци

За убиствата на Вања и Панче: Обвинетиот Видевски без збор; Кешишев: „Многу се каам, ми рекоа да ќутам“

На денешното рочиште во Основниот кривичен суд во Скопје, во предметот за киднапирањето и убиствата на Вања Ѓорчевска и Панче Жежовски, завршен збор дадоа дел од обвинетите.Обвинетиот Боре Видевски кој негира вина, кусо се обрати пред судот:„Нема да давам завршен збор, нема да кажам ништо. Се согласувам со тоа што го кажа мојот бранител“.Покрај него, збор зеде и обвинетиот Влатко Кешишев, кој во своето обраќање истакна:„Морам да кажам дека многу се каам и имам грижа на совест за што воопшто бев со нив, бидејќи се разговараа, испланираа и завршија сами сè. На мене ми кажано да ќутам, да не се мешам и да седам настрана“.Кешишев пред судот повтори дел од неговиот претходен исказ, опишувајќи го денот на грабнувањето на Панче Жежовски.Судењето продолжува со завршните зборови на останатите обвинети, по што се очекува донесување на пресудата.

Македонија | пред 7 месеци

Нино Васев да оди во притвор, а не да седи во куќен притвор, бара Фетаи

Обвинителката од Вишото обвинителство-Скопје, Фатиме Фетаи, бара наместо куќен притвор, на д-р Нино Васев да му биде одреден ефективен притвор. Таа смета дека истрагата може да тече само ако Васев биде зад решетки.„Ставот на Вишото јавно обвинителство е дека во оваа фаза на постапката, имајќи ги во предвид сите околности, мерката притвор и единствено мерката притвор, претставува доволна гаранција за обезбедување присуство на осомничениот и успешно обезбедување во кривичната постапка“, рече Фетаи.На аргументот дека Васев и досега ги почитувал мерките за обезбедување на присуство, Фетаи рече дека тоа било друга фаза на постапката.

Македонија | пред 7 месеци

Стопирана изградба на објект во старата охридска чаршија – Инспекторатот утврди прекршувања

Дел од охридската чаршија, која се наоѓа во рамки на Старото градско јадро, повторно е во фокусот на јавноста поради изградба на нов објект чиј изглед и димензии предизвикаа реакции. Улицата која во минатото беше препознатлива по занаетчиски дуќани и староградски објекти, денес има променет карактер, а на терен се присутни различни содржини, претежно угостителски.И покрај тоа што оваа зона е прогласена за културно наследство од особено значење, во последните години се забележува појава на објекти со стил и висина кои отстапуваат од традиционалната архитектура. Дополнително, при подготвителни активности за градежни зафати, забележани се интервенции во околниот простор, вклучително и сечење дрвја и оштетување на партерно уредување.Министерството за транспорт и врски денеска соопшти дека Државниот инспекторат за градежништво и урбанизам, постапувајќи по вонредна контрола, извршил увид на терен во објект што се гради во ова подрачје. Според наодите, инвеститорот изведувал градежни активности без соодветно одобрение за градење.„Во рамки на надлежностите, Инспекторатот донесе решение со кое се стопира изградбата и се затвора објектот за понатамошни градежни активности. Против инвеститорот ќе бидат поднесени соодветни пријави согласно законските прописи,“ информираат од Министерството.Од таму посочуваат дека засилените инспекциски контроли ќе продолжат и во наредниот период на територија на целата држава.Старото градско јадро на Охрид, во кое се наоѓа и чаршијата, е составен дел од „Охридското природно и културно-историско подрачје“, впишано на Листата на светско наследство на УНЕСКО во 1980 година. Надлежните институции потенцираат дека целта е да се спречат активности кои би можеле да доведат до измена или деградација на ова заштитено подрачје.

