Охрид ЅОЅ : Заев ќе носи Закон за чичко Никола?!

На вчерашната трибина во Охрид Бизнисменот Никола Толески инаку познат во јавноста како инвеститор во објектот во Лагадин, против кој реагираа и се организираа протести , се обрати со прашање до премиерот за неговиот проблем. Премиерот Заев му одговори: Неколку пати Транспорт и врски носи позитивна одлука. Разговарав со покоен Јован, сега со другите. Премиерот интервенира оти правото е на ваша страна, министерот интервенира оти правото е на ваша страна.По оваа комуникација во Центарот за култура, на нозе се кренаа Активисти на Граѓанска иницијатива Охрид ЅОЅ.Тие испратија соопштение во кое се вели:На крајот на оваа година македонската влада има обврска да покаже дека ги испочитувала обврзувачките препораки на Комитетот за светско наследство со што ќе покаже способност за управување со ова исклучително ретко светски признато богатство.Но изгледа не само што многу брзо македонските институции со својата склоност кон корупција ќе го префрлат охридскиот регион на Листата на светско наследство во опасност, туку и ќе го озаконат разузданото дивеење на урбаната мафија на штета на сите жители на РМ.На вчерашниот партиски митинг на сдсм во Охрид со парадоксален назив „Силна економија – шанса за сите“ имавме чест да слушнеме како премиерот Заев му ветува на „чичко Никола“ со кого си разменувале приватни смс пораки дека тој лично ќе се погрижел неговиот криминален хотел да си ги добие сите потребни дозволи и да си почне со работа.Го потсетуваме премиерот Заев на решението од здружениот инспекциски надзор во кое беа констатирани низа неправилности кои правниот тим на Охрид ЅОЅ ги утврди. Потсетуваме на целата низа прекршувања:- Прекршување на Законот за управување со светското природно и културно наследство воохридскиот регион (чл. 9, чл. 17 став 1, чл. 23 став 2)- Прекршување на Законот за заштита на Охридско, Преспанско и Дојранско Езеро- Прекршување на Законот за животна средина- Прекршување на Законот за заштита на природата- Прекршување на Законот за води (чл. 131 став 1 алинеи 4, 5 и 7)- Прекршување на Законот за просторно и урбанистичко планирање (чл. 33 и чл. 35)- Прекршување на Правилникот за начинот на спроведување на постапката за добивање наодобрение за градење на електронски начин (чл. 8)- Прекршување на Законот за градење (чл. 83 став 1 и 3, чл. 84) *Поради нетранспарентност на постапката и неможност за јавен увид во целокупната документација, постои сомнение и за прекршување на чл. 47 став 8, чл. 48 и чл. 56 од истиот Закон - Прекршување на Законот за општа управна постапка - Прекршување на Законот за вработените во јавниот сектор (чл. 8, чл. 9, чл. 10)- Прекршување на Законот за користење на податоци од јавниот сектор (чл. 5)- Прекршување на Законот за слободен пристап до информации од јавен карактер (чл. 4, чл. 13) -Прекршување на Законот за сопственост и други стварни права (чл. 9, чл. 26, чл. 118, чл. 124, чл. 152)- Прекршување на Уставот на РМ (чл. 26, чл. 30)Понижувачкиот пинг-понг што се одвива меѓу Општината Охрид и Второстепената комисија каде што „инвеститорот“ Никола Толески се жали и „бара правда“ е тежок удар и сериозно уназадување на владеењето на правото во Македонија. А препорака број 9 од Комитетот се однесува токму на тоа: Државата да „Загарантира ригорозна примена на законите и регулативата со цел да оневозможи било какво натамошно нелегално градење во рамките на доброто.“На сомнителниот „бизнисмен“ Никола Толески не му е првпат да гради нелегално. Против него СВР Охрид има поднесено кривична пријава во 2016 г. повторно за нелегална градба во заштитено подрачје, поточно во Националниот парк Галичица.Освен ако премиерот Заев не мисли да го злоупотреби Собранието на РМ за да го задоволи својот сопартиец и да го силува Уставот со носење на lex specialis во урбанизмот кој ќе се вика „Законот за чичко Никола“, незаконскиот чир од градба во Лагадин мора итно да добие решение за отстранување и Општината мора веднаш да пристапи кон спроведување, овојпат без изигрување на правото како кога ја поништија само клаузулата за правосилност на одобрението за незаконската градба, а не го поништија и самото одобрение.Ако премиерот сака жителите на РМ да му веруваат дека тој се залага за и претставува европски вредности, тој веднаш ќе се извини за грубото мешање во надлежности што претставува тешко прекршување на темелните вредности на уставниот поредок во РМ. Не е во надлежност на премиер „да фаќа врски“ за да озаконува криминални градби во УНЕСКО регион. Премиер кој е на ниво на задачата ќе побара да го види решението од мешаниот инспециски надзор и ќе ги извршува доследно своите надлежности според Деловникот за работа на владата. Како на пример, во согласност со чл. 4, став 6 од Деловникот за работа на владата ќе побара одговорност за лицата кои воопшто овозможиле ова криминално одобрение за градба да стане правосилно и лицата од Второстепената комисија што упорно ја уважуваат жалбата за нелегалната градба.Потоа, во согласност со став 10 од истиот член ќе ја насочи реформата во охридската администрација кон декриминализација и долго очекувана професионализација во обезбедувањето на јавните услуги за граѓаните.Од премиерот Заев младите охриѓани очекуваат заложба за одржлив развој, развој кој ќе им донесе достоинствени работни места, развој кој нема да зависи од партија, но ќе биде стратешка определба на професионална администрација на локално и централно ниво. Единствено ова претставува концепт на силна економија во која има шанса за сите. Токму партискиот пазар и неказнивоста на локални шерифи ги доведоа Охрид и Македонија до ова дереџе. А сепак, дури ни Никола Груевски не се осмели вака јавно и отворено да го покажува степенот на корумпираност во македонското општество.До канцеларијата на премиерот се доставени сите релевантни документи со кои располага Охрид ЅОЅ и доколку премиерот и по тие добиени информации остане во заштита на локалниот криминал, ние ќе покренеме соодветни процедури за обезбедување материјална и кривична одговорност, велат Активистите на Граѓанска иницијатива Охрид ЅОЅ.

