Нема фотографија

Ѓорчев убеден дека ќе победи во првиот круг , вели ги знам сите градови и села

„Половина час на 21 април ќе набројуваме каде се не сме победиле со „Победивме во Прилеп, победивме во Крива Паланка, победивме во Струмица. На сите пет ибори кога сум бил носител на листа секогаш сум победувал. Нема град каде што немаме намера да победиме. СДСМ нека му ја мисли затоа што ги излажа граѓаните. Заеднички ќе ги поразиме уште во првиот круг“, истакна Влатко Ѓорчев, кој на прес-конференција во Собранието изјави дека ќе победи уште во првиот круг на 21 април на претседателските избори доколку биде номиниран од ВМРО-ДПМНЕ како кандидат во трката од оваа опозициска партија.Како што истакна тој, се чувствува подготвен да ја преземе одговорноста да застане на чело на оваа држава.„Имам моменти во животот кога човек треба да го искористи своето знаење, искуство, сето што го направил во функција на државата и народот. Македонија губи, Македонија назадува. Не се добри состојбите во Македонија. Од тие причини, објавувам дека се кандидирам за претседател на Република Македонија. Поседувам искуство, знаење, чесност, лојалност. Ги знам сите градови, населбите, улиците. Наредните три месеци ќе појдам во секој град и дом. Ќе појдам кај граѓаните на Македонија, кај оние кои ми го дале мандатот. Ќе ја побарам вашата доверба. Оваа апсолутистичка власт е дефинирана како хибриден режим. Не смее да се дозволи на Заев да ги узурпира институциите на државата. Мотивиран сум повеќе од било кога, благодарен сум за огромната поддршка, ја добивам од голем број граѓани на државава. Македонија е земјата на моите баби и дедовци. Македонија е земјата на моите четири деца. Јас директно им велам, на сите кандидати на СДСМ, ве чекам јас и најмалку 500.000 луѓе на Република Македонија“, истакна Ѓорчев.Ѓорчев додаде дека веднаш ќе ја стартува внатрепартиската кампања по поднесувањето на кандидатурата на објавениот оглас.

Македонија | пред 7 години

(ВИДЕО) Колариќ: Скандал е што Шилегов ќе вработува 700 партиски војници, додека претпријатијата тонат во долгови

Вистински скандал е што во изборна година, само преку две градски претпријатија се предлагаат планови за вработувања на над 700 нови, и најверојатно строго партиски вработувања. Повторувам 700 најверојатно партиски вработувања, изјави Светлана Колариќ советник во Советот на Град Скопје, од ВМРО-ДПМНЕ и Коалицијата „За подобра Македонија“.Колариќ нагласува дека усвојувањето на плановите со кој се предвидува армија нови вработувања се прави во пресрет на претседателски но и можни предвремени парламентарни избори. Ова не може да се сфати никако поинаку освен како отворено корумпирање на гласачи во полза на власта, и давање на надеж и изборни комбинаторики за вработување на гласачи.-Ќе се вработуваат советници на директори, раководители, и соработници. Имено, согласно планот на ЈП за „Комунална хигиена“, градот Скопје и Петре Шилегов предлагаат да се вработат 300 нови работници и тоа раководители на сектори, раководители на одделенија, советници, соработници и друг вид на персонал. Додека само 29 луѓе оваа година ќе заминат во пензија, посочи советничката која додаде:„Согласно пак планот на ЈСП се планира во тековната година да се вработат 233 луѓе, од кој освен дефицитарни возачи на автобуси, поголемиот дел се администрација како виши соработници, помошници раководители, раководители на сектори и останат бирократски персонал. Додека се вработуваат 233 луѓе само 30 од нив ќе одат во пензија, а за наредната година се предвидува вработување на уште нови 170 луѓе. Иако плановите се за тековните две години, огромната бројка од околу 700 нерационални вработувања, и периодот во кој овие планови се усвојуваат недвосмислено отвораат сомнеж дека градот Скопје и власта прават изборна манипулација и партиски вработуваат на грбот на граѓаните на Скопје.“-Градоначалникот Петре Шилегов во 2017-та година изјави цитирам „градските претпријатија се превработени“. А, потоа изјави цитирам „1.200 вработени се вишок“. Јавно го поставувам прашањето како, кога во услови на превработеност, и во услови кога и ЈСП, како и многу други претпријатија бележат загуби и опстојуваат од субвенции на градот Скопје ќе вработат нови 700 луѓе? Што се смени за да Шилегов го промени и својот став? , запраша Колариќ.„Дополнително пак градската администрација секојдневно се пополнува со тековни вработувања на партиски членови на власта. Се делат раководни позиции, а оние места кои се дефицитарни и понатаму остануваат празни. Има советници, но има и инспектори кои што работат на терен без лиценци, ова навистина е вистинско безредие. Зошто Скопјани притоа мора да ги плаќаат партиските војници на власта кои ќе се вработат, наместо да добијат квалитетни и ефикасни услуги кои што им следуваат? Ние ќе ги информираме сите релевантни фактори за ваквото дрско беззаконие и грубо нарушување на процесите. Ова е почеток на нарушување на предизборниот период кој претстои но и начин за корупција на гласачи, потенцираше советничката од ВМРО-ДПМНЕ.