Охрид | пред 7 месеци

10 години да имате – вина на Палчо нема да докажете, им рече неговиот адвокат на обвинителите

Адвокатот Јовица Страшевски, побара од судот Љупчо Палевски-Палчо да биде ослободен од обвинението за убиството на Вања Ѓорчевска и Панче Жежовски.„Предлагам обвинетиот Љупчо Палевски да се ослободи од вина, бидејќи според обвинителниот акт не е јасно какви дејствија преземал.  Околу целата постапка ниту преземал одредени дејствија кои му се ставија на товар со другите обвинетите, а ниту поттикнал, ниту наведувал другите обвинети да сторат нешто.  Иако истрагата не беше почната, пресудата беше донесена, а медиумите истото го пренесуваа без пресумпција на невиност. Јавноста креираше јавно мислење со предвремена пресуда за обвинетиот.  Обвинителството не докажа ниту разумно сомневание ниту докажа тоа што му го става на товар на Љупчо Палевски“, рече Страшевски во завршниот збор.Тој рече дека обвинителниот акт е непрецизен и паушален.„Почитувани пред нас имаме Обвинителен акт доставен до судот на ден 12.08.2024 година. И од тогаш до денеска помина близу 1 година, едно што можевме заденички сите овдека да констаираме е дека и уште 10 години да се труди обвинителството да ги докажува напишаните невистини тези и дејствија нема да може да ги докаже затоа што веќе на сите им стана јасно дека за обвинетиот Љупчо Палевски ниту сторил ниту имала намера да стори вакви кривични дела за да се стекне со користољубие или уште да изврши две убиства од кои едно на малолетно дете.“, рече тој меѓудругото.Тој посочува дека нема докази.„Палевски е обвинет со обвинителен акт со само 17 докази а нема ниту еден конкретен доказ дека ја докажува неговата вина која му се става на товар. Докази во овој судски процес не постојат“, додаде тој.Потоа Страшевски ја спомена прес-конференцијата во Обвинителството каде скопскиот обвинител Гаврил Бубевски и тогашниот министер за внатрешни работи Оливер Спасовски споделија детали од истрагата.„Прва грешка јавно на прес конференција, беше прекршена уставно загарантираната пресумпција на невисност. Со таа прес конференција кога истрагата не беше ниту отпочната Палевски и цела партија јавно беа осудени, а медиумите го пренесуваа да внимаваат на пресумпција на невиност и уставот“, рече тој.Потоа, тој презентираше снимки на кои се гледаат Велибор Манев и Боре Видевски.„Се поставува прашањето зошто е убиена Вања, а не Миња, ќе додадам. ОЈО не докажа зошто било грабнато девојчето. Бев често прашуван како адвокат, зошто киднаперите се одлучиле да ја грабнат Вања, или биле двете девојчиња? Прашања кои не беа одговорени ниту од МВР ниту од ОЈО. Дали Кешишев тргнал со полицијата да го откопува телото на Вања и дали притоа свесно биле уништени голем број докази?“, рече Страшевски.

Македонија | пред 7 месеци

Ужасна несреќа во Охрид: Загина пешак, друг е во тешка состојба - уапсен е возачот

На 19.06.2025 во 22.30 часот во СВР Охрид било пријавено дека на кружен тек од бул.„Туристичка“ со ул.„Јане Сандански“ во Охрид, патничко возило „фолксваген голф“ со охридски регистарски ознаки, управувано од И.С.(22) од с.Пашино Рувци, прилепско, со престој во Охрид, удрило во метален столб, а потоа и во пешаците А.Б.(44) од Охрид и Д.П.(52) од Скопје.Од здобиените повреди А.Б. починала во Специјалната болница „Св.Еразмо“, а лекар констатирал смрт. Со тешки телесни повреди се здобил Д.П., додека со телесни повреди се здобиле возачот И.С. и неговиот сопатник К.М.(19), констатирани во болницата „Св.Еразмо“ и во Општата болница Охрид. Извршен бил увид од увидна екипа од СВР Охрид, а по наредба на Јавен обвинител, И.С. бил лишен од слобода поради постоење основи на сомнение за сторено кривично дело по член 300 став 2 од Кривичниот законик.

Охрид | пред 7 месеци

Макрадули: Не лидерски средби, СДСМ да повика на општа мобилизација во која ќе водат тие со срце, а не тие што им аплаудираат