Македонија | пред 7 години

Тешка сообраќајка кај градежен, едно дете итно пренесено во болница

Тешка сообраќајна несреќа се случи попладнево на булеварот Партизанска, во близина на Градежен факултет.Според неофицијални информации автомобил удрил во дете кое веднаш со возило на итната медицинска помош било пренесено во болница.

Скопје | пред 7 години

Српски курир дознава - Нема повеќе препреки, Србија се приклучува на Турскиот тек

Како што беше планирано, гасоводот преку кој рускиот гас преку Турција и Бугарија во Србија ќе влегува кај Зајачар, а од Србија во Унгарија кај Хоргош. Градбата на магистралнот гасовод во Србија во должина од 403 километри треба да започне за неколку месеци и да биде завршена до крајот на оваа година, за во функција да биде пуштена во 2020 год.Секретаријатот на Енергетските заедници излезе со свое мислење за исклучоците од правилата на третиот енергетски пакет на ЕУ за идниот гасовод во Србија, кои треба да биде продолжение на турскиот тек, соопштуваат од организацијата. Енергетската заедница е меѓународна организација која ги обединува Европската унија и неколку соседни земји како би се создало обединет европски пазар.Извор : Курир.рс

Свет | пред 7 години

Столтенберг: На 6 февруари ќе испишеме историја: Сојузниците на НАТО ќе го потпишат пристапниот протокол со Северна Македонија

Генералниот секретар на НАТО, Јенс Столтенберг соопшти дека на 6 февруари ќе се одржи церемонијата на потпишување на пристапниот документ за членство на Македонија во Алијансата.„На 6 февруари ќе испишеме историја: Сојузниците на НАТО ќе го потпишат пристапниот протокол со идната Северна Македонија заедно со МНР Димитров“ напиша Столтенберг на Твитер.

Македонија | пред 7 години

Ѓораѓиевски: Спасовски место да се грижи за безбедноста, турка кампања за претседател

Во Скопје владее хаос и криминал. Само за 1 месец се пријавени 20 разбојништва. Нема ден да не се вади оружје. Мета се бензински пумпи, обложувалници и пошти. Прашање на време е кога ќе падне првата жртва бидејќи Оливер Спасовски и неговите функционери се незаинтересирани да постапуваат или се во коалиција со криминалот, изјави Орце Ѓорѓиевски од ВМРО-ДПМНЕ.„Оливер Спасовски го интересираат лични амбиции и кариерата. Место да се грижи за безбедноста, турка кампања за претседател и не превзема ништо за намалување на криминалот.На 1 јануари се евидентриани 3 кражби. Во две има закани и употреба на физичка сила. Неколку дена потоа е ограбена бензиска со пиштоли на автопатот Тетово-Скопје. Ограбена е и куќа во Сопиште.Заедничко за сите кримминали е тоа што нипто не се расчитува. МВР крие колку дела се пријавени во Скопје, а колку од криминалите се расчистени. Нема место во Скопје, нема ден кога не е извршено разбоништво. Градот ни е претворен во крвава арена. Полицијата никаде ја нема да ги заштити граѓаните. Оваа власт ја наруши безбедноста и мора да си замине“, изјави Ѓорѓиевски.