Скопје | пред 7 години

(ВИДЕО) Промоција на новите дипломци на Факултетот за безбедност

„Денешниот чин со кој се означува крајот на едукацијата на високо-образуван кадар од областа на безбедноста всушност претставува заокружување на еден процес, после кој што отпочнува конкретната, практична примена на сето она што во изминатиот период се акумулирало како стручна наобразба. Таквиот настан истовремено ги демонстрира заедничкото задоволство и гордост. За почитуваните професори - затоа што успеале во текот на тој процес да ги пренесат своите знаења и искуства; за дипломците и магистрантите - затоа што успешно завршиле дел од академскиот пат; за општеството и институциите - затоа што добиваат нов и стручен кадар којшто ќе треба професионално да се соочи со реалните предизвици“, рече министерот Спасовски во денешното обраќање на промоцијата на новите дипломци на Факултетот за безбедност при Универзитетот „Св. Климент Охридски“.Спасовски нагласи дека ниту едно општество не може да се надева на успешност без следење и практично имплементирање на нови научно-истражувачки сознанија, без онаа реална кооперативност меѓу теоријата и практиката, што впрочем се потврдува низ секојдневието на современите и развиени општества. Особено што безбедноста претставува прилично динамична сфера на работа.„Вие ќе го најдете своето место во општеството, вклучително и во институцијата со која што раководам - Министерството за внатрешни работи на Република Македонија, притоа давајќи го својот максимум како во име на сопствените амбиции и надежи, така и во име на потребата за брз и динамичен развој на нашата држава. Ви честитам за покажаниот успех, ви посакувам и вам и на вашите ценети професори, натамошен успех на професионален план, убеден дека и во иднина оваа етаблирана високообразовна институција ќе продуцира кадри со кои што сите ќе се гордееме“, рече Спасовски.

Скопје | пред 7 години

Нема фотографија

Ѓорчев бара од ВМРО-ДПМНЕ да го предложат да претседател на Северна Македонија

Владимир Ѓорчев денеска ќе ја поднесе кандидатурата до конвецнијата на ВМРО-ДПМНЕ.Ѓорчев во телефонски разговор за Скопје1 потврди и кусо ни најави дека ќе одржи пресс конференција во собранието на Р Македонија во 14:30 мин, на која ќе ќе обелодени деталите.Инаку Владимир Ѓорчев долги години е активен на политичката сцена, има огромно политичко искуство. Сепак и покрај континутетот на политичката сцена, позади себе, пратеникот нема ниту еден скандал. Важи за чесен човек, принципиелен, доследен и семеен човек.Неговата политичка кариера е исполнета со низа на успеси, бројките велат тој ги освојуваше најголемите победи во парламентарната историја на независна Македонија, последните 28 години.