Јани Макрадули, поранешен пратеник од СДСМ , во објава на ФБ вели дека Кочани бара помош а не поделби. Тој вели по изјавите на Мицкоски, СДСМ треба да престане да повикува на лидерски средби, туку на општа мобилизација.„Секогаш кога ВМРО ДПМНЕ е на власт, при тоа мислам на ДПМНЕ, а не на ВМРО (кое впрочем е симбол на сите), за жал, има поделба на општеството.Иако мислев дека политиката на Груевски е врв на таа поделба, деновиве сме сведоци на уште пооштра поделба. Па така, и покрај “стандардните” поделби - дали се живее подобро или полошо, про или контра ЕУ, дали е повкусна охридска цреша или владина папаја, за жал, имаме поделба и околу изборите во МПЦ, и што е најстрашно - околу Кочани.Денес, со политиките на власта се доподели општеството околу трагедијата во Кочани, за која мислев сите сме обединети во тагата, грижата и емпатијата да се помогне.Замислете, има граѓани на Македонија кои ги напаѓаат родителите што го загубиле најмилото. Па, зарем има минимум човечност во тоа?Време е власта да сфати дека Кочани бара помош, а не поделби. Бара разбирање, а не рамнодушност. Да се покаже човечност, а не да се зголемува болката која и веќе е премногу голема за носење.Ретките медиуми укажуваа токму на ова - опасноста од погрешната политика на централната власт во однос на Кочани. Но, Тешките муабети власта не ги чу, и затоа, сега, како бумеранг им се враќаат.И на крај, лажните тези не менуваат факти, и евентуална победа на ВМРО ДПМНЕ во некоја општина, и покрај очигледното неспроведување на проекти и отсуството на резултати, не само што нема никаква врска со Кочани, туку само зборува за авторитарниот и антиемпатичниот дух на власта.П.С. Иако очекував реакција уште по заканите упатени кон пратеник од собраниската говорница од страна на министерката, ама денес верувам уште повеќе – по изјавата на Мицкоски дека СДСМ „нема да постои“, актуелното раководство ќе престане да повикува на лидерски средби и конечно ќе повика на општа мобилизација. Мобилизација во која ќе водат тие со став, а не тие што аплаудираат, тие што знаат како, а не тие што калкулираат, тие со срце, а не со градежна поддршка…Со народот, а не зад компромисите“, напиша тој.

Коментари | пред 7 месеци

(Видео) Сообраќајка кај Мајчин дом во Аеродром – тешко повреден мотоциклист

Вчера попладнето, околу 17:55 часот на крстосницата меѓу булеварот „Јане Сандански“ и улицата „Васко Карангелески“ во Скопје се случила тешка сообраќајна несреќа помеѓу автомобил и мотоцикл.Според информациите од МВР, до несреќата дошло кога патничко возило „Мерцедес“ со скопски таблички, управувано од 54-годишниот А.К. од Скопје и мотоцикл марка „Хонда“, управуван од 43-годишниот Е.К., исто така од Скопје се судриле.Во сударот мотоциклистот се здобил со тешки телесни повреди и е пренесен на лекување. Возачот на автомобилот и неговата сопатничка З.К. се здобиле со полесни повреди. Повредите се констатирани во Клиничкиот центар „Мајка Тереза“ и Градската болница „Св. Наум Охридски“.Увид на местото извршила екипа од СВР Скопје, а истрагата за причините на несреќата е во тек.Вчера попладнето, околу 17:55 часот на крстосницата меѓу булеварот „Јане Сандански“ и улицата „Васко Карангелески“ во Скопје се случила тешка сообраќајна несреќа помеѓу автомобил и мотоцикл.Според информациите од МВР, до несреќата дошло кога патничко возило „Мерцедес“ со скопски таблички, управувано од 54-годишниот А.К. од Скопје и мотоцикл марка „Хонда“, управуван од 43-годишниот Е.К., исто така од Скопје се судриле.Во сударот мотоциклистот се здобил со тешки телесни повреди и е пренесен на лекување. Возачот на автомобилот и неговата сопатничка З.К. се здобиле со полесни повреди. Повредите се констатирани во Клиничкиот центар „Мајка Тереза“ и Градската болница „Св. Наум Охридски“.Увид на местото извршила екипа од СВР Скопје, а истрагата за причините на несреќата е во тек.

Скопје | пред 7 месеци

Финална фаза на судењето за убиствата на Вања и Панче – Обвинителството бара доживотен затвор, одбраната се брани со "нема мотив"