Македонија | пред 7 години

(ВИДЕО) Снимка од страшната несреќа во која загина жена а 4 лица се повредени, меѓу кои и директорот Зоран Бабиќ

Српските медиуми објавија снимка од страшната несреќа која се сличи вчера на наплата рампа и во која загина жена, а 4 лица се повредени, меѓу кои и директорот на ,,Коридори Србија“, Зоран Бабиќ, кој има тешки повреди - отворени скршеници по телото.Српската полиција денеска го уапси возачот на директорот на Коридорот на Србија, Зоран Бабиќ, Д.С.(35) поради тешка повреда на безбедноста на сообраќајот.Во тешката сообраќајна несреќа на наплатата рампа кај местото Дољевац, во близина на Лесковац, загина Станика Глигоријевиќ(52) од селото Дебелица, а повредени се уште 4 лица, меѓу кои и Зоран Бабиќ.Инку несреќата се случи кај наплатната рампа Дољевац на автопатот Ниш-Лесковац.

Свет | пред 7 години

(ВИДЕО) Се појави снимка од моментот кога пукна браната во Бразил

На интернет се појави видео снимка од моментот кога пукнала браната во Бразил, при што животот го загубија 99 лица, а 259 се водат како исчезнати.Спасувачките екипи соопштија дека шансите за пронаоѓање преживеани е мали.Бразилскиот рударски гигант „Vale“ соопшти дека на семејствата на погинатите ќе им биде исплатено по 27.000 долари.https://twitter.com/PolitzOficial/status/1091406152666103813?ref_src=twsrc%5Etfw%7Ctwcamp%5Etweetembed%7Ctwterm%5E1091406152666103813&ref_url=https%3A%2F%2Fwww.telegraf.rs%2Fvesti%2Fsvet%2F3029410-brdo-se-pomera-odvaljuje-i-brise-sve-pred-sobom-pojavio-se-snimak-trenutka-u-kome-je-pukla-brana-u-brazilu-koja-je-odnela-sto-zivota-video

Свет | пред 7 години

Петкоска: Ги повикуваме сите еколошки друштва и здруженија кои беа многу гласни со грижата за езерото, да се разбудат од зимскиот сон

Продолжува праксата на неодговорно однесување на локалната администрација која се обидува преку Советот да протурка штетни и непримерни одлуки, обвини на прес-конференција Лидија Петкоска, советник во општина Охрид и претседателка на УЖ.Таа истакна дека една од точките на дневниот ред е легализацијата на седум бесправно изградени објекти во кампот Градиште.Во продолжение пресс конференцијата на петкоска во целост:Имајќи предвид дека откакo „дојде животот” и „цвета” слободата на информирање многупати останувате неинформирани за значајни случувања во градот, а кои се однесуваат токму на нас жителите на оваа оптштина, во пресрет на следната седница на Советот на општина Охрид би сакале да ви предочиме неколку значајни информации.Продолжува праксата на неодговорно однесување на локалната администрација која се обидува преку Советот да протурка штетни и непримерни одлуки. Имено, на следнта седница една од точките на дневен ред е и Предлог-програмата од област на располагање со градежно земјиште во сопственост на Република Македонија на подрачјето на општина Охрид. За помалку информираните, покрај другото, со таа одлука се определуваат и цените на парцели кои се предмет на издавање под краткотраен закуп по пат на јавно наддавање или непосредна спогодба-плажи.Само пред 10 месеци на предлог на господинот Константин Георгиевски како тогашен координатор на советничката група на СДСМ, заедно со нашата советничка група беа усогласени и изгласани почетни цени за надавање кои сметавме дека се реални и во согласност со пазарот.Сега, игнорирајќи ја оваа одлука во потполност, како никогаш да не била донесена се предлагаат износи и повеќе од двапати пониски од претходно донесените, без ниту еден збор образложение. Ова можело да се случи само како резултат на намера, или пак на крајно неодговорно однесување на администрацијата. И во двата случаи некој треба да понесе одговорност.Сакаме да напоменеме дека градот, односно сите ние, веќе трпиме штети заради несклучените досега договори за закуп, а корисниците и натаму ги користат без никаква закупнина. И додека постапката која е започната е заглавена во лавиринтите на Iослободената и најправна државa од било кога досега” истата покажува неверојатна агилност во други случаи. Па така, една од точките на дневен ред е легализација на 7 бесправно изградени објекти во кампот Градиште. Замислете, во најзаштитениот појас, во непосредна близина на езерото, експресно државата и нејзините институции ги издале сите потребни согласности за овие легализации. Повторуваме, во кампот Градиште, веднаш до еден од најубавите езерски брегови воопшто во светот, на едно од најстарите езера во Европа не било никаков проблем да се легализираат бесправно изградени објекти.Ги повикуваме сите еколошки друштва и граѓански здруженија кои до неодамна беа многу гласни со својата грижа за езерото, да се разбудат од зимскиот сон и да продолжат и да се грижат и да се борат за зачувување на езерото. Во спротивно ќе сметаме дека нивните претходни активности биле водени од сомнителни мотиви, истана Петкоска.