Македонија | пред 7 години

„Да, сакав да ја убијам“, рекол македонскиот државјанин кој си ја уби сопругата

36-годишниот Џемаил М. од скопското село Ласкарци, кој до смрт ја избоде својата 32-годишна сопруга, Земира К., на паркинг во австрискиот град Тулин, наводно, бил поддржувач на Исламската држава, објавува австрискиот интернет-портал „ОЕ24".Веста за убиството е проследена со фотографија преземена од Фејсбук, на која се забележува осомничениот како позира со испружен показалец на десната рака, што како поздрав го користат и припадниците на Исламска држава.Семејството на Џемаил во Македонија исто така се сомнева дека бил близок со припадници на Исламската држава и не сакаат да комуницираат повеќе со него.„Џемаил го уништи целото семејство.Не сакаме да го видиме. Тој беше зависен од коцкање и имаше лоши пријатели“, истакнале негови блиски за тамоштните медиуми.Како што објвија медиумите, бракот на Џамил и Земира подолг период бил во криз. Тие имале два сина од 6 и 10 години. Земира наводно била малтретирана и злоставувана од љубоморниот Џемаил, по што таа го напуштила својот сопруг заедно со синовите.

Свет | пред 7 години

Тешка кавга на автобуската станица

На 22 јануари оваа година, околу 13 часот, во автобуската станица во Охрид, нарушен е јавниот ред и мир со вербална караница помеѓу Н.С.(45) од Охрид, од една и И.И.(34) и А.И.(30), двајцата од струшкото село Радолишта, од друга страна.Караницата започнала поради нерасчистени меѓусебни должничко доверителни односи а натамошниот тек бил спречен од работниците на обезбедување во автобуската станица.Против учесниците во нарушувањето на јавниот ред и мир, СВР Охрид ќе поднесе соодветна пријава.

Македонија | пред 7 години

Планот за чист воздух за 2019 година - помина на Влада

Владата на Република Македонија на редовната 116-та седница ја усвои Предлог-програмата за реализирање на Планот за чист воздух за 2019 година. Имајќи предвид дека борбата со аерозагадувањето е стратешки приоритет на Владата, програмата се заснова на 4 компоненти: мерки за директно справување со причините за загадување, градење на јавната свест од предучилишна до пензионерска возраст, регулаторни промени неопходни за транзиција кон енергетски систем со ниска емисија и имплементација на платформа за координација и следење на реализација на програмата. Програмата за намалување на аерозагадувањето ја утврдува и намената на обезбедените средства во висина од 2 милиони евра.Парите ќе се наменат за финансирање на замена на постојните нееколошки системи за греење во домаќинства, градинки, основни и средни училишта, здравствени објекти и административни објекти во најзагадените градови во земјата, како и за набавка на пречистувачи за воздух во внатрешни простории во градинки, основни и средни училишта, здравствени објекти и административни објекти.Во акцискиот план за намалување на аерозагадувањето за 2019-та година се вметнати и иницијативи на три граѓански организации коишто се однесуваат на изработка на посебна Веб страна, каде што на едноставен начин ќе бидат набројани сите мерки кои треба да ги спроведат државните институции и на инсталирање на филтри во малите и средни претпријатија, особено во оние од дрвната дејност.

Македонија | пред 7 години

Ќе се згрижат 30 бездомни семејства затекнати на локација под Кале

Министрите ја прифатија информацијата за интервентно згрижување на бездомни лица затекнати на локација под Кале во објекти на установи за социјална заштита. Притоа Владата го задолжи Министерството за труд и социјална политика преку ЈУ Меѓуопштински центар за социјална работа на Град Скопје, во периодот до март годинава, да обезбеди сместување на затекнатите лица под Кале во објекти што ги користи ЈУ За згрижување на деца со воспитно социјални проблеми и нарушено поведение во Скопје.Станува збор за 30 семејства, односно 99 лица. Од нив, само 9 семејства поседуваат некакво живеалиште, додека останатите се евидентирани како бездомни лица. Сместувањето на бездомните лица е во согласност и со препораките на Интерсекторската работна група за следење на состојбата на воздухот, бидејќи на овој начин овие лица нема да палат несоодветни материјали за греење и дополнително да го загадуваат воздухот.