Во Основниот кривичен суд во Скопје денеска се одржува едно од завршните рочишта во случајот што ја потресе Македонија – грабнувањето и свирепите убиства на 14-годишната Вања Ѓорчевска и 74-годишниот Панче Жежовски.На рочиштето своите завршни зборови ги изнесува адвокатот на првообвинетиот Јовица Страшевски, по што ќе се изјаснат и останатите обвинети – Љупчо Палевски-Палчо, Велибор Манев, Боре Видевски и Влатко Кешишев, како и Александар Ѓорчевски, таткото на Вања, кој е обвинет за помагање во нејзиното киднапирање.Обвинителството е децидно: четворицата обвинети треба да добијат доживотни затворски казни за киднапирање и убиство, а таткото на жртвата – соодветна казна за соучесништво.Одбраната, пак, настојува да ги убеди судиите дека кај дел од обвинетите немало претходен договор за убиство, туку само за киднапирање – и затоа бара или ослободување, или поблаги казни.Адвокатите на Александар Ѓорчевски тврдат дека тој нема ниту мотив, ниту доказ за вина, и дека наместо обвинет – тој е уште една жртва во оваа трагедија.Судењето влегува во завршна фаза. Доколку денешното рочиште тече според планот, пресудата се очекува на следното појавување пред суд. Вниманието на јавноста останува високо – како поради тежината на делото, така и поради шокантните детали што излегоа на површина за време на процесот.

Македонија | пред 7 месеци

Насилниот советник од Кочани: Јас не сум „гомнар", јас сум борец за правда

По насилниот инцидент на денешната седница на Советот на Општина Кочани, кој стана вирален на социјалните мрежи, со свое јавно обраќање се огласи советникот Аки Акиов од Партијата за демократски просперитет на Ромите (ПДПР). Тој негира дека е главниот виновник за нарушувањето на угледот на институцијата и ја обвини ВМРО-ДПМНЕ за провокации и омаловажувања.„Правото на говор на советниците е непречено право по деловник за работа на советите во општините во Р.С Македонија. Некултурно, крајно неодговорно, нехумано и деградирачки е постојано да се прави хистерија во советничката сала преку урлање, барање паузи, дофрлување навреди на лична основа среде секое мое излагање на вистината што на ВМРОВЦИТЕ не им иде во прилог. Немањето емпатија со родителите на загинатите деца како и самосвест и доблест за признавање а не префрлање вина за трагедијата повторно заради истата цел - да се зачува политичкиот рејтинг пред локалните избори на ВМРО е голема срамота. Чашата беше прелеана од советникот Алексов кој што го испровоцира целиот настан својствено за него. Јас не калкулирам со мојот авторитет и рејтинг. Јас не сум „гомнар", јас сум борец за правда. На Правничката од о.Кочани јавно и се извинувам за ненамерно нанесената повреда“, напиша тој.

Македонија | пред 7 месеци

Нема фотографија

Дали ДПМНЕ го награди Максим со 243 милиони заради бизнис зделки?, праша Левица

„Од унгарскиот кредит од 50 милиони евра, најмногу средства ќе добие токму Општина Куманово, речиси 243 милиони денари. Овој податок отвора сериозни прашања: Дали градоначалникот и лидер на ЗНАМ, Максим Димитриевски, е награден за неговата (не)успешност во досегашното управување со градот, кое за осум години резултираше со два кружни текови и вечно крпење на сообраќајни сигнализации, или пак ова е награда за неговата коруптивна соработка со ВМРО-ДПМНЕ во изминатите четири години заедничко владеење?“, велат од Левица и додаваат:Граѓаните сè уште паметат проекти кои претставуваат симболи на фијаско и криминал. Таков е примерот со „НБА семафорот“ за кој беа потрошени вртоглави 10 милиони денари. Се уште е свежа и аферата со ДУП-от за „Лидл”, кој беше протуркан во соработка со ДПМНЕ и ДУИ, а во имтерес на блиски роднини на градоначалникот.Од проектите со кои Максим конкурирал за средства може да се издвојат проектот за атмосферска канализација на ул. Бајрам Шабани, договорен на 6 јануари 2025 година. До денес, улицата е сè уште раскопана, непроодна, а жителите со месеци објавуваат снимки од пукнати цевки и нестручно изведени работи, за што Левица и претходно информираше.Втор пример е гасоводната мрежа на ул. В. С. Бато во Зелен Рид, договор склучен на 18 февруари 2025. Делот од улицата каде што е вградувана мрежата не е повторно асфалтиран и претставува директна опасност за учесниците во сообраќајот и за жителите.Овие примери јасно покажуваат дека Димитриевски нема капацитет ниту за планирање, ниту за спроведување на јавни инвестиции. Токму затоа, Левица прашува дали средствата од унгарскиот кредит се доделени поради спремноста на Максим и локалните владини функционери на коалицијата ЗНАМ-ДПМНЕ-ДУИ за учество во нова шема на поделба на јавните пари преку надувани проекти, тендери и провизии?Во време кога на граѓаните им недостигаат основни услуги, доделувањето на милионски средства на истите тие структури кои зад себе оставаат недовршени улици, расфрлани пари и мирис на корупција, е чин на продолжување на една длабоко корумпирана политичка пракса. Левица ќе продолжи да го следи трошењето на овие средства, да алармира за злоупотреби и да бара отчет до последен денар.