Македонија | пред 7 години

Нема фотографија

Во ВМРО-ДПМНЕ пристигнати осум кандидатури, меѓу кои Ѓорчев и Силјановска, останатите се чуваат во тајност

Во седиштето на ВМРО-ДПМНЕ пристигнати се вкупно осум кандидатури на кандидати за претседател меѓу кои и оние на пратеникот Влатко Ѓорчев, професорката Гордана Силјановска и на Филип Петровски. Останатите кандидати засега се чуваат во тајност.Рокот за поднесување на претседателски кандидатури во ВМРО-ДПМНЕ заврши во четвртокот, но партијата остави простор од 48 часа за апликациите што се пратени по пошта.Кандидатурите ќе бидат разгледани од партиска комисија, која треба да утврди кој од апликантите ги исполнува предвидените услови. Кандидатите потоа добиваат шанса за промоција во општинските ограноци пред, конечно, да побараат доверба и од 530. партиски делегати на најавениот Конгрес во Струга.

Македонија | пред 7 години

Груевски за прв пат ќе се појави во медиум по бегството во Унгарија

Екс премиерот Никола Груевски вечерва за прв пат ќе се појави во медиум по бегството во Унгарија.На телевизија „Сител“ оди најава дека во вестите во 16 часот ќе имаат интервју со како што велат, поранешниот премиер и азилант Груевски.Останува да се види дали Груевски ќе открие како избегал од државата и кој му помогнал.Груевски неколку месеци е во Унгарија каде што и доби азил откако во Македонија беше осуден на 2 години затвор за случајот „Тенк".

Македонија | пред 7 години

Шахпаска: Со новиот Закон го враќаме правото на жената сама да одлучува и обезбедуваме безбеден абортус

Владата предводена од СДСМ и коалицијата усвои нов Закон за прекин на бременоста. Правото на жената за прекин на бременоста е неприкосновено. Жената сама, свесно носи одлука за раѓање и број на деца, изјави пратеничката од СДСМ, Јагода Шахпаска.„Прекинот на бременост мора да е е безбеден, во услови и на начин согласно медицина базирана на докази и од стручни лица.Нема веќе административни процедури: комисии, нема веќе пристрасно советување, нема 3 дена чекање, нема веќе носење одлуки во нејзино име.Прекин на бременост ќе се прави и на примано ниво на здравствена заштита во услови и начин предвидени со закон“, вели Шахпаска.Таа додава дека прекин на бременост ќе се прави по барање и дадена согласност на жената до 12 седмица, а во одредени случаи и до 22 седмица.„Жената ќе знае како се изведува, колку и какви последици носи интервенцијата. Животот на жената е пред се.Минатата власт донесе закон кој го отежна пристапот до безбеден абортус, го ограничи правото на избор, ги стигматизираше и осудуваше жените.Со новиот закон се гарантира нејзиното достоинство, приватност, информираност и доверливост.Со овој закон исполнуваме уште едно изборно ветување. Законот наскоро ќе влезе во собраниска процедура и апелираме до сите пратеници заеднички да го поддржиме во интерес на жените и нивното здравје“, изјави Шахпаска.

Македонија | пред 7 години

Нема фотографија

(ФОТО) Америка окована во мраз, Австралија гори – разлика од 100 степени во температурите

Додека Америка се бори со екстремно ниските температури, во Австралија просечната тепмература е 30 степени.Американскиот среден запад го погоди поладна зима отколку на Антартикот, а на некои места беа забележани дури 36 степени под нулата. Бруталните услови за сега однесоа 12 животи, училиштата се и понатаму затворени, а на жителите им се советува да не се задржуваат надвор.Ладниот бран се прошири и на североисточниот дел на САД, додека метеоролозите за викендот прогнозираат потопло време.Од друга страна, во Аврсталија температурите се многу високи.Најмалку пет дена беа со дневна температура од 40 степени. Временските услови предизвикаа пожари и зголемување на бројот на пациенти во болниците. Исто така предизвикаа и смрт на повеќе од 90 диви коњи.https://twitter.com/severeweatherEU/status/1088379687649378305?ref_src=twsrc%5Etfw%7Ctwcamp%5Etweetembed%7Ctwterm%5E1088379687649378305&ref_url=https%3A%2F%2Fwww.telegraf.rs%2Fvesti%2Fsvet%2F3029085-dva-rekorda-na-suprotnim-stranama-sveta-dok-se-u-americi-smrzavaju-gore-nego-na-antarktiku-u-australiji-ne-pamte-ovakve-vrucine-foto