Скопје | пред 7 години

Дополнителни 345 милиони евра за проектот Изградба на железничка пруга од Крива Паланка до граница со Република Бугарија

Владата ја прифати информацијата за потребата од обезбедување на финансиски средства за реализација на проектот Изградба на железничка пруга од Крива Паланка до граница со Република Бугарија. Според информацијата, ќе се обезбедат дополнителни финансиски средства во износ од 345 милиони евра преку Министерството за финансии и Јавното Претпријатие Македонски Железници Инфраструктура.

Македонија | пред 7 години

Владата даде поддршка - Јабаница ќе биде национален парк

На 116-та седница беше прифатена информацијата за поддршка на иницијативата за прогласување на Јабланица за национален парк. Иницијативата е од месните заедници на подрачјето на планината Јабланица, како и од невладиниот сектор, а истата е прифатена и од градоначалниците на општините Струга и Вевчани.Првиот чекор е изработка на Студија за валоризација или ревалоризација на природните вредности на Јабланица. По изработка на студијата, постапката за прогласување на Јабланица за заштитено подрачје ќе ја започне Министерството за животна средина и просторно планирање. Со тоа, ќе се зголеми процентот на заштитените подрачја на национално ниво, со што ќе се исполнат и барањата на националната легислатива за заштита на природата, како и меѓународните обврски согласно ратификуваните конвенции и ЕУ директивите за живеалишта и видови.

Македонија | пред 7 години

Струмичанка удрила во пешак, пешакот со тешки телесни повреди пренесен во Медицински центар

На 22.01.2019 година во 20.00 часот на улица „22 Декември“ во Струмица, Л.М.(25) од Струмица, управувајќи патничко возило „Фолксваген Поло“ со струмички регистарски ознаки, удрила во пешакот Б.В.(72) од Струмица. Од ударот, пешакот Б.В. се здобил со тешки телесни повреди, по што бил пренесен во Медицински центар Струмица. Увид на местото извршила екипа од СВР Струмица.

Македонија | пред 7 години

(ВИДЕО) Свадбената носија од Мариово на видео панел на „Тајмс Сквер“

На светско-познатиот Тајмс Сквер, во текот на денот, се прикажуваат две видеа со културна промоција на Македонија, соопшти Македонскиот совет на уметности со седиште во Њујорк.Мариовска свадбена носија со слоганот “Maкедонија: Прекрасна, пријатна, фасцинантна! Истражи ја македонската културна уметност”, цел ден се прикажувала на видео панел на познатиот “Tajмс сквер” во Њујорк.

Македонија | пред 7 години

Се огласи ВМРО ДПМНЕ: Немаме службени, приватните автомобили ги користиме за партиски цели

По веста дека потпретседателот на ВМРО ДПМНЕ Александар Николоски се вози со службен автомобил и шофер, се огласија од партијата. Од таму го известуваар Скопје1 дека партијата не купила возила на лизинг и немаат ангажирано возачи. Додаваат дека свое возило користат сите дури и претседателот Христијан Мицкоски.Што се однесува до возилото кое е фотографирано појаснуваат дека истото е во сопственост на Николоски и дека истото потпретседателот го плаќа на лизинг.„Потпретседателот на ВМРО ДПМНЕ Александар Николоски не користи службено партиско возило, туку го користи своето приватно возило. Истото го користи и за партиски цели односно и кога има партиски активности“, велат од ВМРО ДПМНЕ“.Инаку Скопје 1 вчера во повеќе наврати се обиде да добие точна информација од партијата, но нашите обиди се до објавувањето на веста беа залудни. 