Македонија | пред 7 месеци

Нови детали за ракетниот напад на Иран врз Израел: Градот Бер Шеба повторно е цел на напад

Се појавија нови детали за најновиот ракетен напад на Иран врз Израел. Според извештаите, ракетите го погодиле подрачјето на јужниот град Бершеба, истиот град каде што во четврток беше погодена болница.Портпаролот на израелската служба за итни случаи, Маген Дејвид Адом (MDA), изјави: „По сирените за црвена тревога што се вклучија пред неколку минути во јужен Израел, тимовите на MDA беа испратени на место во Негев каде што беше примена пријава за пад на ракета“ .Сè уште нема информации за жртви. Тимовите на MDA им пружаат медицинска помош на неколку лица кои страдаат од напади на анксиозност и продолжуваат да ја пребаруваат областа за можни дополнителни жртви.Одделно, израелската војска во петокот соопшти дека извршила напади во текот на ноќта врз десетици воени цели во Иран, вклучувајќи ја и Организацијата за иновации и истражување во одбраната (SPND), за која тврди дека е вклучена во развојот на иранското нуклеарно оружје.Израелските одбранбени сили, исто така, објавија снимки од соборувањето на иранските беспилотни летала.

Свет | пред 7 месеци

Кремљ: Промената на режимот во Иран е „неприфатлива“

Промената на режимот во Иран е „неприфатлива“, а атентатот врз врховниот лидер на земјата би „ја отворил Пандорината кутија“, соопшти Кремљ.Во ретко интервју за странска медиумска организација, портпаролот на Кремљ, Дмитриј Песков, за Скај њуз изјави дека Русија би реагирала „многу негативно“ доколку ајатолахот Али Хамнеи биде убиен.Неговите коментари доаѓаат откако американскиот претседател Доналд Трамп изјави дека во рок од две недели ќе одлучи дали САД ќе се приклучат на воената кампања на Израел против Техеран, откако претходно шпекулираше на социјалните мрежи за можен атентат врз иранскиот лидер.„Ситуацијата е исклучително напната и опасна не само за регионот, туку и за глобално ниво“, рече Песков и додаде: „Проширувањето на бројот на учесници во конфликтот е потенцијално уште поопасно. Ова само ќе доведе до нова рунда конфликти и ескалација на тензиите во регионот“.Русија дополнително ги продлабочи односите со Иран откако тој ја нападна Украина, а двете земји потпишаа стратешко партнерство во јануари.„Промената на режимот во Иран е незамислива. Треба да биде неприфатлива, дури и зборувањето за неа треба да биде неприфатливо за сите“, рече Песков, алудирајќи на Вашингтон.Сепак, Песков не сакаше да открие какви мерки ќе преземе Русија доколку Хамнеи биде убиен, велејќи дека тоа пред сè би предизвикало реакција „одвнатре, во Иран“.„Ова би довело до будење на екстремистички чувства во Иран, а оние кои зборуваат за убиство на Хамнеи треба да го имаат ова предвид. Тие би ја отвориле Пандорината кутија“.Понудите на Владимир Путин да посредува во прекинувањето на конфликтот досега беа одбиени од претседателот Трамп, кој во средата изјави дека му рекол на рускиот лидер: „Посредувај во сопствениот конфликт“, осврнувајќи се на војната во Украина.Песков ја отфрли идејата дека зборовите на Трамп се навредливи, додавајќи:„Секој има свој јазик на изразување. Претседателот Трамп има свој уникатен начин на зборување и свој јазик. Ние сме доста толерантни и очекуваме другите да бидат толерантни кон нас“.