Свет | пред 7 години

Премиерот Заев во посета на „Костал Македонија ДООЕЛ Охрид“

Претседателот на Владата на Република Македонија, Зоран Заев заедно со министерот за транспорт и врски, Горан Сугарески и со в.д. градоначалникот на општина Охрид, Константин Георгиевски, вчера беа во посета на германската компанија со подружница во Република Македонија, „Костал Македонија ДООЕЛ Охрид“.По кратката обиколка на фабриката, Премиерот во својата изјава, меѓу другото истакна дека е импресиониран од капацитетот и од условите за работа коишто ги нуди Костал, германска компанија којашто веќе трета година во Република Македонија произведува електронски и мехатронски делови за автомобилската индустрија.Понатаму во својата изјава, Премиерот рече:„Согласно договорот за државна помош, компанијата до крајот на минатата година требаше да инвестира помеѓу 20 и 30 милиони евра и да вработи најмалку 300 луѓе. Но актуелната состојба покажува дека овие бројки не само што се достигнати, туку дека се и многу поголеми од предвидените.Како што ме информираше раководството, компанијата досега инвестирала 29 милиони евра, а во фабриката се вработени околу 350 луѓе. За истакнување е фактот дека просечната бруто плата изнесува повеќе од 730-тини евра или нето платата е 495 евра, што е близу до просекот којшто е амбиција на сите граѓани во Република Македонија.Нивните амбиции продолжуваат и се очекува зголемување на капацитетите и во финансиски ефекти и во нови работни места.Костал Македонија ДООЕЛ Охрид, којашто е директна странска инвестиција, е уште еден доказ дека Владата на Република Македонија е посветена на креирање политики коишто придонесуваат и за рамномерниот регионален развој.Во оваа прилика, би сакал уште еднаш да го повторам ветувањето коешто им го дадовме на моите сограѓани, а тоа е дека 2019-тата ќе биде година на силен економски раст и развој. Ве уверувам дека економски Република Македонија, а наскоро Република Северна Македонија, многу повеќе ќе напредува. Стандардот на граѓаните забрзано ќе расте.Со зачленувањето на Република Македонија во НАТО и со започнувањето на преговори со Европската Унија забрзано се отвораат економските перспективи за развој на земјата. Затоа силно сме фокусираме на креирање на уште по квалитетни економски проекти.„Костал„ претставува добра пример и силна мотивација за следните инвестиции во Република Македонија“.

Македонија | пред 7 години

Најчевска со нов кандидат за претседател

Професорката Мирјана Најчевска на својот Фејсбук профил напиша дека според неа претседател на државата треба да биде професорката Ирена Стефоска.„Повторно ме прашаа, кога веќе сум запнала за жена претседател кого би го предложила.И јас повторно велам: Ирена Стефоска.И воопшто не се зафркавам и имам многу добри аргументи.1. Таа е жена.2. Е професор, а не некој пилиштарец кој уште не знае врвците на чевлите правилно да ги врзе или се пијанчи по американските клубови.3. Има повеќе познавање за Македонија и нејзината историја од било кој од тие кои себе си се нарекуваат патриоти.4. Беше дел од Хелсиншкиот комитет и знае што се тоа права на луѓето и како да ги брани.5. Беше дел од Шарената револуција и храбро се спротистави на моќниците.6. Како пратеничка не стана дел од стадото, не се покори на партискиот диктат и прилично брзо ја прележа болеста на власта без да и биде направена неповратна лоботомија.7. Не е корумпирана и има огромни шанси да не стане корумпирана.8. Со двете нозе стои на земјата и знае што може, а што не може да се направи во државата.9. Околку себе има круг на многу паметни луѓе кои во секој момент ќе и ја дадат интелектуалната поддршка која ќе и затреба.10. За разлика од фикусот кој до сега зафаќаше место во претседателската куќа зборува повеќе јазици (меѓу кои и на неколку наши најблиски соседи од несловенско потекло)“, стои во објавата на Фејсбук.