Македонија | пред 7 години

Во 24 часа во Скопје, осум сообраќајни незгоди, 26 возачи исклучени од сообраќај, 80 мандатни платни налози

Во текот на изминатиот ден (22.01.2019 ) на подрачјето на Секторот за внатрешни работи Скопје се случиле вкупно осум сообраќајни незгоди од кои седум сообраќaјни незгоди со телесни повреди и една со материјална штета. Во сообраќајните незгоди 10 лица се здобиле со телесни повреди. Од преземените мерки и активности констатирано е дека 41 возач управувале возила со брзина поголема од дозволената.Од сообраќај се исклучени 26 возачи од кои: тројца возачи поради тоа што управувале возила под дејство на алкохол, 20 затоа што управувале возила без да се стекнат со право за управување на моторно возило и тројца возачи затоа што биле возачи-почетници. Исто така исклучени од сообраќај се и 14 возила бидејќи биле нерегистрирани.Санкционирани се шест возачи поради поминување на крстосница на црвено светло, четири возачи поради недавање првенство на минување на пешаци, еден возач поради неправилно престројување, тројца поради непоседување зимска опрема, тројца возачи поради неносење сигурносен појас при управување на моторно возило и тројца возачи поради користење на мобилен телефон при управување на возило. Во текот на изминатиот ден издадени се 80 мандатни платни налози и 75 возила се подигнати со специјално возило "пајак".

Скопје | пред 7 години

Нема фотографија

Притвор за охриѓанец поради неовластено производство и пуштање во промет на наркотични дроги

СВР Охрид поднесе кривична пријава против Г.Н.(35) од Охрид поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“, а судија на претходна постапка му одреди мерка притвор во траење од 30 дена. На 18.01.2019 година во периодот од 16.45 до 17.35 часот, врз основа на судска наредба, полициски службеници извршиле претрес во домот и помошните простории на лицето и била пронајдена и одземена марихуана. Г.Н. бил лишен од слобода.

Македонија | пред 7 години

ВМРО-ДПМНЕ: СДСМ и Заев не реализираа ниту една реформа изминативе две години

СДСМ и Заев не реализираа ниту една реформа изминативе две години. Две години државата тоне во корупција, економијата стагнира, капитални инвестиции нема, здравството пропаѓа, а образованието е на колена. Две години се реализира општ грабеж во сите сфери со апсурдно оправдување дека дури и најнискиот функционер на СДСМ бил фокусиран на преговорите со Грција, стои во соопштението на ВМРО-ДПМНЕ од каде додаваат:„Со влегување во кампања за избор на Претседател на Република Македонија, нема да функционира Собранието, а партиите ќе се фокусираат на промоцијата на кандидатите. Затоа, апсурдно е оправдувањето на Заев дека не треба да се оди и на предвремени парламентарни избори заради наводни реформи. Замерки од нашите меѓународни партнери може да има само доколку Заев се обиде да направи уште еден изборен фалсификат како кражбата на референдумските гласови.“Од партијата велат дека вистината е дека СДСМ и Зоран Заев се плашат од граѓаните и бегаат од избори затоа што знаат дека ќе изгубат и власта се плаши од граѓаните затоа што донесе противуставен закон за двојазичност и спротивно на волјата на граѓаните го промени името на државата.„Зоран Заев десетина дена избега на луксузно зимување во Германија за да не распише избори. Сега откако се врати на сите можни начини бега од избори. Република Македонија со СДСМ на власт веќе две години е на дното. СДСМ се што вети излажа. Ветуваа почист воздух и решавање на проблемот со загадувањето, а сега две години откако се на власт немаат преземено ниту една мерка, а граѓаните се гушат во најзагаден воздух, кој на денови на одредени места е загаден и до 30 пати повеќе од дозволеното.“-Економијата уште од самото доаѓање на оваа власт е клекната на колена, нема раст, нема нови вработувања, само стагнација. Образованието тоне, а квалитетот е се послаб. Оваа власт ветуваше инвестиции во образованието, подобар студентски стандард и поквалитетни услови за студирање. Ништо од тоа сега не е случај, се потенцира во соопштението во кое се заклучува:„Земјоделието е во хаос, годината што помине ќе остане запаметена како најлошата година за земјоделците од независноста до сега, немаше земјоделска култура за која имаше нормален откуп, а онаму каде што ги имаше цените не беа доволни ниту за задоволување на основните производствени потреби.СДСМ ја фрли државата во црнила. СДСМ мора да си замине. Република Македонија не смее да продолжи да тоне. Граѓаните заслужуваат подобра иднина.“

Македонија | пред 7 години

Македонец со лажен бугарски пасош сакал да влезе во Босна и Херцеговина

Македонски државјанин со фалсификувани бугарски документи се обидел да влезе на територијата на Босна и Херцеговина, но при проверка на документите гранична полиција во Бијелина го открила и го привела.Тој поседувал лажен бугарски пасош, фалсификувана лична карта и лажна возачка дозвола.Фалсификуваните документи кај лицето се откриени при проверка на автобус што патувал на линијата Белград-Бања Лука, јави БГНЕС.