Свет | пред 7 месеци

Иран втор ден без интернет: Информациите блокирани, контактите прекинати

Блокадата на интернет во Иран е во сила втор ден по ред, значително отежнувајќи го протокот на информации во и надвор од земјата. Според организацијата NetBlocks, Иран е речиси целосно дигитално изолиран од остатокот од светот веќе 36 часа.Граѓаните не можат да пристапат до вести од странство, додека на оние надвор од Иран им е забранет пристап до иранските веб-страници. Меѓународните телефонски повици до Иран се исто така блокирани, а многумина се обидуваат да добијат информации преку социјалните медиуми, но без многу успех.Државната телевизија и радио обезбедуваат оскудно и неконзистентно известување за конфликтот, главно фокусирајќи се на последиците од нападите на Иран врз Израел. Иран, кој е меѓу водечките светски затворачи на новинари, според Комитетот за заштита на новинарите, со години спроведува строга контрола на медиумите, а сегашната блокада дополнително го задушува протокот на информации во време на интензивен конфликт.

Свет | пред 7 месеци

Севернокорејски министер: „Имаме најсилен, непобедлив сојуз со Русија“

Севернокорејската министерка за надворешни работи, Чое Сон-хуи, го поздрави договорот за меѓусебна одбрана меѓу Северна Кореја и Русија како „непобедлив сојуз“ по повод првата годишнина од договорот, објавија севернокорејските државни медиуми во петокот.Чое ги даде овие забелешки на прием во Пјонгјанг, на кој присуствуваа севернокорејската министерка за одбрана Но Кванг-чол, клучните секретари на Централниот комитет на владејачката партија и рускиот амбасадор во Северна Кореја, Александар Мацегора, објави Корејската централна новинска агенција (KCNA).На приемот, Чое го поздрави договорот како подигнување на односите меѓу Северна Кореја и Русија на ниво на „најсилниот, непобедлив сојуз“, соопшти KCNA.Северна Кореја изјави дека „ставот на Северна Кореја за постојано промовирање на развојот на односите меѓу Северна Кореја и Русија преку тесна соработка во различни области за доброто на двата народа и светла иднина останува непоколеблив“, ја цитираше KCNA.Руската амбасадорка Мацегора нагласи дека силата на билатералните односи е докажана и зајакната во жештината на крвавата војна, каде што синовите на двете земји постигнаа победа. Тој додаде дека Русија никогаш нема да ја заборави службата на севернокорејските трупи во Курската област.„Русија и Северна Кореја се најблиските земји“, рече рускиот амбасадор, изразувајќи уверување дека билатералните односи ќе продолжат цврсто да се развиваат.Во четврток, Пјонгјанг и Москва ја одбележаа првата годишнина од потпишувањето на сеопфатниот договор за стратешко партнерство меѓу севернокорејскиот лидер Ким Џонг-ун и рускиот претседател Владимир Путин во Пјонгјанг на 19 јуни 2024 година.Според договорот, Северна Кореја распореди трупи за да ја поддржи Русија во нејзината војна против Украина во замена за економски награди и воена технологија, како и нагло зголемување на билатералните размени и соработка во разни други области.

Свет | пред 7 месеци

Обвинителството бара Мерко да се прогласи за виновен, бранителите тврдат-законски поставувал директори

Денеска во Основниот суд во Струга се одржаа завршните зборови за судскиот процес против градоначалникот на Струга Рамиз Мерко, кој е обвинет за незаконско поставување директори на училиштата во Лабуништа, Радолишта и Подгорци.Судијата Јордан Јованов, кој води неколку случаи против Мерко, пресудата ќе ја соопшти утре во 12:30.Јавните обвинители Ванеса Бизати Билали и Џемал Љога во своите завршни зборови нагласија дека обвинетиот во својство на градоначалник постапил спротивно на прописите и позитивните законски овластувања во неколку случаи, со тоа што назначил лица кои не ги исполнувале условите за функцијата вршител на должноста директор.Тврдат дека Мерко назначил привремени директори без одлука од училишните одбори, без објавен конкурс и постапил небрежно во користењето на своите дискрециони овластувања како градоначалник, со што го нарушил и процесот на функционирање на образовните институции.Адвокатот на Мерко, Игор Петковски, посочи дека обвинителството не успеало да ја докаже вината на обвинетиот во овој процес.Според него доказите изнесени на главната расправа јасно не ја докажуваат намерата на обвинетиот да добие корист за некој друг или да предизвика штета, туку напротив да овозможи непречено функционирање на училиштата.