Македонија | пред 7 години

Пандов: Ѓорчев е Тоти, ама ВМРО-ДПМНЕ го има Марадона, затоа тој треба да игра

Аналитичарот Александар Пандов на Фејсбук ја коментира изјавата на Мицкоски дека Влатко Ѓорчев е како Франческо Тоти во фудбалот, и порача дека ВМРО-ДПМНЕ го има и Марадона.„Денес е последниот ден од конкурсот во ВМРО за претседателски кандидат. До сега се поднесени две од Влатко Ѓорчев (Тоти) и од Гордана Силјановска Давкова (goga_soros). Во случај сепак Заев да се охрабри и да излезе на парламентарно соочување со народот, сметам дека ВМРО треба да има претседателски кандидат.Од тука јас се приклучувам на повикот од Миленко Неделковски кон Коце Трајановски да поднесе кандидатура на партиската конвенција. Ако Влатче е Тоти, Коце е Марадона во ВМРО ДПМНЕ. Мојата поддршка важи само и само ако има и парламентарни избори“, напиша Пандов.

Македонија | пред 7 години

Нема фотографија

Во среда амбасадорите на земјите членки на НАТО ќе дадат согласност за членство на нашата земја

„Согласно утврдената постапка за прием на нови членки во НАТО, како и според чекорите што произлегуваат од Договорот од Преспа, во среда, на 6 јануари, амбасадорите на земјите членки на НАТО во Северно-атлантскиот совет, ќе го потпишат Протоколот за пристапување во членство на нашата земја во НАТО, со новото уставно име Република Северна Македонија.Со овој чин, 29-те земји членки ќе ја изразат својата согласност нашата земја да станеме дел од системот и процедурите на НАТО, и учествува во работата на телата на алијансата како поканета земја членка, без право на глас.Веднаш по согласноста за Протоколот за пристапување во членство на нашата земја во НАТО, ќе започне и почнува процесот на негова ратификација во парламентите на секоја од земјите членки на алијансата. Грција прва ќе го ратификува Протоколот, по што Договорот од Преспа стапува на сила и уставните амандмани влегуваат во сила.Откако ќе заврши процесот на ратификација на Протоколот во сите 29 земји членки, нашата земја, со новото уставно име, ќе стане полноправна членка на НАТО со право на глас за сите одлуки на сојузот“, велат од Владата на Република Македонија.

Македонија | пред 7 години

Исчезна маж од Скопје, семејството бара помош

Исчезна Алибен Абдул кој последен пат е виден вчера (01.02) во 10 часот како излегува со количка за на пазар со тркалца.„Носи црна монтка, плав џемпер и плава кошула, црни панталони и окер боја чизми со врвки. Носи и црна ташна торбица за преку рамо. Излезен е без сите лични документи, без новчаник и телефон. Висок околу 1.67, тежина околу 68 кг, има зелени очи и проседа коса. Контактибилен е, нема губиток на меморија или ориентација во простор. Случајот е пријавен во полиција. Оние кои можеби ќе го забележат да се јават на некој од следниве броеви: 077602-032; 070814060; 077631120“, стои во објавата на Фејсбук.https://www.facebook.com/permalink.php?story_fbid=10218566145809845&id=1382330415

Скопје | пред 7 години

Нема фотографија

Поради дефект без вода улица 166 во Скопје

Поради уличен дефект во ф-3/4“ во ул.166 бр.28, денес прекинато водоснабдување ќе имаат корисниците од истата улица до завршување.

Скопје | пред 7 години

Шилегов се сретна со возачот од ЈСП кој пронајде паричник полн со пари и му го врати на сопственикот

Градоначалникот Шилегов се сретна со Мирослав Деспотовиќ, возачот на автобус на ЈСП кој деновиве пронајде паричник полн со пари во автобусот што го возел и му го врати на сопственикот.- Постапката на Мирослав сите не воодушеви. Тоа е вистинскиот начин да се постапи во вакви случаи, да се покаже чесност и хуманост, да му се помогне на оној што е во неволја. Оваа случка е вистинска можност да се потсетиме на вистинските човечки вредности – рече Шилегов.Мирослав Деспотовиќ, возач на автобусот со број 53, што сообраќа од Транспортниот центар до Катлановска бања деновиве пронајде паричник паднат меѓу седиштата. Деспотовиќ веднаш го пријавил случајот во внатрешната контрола на јавното претпријатие. Сопственикот на паричникот, скопјанецот Фериз Шабани, бил контактиран и си ги добил парите и документите назад уште истиот ден.