Свет | пред 7 години

СДСМ: Просечната плата во ноември е поголема за 5,8 отсто

Просечната плата во ноември 2018 е поголема за 5,8 отсто и изнесува 24.584 денари, растот на платите дополнително ќе се интензивира, соопшти Социјалдемократскиот сојз на Македонија.Продолжува трендот на раст на платите, велат од СДСМ и оценуваат дека тоа е уште еден показател дека економијата е стабилизирана и поставена на здрави основи.„Според офцијалните податоци на Државниот завод за статистика, просечната плата во ноември 2018 година изнесува 24.584 денари што за 5.8 отсто повеќе во споредба со истиот месец во 2017 година. Во апсолутен износ, просечната плата во ноември 2018 е поголема за 1.352 денари во однос на ноември 2017 година. Ваквиот тренд на раст на платите ќе продолжи и натаму и дополнително ќе се интензивира. За оваа година, предвидено е уште едно зголемување на минималната плата што дополнително ќе ја отвори спиралата на раст на платите“, наведе СДСМ во соопштението.Владејачката партија додава во буџетот за 2019 предвидено е зголемување на платите во сите сектори, а преку зголемената државна поддршка кон претпријатијата, платите ќе растат и во приватниот сектор.СДСМ потсетува дека крајна цел на нивната партија е преку Владата и парламентарното мнозинство што ги предводи, просечната плата до крајот на мандатот да изнесува 500 евра.

Македонија | пред 7 години

Нема фотографија

Грција ќе расправа дали договорот со Македонија треба да се ратификува

Во 10 часот по локално време започнува расправата на пленарна седница во грчкиот Парламент за ратификација на Договорот од Преспа, а гласањето на пратениците ќе биде утревечер.Седницата ќе трае колку што ќе биде потребно, односно во зависност од бројот на пријавени пратеници за збор.Проценките и пресметките се дека Договорот ќе биде ратификуван со најмалку 151 глас, а судејќи според последните јавни изјави на пратениците, веројатно е да биде ратификуван со 153 гласа „за“, јави дописничката на МИА од Атина.На расправата и претходеше дводневна парламентарна комисија, а по обраќањето на 38 пратеници и двајцата известувачи и вкупно 12 часа дискусија, Комисијата за надворешни работи и одбрана на грчкиот Парламент усвои нацрт закон според кој се ратификува и стапува во сила Договорот од Преспа.