Македонија | пред 7 месеци

Го врзал, му ја затворил устата и го убил – судот одобри екстрадиција на Македонецот во Германија

Грчкиот Апелационен суд во Солун донесе одлука за екстрадиција на 34-годишен државјанин на Македонија во Германија, каде што се товари за грабеж и убиство на 81-годишен маж во градот Библис. Информацијата ја објави весникот „Катимерини“.Според германските медиуми, убиството се случило на 9 февруари. Два дена подоцна, телото на жртвата било пронајдено во неговиот стан на улицата Линденштрасе, откако роднините се загрижиле што не се јавува. Обдукцијата потврдила насилна смрт, а истрагата ја презеле обвинителството во Дармштат и криминалистичкиот оддел во Хепенхајм.Германските власти соопштија дека околностите упатуваат на свирепо убиство. За случајот е формирана специјална истражна единица под кодно име „1002“, составена од над 20 полицајци. Активирана е и телефонска линија за потенцијални сведоци.Осомничениот 34-годишен Македонец бил уапсен во мај на граничниот премин Евзони, за време на рутинска полициска проверка, при што било утврдено дека е предмет на европска потерница. Според германското обвинителство, тој престојувал во Германија на службено патување со група сограѓани, а сместувањето било организирано токму кај жртвата. Токму таму, осомничениот и неговите соизвршители го врзале мажот, му ја затвориле устата и го ограбиле, што, според обвинението, довело до негова смрт поради задушување.Пред судот во Солун, осомничениот побарал да не биде екстрадиран, со образложение дека доколку остане во Грција, неговото семејство од Велес полесно ќе може да го посетува. Сепак, судот го одбил барањето и ја одобрил екстрадицијата во Германија, каде што ќе се соочи со тешки обвиненија.

Македонија | пред 7 месеци

(Видео) Вознемирувачко: Тепачка во Советот на Општина Кочани

Физички инцидент ја одбележа денешната 65-та седница на Советот на општина Кочани, откако вербалната расправија меѓу советникот Аки Акиов и координаторот на советничката група на ВМРО-ДПМНЕ, Мирче Стојков, ескалираше во физичка пресметка.

Македонија | пред 7 месеци

Петмина повредени во сообраќајка во Скопје – едното возило сопственост на МВР

На 18 јуни 2025 година, околу 18:20 часот, на крстосницата меѓу булевар „Србија“ и улиците „3 Македонска Бригада“ и „12 Македонска Бригада“ во Скопје се случила сообраќајна несреќа во која учествувале две патнички возила – „Ауди“ со скопски регистарски таблички и „Рекстон“, сопственост на Министерството за внатрешни работи.Во незгодата се повредени вкупно пет лица – возачот на „Ауди“-то, 54-годишниот М.Ј. од село Марино, неговиот сопатник Б.Ј. (73), како и возачот и двајца полициски службеници кои биле во службеното возило. Повредите биле констатирани во ГОБ „Св. Наум Охридски“ и на Клиничкиот центар „Мајка Тереза“.Увид на местото на несреќата извршила екипа на СВР Скопје, а причините за несреќата се утврдуваат.

Македонија | пред 7 месеци

(Видео) Опструкции, закочени институции и навреди во Советот – градоначалникот на Кочани алармира за блокади од сите страни

В.Д. градоначалникот на Кочани, Венко Крстевски, остро проговори за сериозни опструкции со кои се соочува локалната власт. На денешната седница на Советот, тој посочи дека веќе три недели чекаат согласност од Министерството за финансии за отворање на новата градинка во која би биле згрижени 115 деца. Обвини и за нефункционалност на инспекциските служби кои, според него, не реагираат на небезбедни угостителски објекти. Дополнителен хаос предизвикала и самата седница, на која, освен што не се гласало за важна меѓуопштинска соработка, биле присутни навреди и обиди за физички пресметки.„Се соочуваме со опструкции од сите страни. Немаме трета недела согласност од министерката за финансии за отворање на градинката во која ќе бидат сместени 115 деца и ќе нема листа за чекање. Имаме опструкции од инспекторски служби кои не си ја вршат својата работа во делот на угостителски објекти каде што е нарушена безбедноста и на посетителите и на граѓаните. Денеска имаме опструкции во Советот, повторно не се глас за меѓу општинска соработка, гледам навреди, обиди за физички пресметки, нешто што е недозволиво“, рече в.д. градоначалникот Венко Крстевски.

Македонија | пред 7 месеци