Скопје | пред 7 години

Нема фотографија

Единствена Македонија: Заев да се охрабри и да распише парламентарни избори заедно со претседателските избори

„Единствена Македонија силно го охрабрува марионетата Зоран Заев во пресрет на утрешната одлука на СДСМ за предвремени парламентарни избори да го прифати барањето на целата опозиција за распишување на парламентарни избори заедно со претседателските избори.Цел свет знае дека марионетската власт на Заев е инсталирана од странски центар и не ја отсликува вољата на бирачите и затоа единствено решение се предвремени парламентарни избори заедно со претседателските избори.Единствена Македонија ги повикува европските дипломати да престанат со дејствување на начин кој не одговара на нивниот дипломатски статус бидејќи нивните отворени повици да не се распишуваат и предвремени парламентарни избори е недозволиво мешање во внатрешните работи на Република Македонија.Странски измеќар Заев секојдневно се фали во јавноста дека ќе победел на наредните избори, па, ајде да се соочиме со народот на предвремени избори за историската иднина на Република Македонија“, се вели во соопштението од Единствена Македонија.

Македонија | пред 7 години

ЈП „Комунална хигиена“ спроведува масовна акција за чистење на Скопје

Во рамките на интервентните мерки за подобрување на квалитетот на амбиенталниот воздух во градот, ЈП „Комунална хигиена“-Скопје започна масовна акција за чистење што ќе се одвива на територијата на сите скопски општини.„Покрај стандардните активности за метење и чистење, поради поволните временски услови денеска се спроведува и машинско миење на булеварите и улиците со автоцистерни.Генерално чистење се одвива и во реонот на Железничката станица и Транспортниот центар, додека изутринава се изврши и рачно миење со автоцистерна на плоштадот Македонија, каде што беше комплетно исчистен теренот по дислоцирањето на лизгалиштето.Акцијата се реализира со целата расположлива механизација и ќе продолжи во текот на викендот и претстојната недела“, велат од ЈП „Комунална хигиена“.   

Скопје | пред 7 години

(ВИДЕО) Тинејџер го земал автомобилот од родителите, па се обидел да згази полицаец

Три лица се полесно повредени за време на синокешната потера на улиците о Белград.Се започнало кога тинејџер (17) го украл автомобилот од родителите и заедно со другарите отишол да се возат низ градот. Тој два пати се обидел да згази полицаец.На крајот удрил во пекара, а од силиниот удар возилото се одбило назад и завршило на средина на раскрсницата.Во автомобилот е пронајдена марихуана, а некои лицата кои биле во него и се познати на полицијата од претходно.

Свет | пред 7 години

РСБСП со апел до младите возачи: Почитувањето на сообраќајните правила не е право на избор, затоа без изговори

Според податоците на СЗО, секоја година, во светот, околу 400.000 млади лица го губат животот во сообраќајни незгоди. Тоа значи дека, 1100 млади лица, на возраст до 25 години, секој ден го губат животот, во сообраќајни незгоди ширум светот. Повеќе од војна, повеќе од која било болест, епидемија или природна непогода, земени поединечно.Сообраќајните незгоди се водечка причина за смртност кај лицата на возраст од 15 до 19 години, а втора причина за смртност кај лицата на возраст од 10 до 25 години.Имајќи ги во предвид наведените факти, со право можеме да кажеме дека, сообраќајните незгоди се црната чума на 21 век.Следејќи ги светските искуства, а водејќи се според резултатите од истражувањата на релевантни меѓународни организации, РСБСП со препораки, совети и информации за безбедноста на младите во сообраќајот:1. Возачко неискуство. Ризикот за предизвикување сообраќајна незгода е највисок во првата година по добивањето возачка дозвола. Затоа, и покрај возачката дозвола, родителите имаат родителска обврска да им обезбедат на нивните деца, најмалку од 30 до 50 часа надгледувана пракса за возење, во текот на најмалку шест месеци. Праксата треба да се реализира на различни патишта, во различни периоди од денот и во различни временски услови. Практичната обука треба да опфати и активности за постојано скенирање на потенцијалните опасности, вклучувајќи ги и другите возила, велосипедистите и пешаците.2. Недоволна созреаност и слаб карактер. Ризикот за предизвикување сообраќајна незгода, се зголемува кога младите возачи, возат млади сопатници во возилото. Притоа, колку е поголем бројот на сопатници во возилото, толку е поголем и ризикот. РСБСП ѝм препорачува на младите возачи, да го намалат бројот на млади сопатници во возилото на нула или на еден.Почитување на оваа прeпорака е особено важно во првите 6 месеци по добивање возачка дозвола.3. Неискуство во ноќно возење. Ноќното возење е опасност за сите возрасни групи. Фатални сообраќајни незгоди се случуваат најчесто во вечерните часови, но ризикот е многу поголем за младите и неискусни возачи. Според ЗБСП, младите возачи - возачите почетници, не смеат да возат од 23 часот до 5 часот наутро, во првите две години по стекнување возачка дозвола, без придружба на возрасно лице над 25 години, кое поседува возачка дозвола од соодветната категорија и на кое не му е изречена забрана за управување моторно возило. РСБСП со препорака до младите, да се почитуваат законските ограничувања и да се вежба ноќно возење во придружба на искусен возач, пред да започнат самостојно да возат во ноќни услови.4. Некористење појас. Основната превенција од смртни случаи во сообраќајни незгоди е користење сигурносен појас. Истражувањата покажуваат дека младите возачи и сопатници најмалку користат сигурносен појас. Затоа, секогаш користете појас и барајте од своите сопатници, секогаш и задолжително да користат сигурносен појас на секое патување. Ова е основен чекор да се намали ризикот младите да бидат тешко повредени во сообраќајна незгода.5. Рассеано возење и нефокусираност. Нефокусираност, рассеаност, невнимание - го зголемува ризикот на младиот возач да предизвика сообраќајна незгода. Истражувањата потврдуваат дека младите возачи најчесто користат мобилен телефон и возат под одвлечено внимание. РСБСП со препорака: Не преземајте активности кои можат да ви го одвлечат вниманието додека возите, како што се: зборување на мобилен телефон, испраќање порака, јадење или играње со радиото. Последиците од нефокусирано, рассеано возење - најчесто се фатални.6. Замор. Младите возачи се во голем ризик од поспаност при возење, што е причина за предизвикување илјадници сообраќајни незгоди. Младите најмногу се поспани во утринските часови или доцна во ноќта. Затоа, планирајте го своето патување, патувајте подготвени, одморени, правете повеќе паузи и консумирајте повеќе течности додека возите. Никогаш немојте да си препишувате големи цели, не ги преценувајте своите способности и не го потценувајте заморот.7. Несовесно возење. Истражувањата покажуваат дека кај младите недостасува искуство за правилно рассудување и зрелост за да се проценат ризичните ситуации. Младите се повеќе склони кон преземање ризик, помалку држат безбедно растојание меѓу возилата, возат слалом, неправилно престигнуваат, помалку се стрпливи и помалку се толерантни во сообраќајот. РСБСП ги советува младите возачи, да бидат совесни и одговорни и секогаш да ги почитуваат сообраќајните правила и прописи.8. Брзо возење и алкохол. Брзината и алкохолот изнудуваат грешки кои најчесто завршуваат со фатални последици. Возач - почетник не смее да управува возило со брзина поголема од 60 km/h на јавен пат, односно со брзина поголема од 80 km/h на пат наменет исклучиво за сообраќај на моторни возила, односно со брзина поголема од 100 km/h на автопат. Возачот почетник кој поседува возачка дозвола од „Б“ категорија, не смее да управува со возило чија сила на моторот е поголема од 77 киловати. Толеранцијата за присуство на алкохол во крвта, кај возач почетник, е еднаква на нула.Брзото возење и алкохолот се најчести причини за предизвикување сообраќајни незгоди со фатални последици. Затоа, почитувај ги правилата за ограничување на брзината и никогаш не вози под дејство на алкохол.РСБСП со апел до младите возачи: Безбедноста во сообраќајот бара сериозност, одговорност и максимално почитување на сообраќајните правила и прописи. Младоста не е и не може да биде никакво оправдување. Почитувањето на сообраќајните правила не е право на избор. Затоа, без изговори. Вози одговорно!

Македонија | пред 7 години

(ВИДЕО) Експлодира метеор над Куба, луѓето во паника

На небото над Куба експлодира метеор , а делови од него паднаа на повеќе места во покраината Пинар дел Рио . Експлозијата се слушнала низ целата покраина , а жителите во паника гледаа како дождот од камења паѓа од небото.Според очевидците на небото се појавила огнена топка и чад, а потоа „дожд“ од црни камчиња почнала да паѓаат врз туристичкото место Виналес и други делови на провинцијата Пинар дел Рио.Експлозијата се слушнала и во Хавана.Директорот на одделението за геологија на Кубанскито институт за геофизика и астрономија, Ефрем Хаимес Салгадо изјави дека е испратен тим експерти кои ќе ги соборат и анализираат примероците.

Свет | пред 7 години

Нема фотографија

Скопјанец каснат од куче скитник

На 02.02.2019 година во 00.40 часот во Полициската станица Аеродром, В.М.(34) од Скопје пријавил дека на 01.02.2019 година во 22.15 часот на улица „Васко Карангелевски“ во Скопје бил каснат од куче скитник во пределот на левата нога.

Скопје | пред 7 години