Свет | пред 7 години

Османи: Ако има парламентарни избори, ќе се пропуштат преговорите со ЕУ

Вицепремиерот за европски прашања Бујар Османи вели дека тој како адвокат на европската агенда на земјава е против предвремени парламентарни избори затоа што така ќе се пропушти почетокот на преговори со Европската Унија и ќе значи свесно компромитирање на европскиот процес.– Во ДУИ врие од желба да има избори утре, затоа што внатрешните анкети покажуваат дека сега е моментот. Но дали е интерес за државата сега да има избори, тука јас не се согласувам. Да одиме на избори во услови кога чекаме да почнеме преговори и да воспоставиме една динамика на ратификацијата на Протоколот за НАТО, мислам дека свесно ќе си го компромитираме процесот и немаме некое оправдување пред светот зошто тоа го правиме. Јас сум адвокат на европската агенда на државата и ги замолувам политичките партии да го пазат овој интерес, иако гледам дека во владејачките ДУИ и СДСМ има сили кои заради партискиот интерес дека ќе имаат добри резултати, внатре во партиите приистискаат да има избори утре. Јас до последен ден ќе лобирам и ќе повикувам да нема избори најмалку до првата меѓународна конференција со Европската Унија за започнување преговори, рече Османи вечерва во гостувањето во емисијата „Топ тема“ на ТВ Телма.Смета дека предвремени избори би значелe дополнително дефокусирање на државата и од агендата за реформи затоа што фокусот ќе биде на формирање влада, нов премиер, нови министри,  резултати… и, како што рече, ќе отиде рокот за започнување преговори.Доколку  ВМРО-ДПМНЕ ги бојкотира претседателските избори затоа што ќе нема и предвремени парламентарни, тоа, според Османи, ја менува сликата и самата институционална криза поради неуспешни претседателски избори може, како што рече, да биде потешка и подолга отколку вонредни парламентарни избори. Смета дека опозицијата нема да си дозволи да ги бојкотира претседателските избори.Во врска со Законот за употреба на јазиците, Османи рече дека е стапен во сила и институциите го применуваат согласно со условите кои ги имаат.– Има одредени преодни одредби во смисла на подготвување на институциите со техничка и човечка инфраструктура за да можат да го применат и треба да се хармонизираат закони согласно со овој базичен закон. Меѓутоа, има еден член во законот кој вели додека не се усогласат, важат премисите од овој закон, така што апсолутно е во сила од 14 јануари, додаде Османи.Очекува логистичка и финансиска поддршка од земји и организации кои ја имаат двојазичноста или мултијазичноста  како концепт и затоа ќе има донаторска конференција. На тој начин, додаде, тие ќе помогнат за внатрешно интегрирање на заедниците. – Бидејќи ние Законот за јазици го гледаме како механизам за зближување и разбирање на Албанците со државата, а  тогаш имате и лојалност и интегрираност, рече вицепремиерот Османи во гостувањето на „Топ тема“. 

Македонија | пред 7 години

Бездомните лица под Кале ќе бидат згрижени до март

Бездомните лица под Кале ќе бидат згрижени во установи за социјална заштита, одлучи Владата на денешната седница.Министерството за труд и социјална политика е задолжено преку Меѓуопштинскиот центар за социјална работа на Град Скопје до март годинава да обезбеди сместување за овие лица во објекти што ги користи јавната установа за згрижување деца со воспитно-социјални проблеми и нарушено поведение.– Станува збор за 30 семејства, односно 99 лица. Од нив, само девет семејства поседуваат некакво живеалиште, додека останатите се евидентирани како бездомни лица. Сместувањето на бездомните лица е во согласност и со препораките на Интерсекторската работна група за следење на состојбата на воздухот, бидејќи на овој начин овие лица нема да палат несоодветни материјали за греење и дополнително да го загадуваат воздухот, соопштија од Владата.

Скопје | пред 7 години

Димитров кандидат на СДСМ за претседател на Северна Македонија

Не ја исклучувам можноста да се кандидирам за претседател на државата, порача вечерва во 24 Отворено, министерот за надворешни работи Никола Димитров. Тој вели дека процесиот избор на кандидат се наоѓа во процес на консулатции, преговори, а се проверува и мислењето на граѓаните на анкети.„Тоа што се споменува моето име како можен кандидат за претседател е чест. Можеме да влечеме поуки од изминатите години и сето она што се случуваше како аболицијата, непотпишувањето на законите, има многу лекции за учење. Дебатата дали сакам да бидам претседател ја водам сам со себе. Јас сум човек кој што води значаен сектор, а не е член на партија, тоа е една важна работа. Од сево ова произлегува дека не ја исклучувам можноста да се кандидирам за претседател. “ - изјави Димитров.Избраниот претседател ќе биде првиот човек на Северна Македонија, со оглед на променетиот Устав и уставното име.

Македонија | пред 7 години

Во Атина утре нов протест против Договорот од Преспа

„Комитетот за борба за грчкиот карактер на Македонија“, организацијата која стои зад протестите против Договорот од Преспа, ги повикува Грците утре попладне, во пресрет на гласањето за ратификација на договорот да излезат  на плоштадот Синтагма, пред грчкиот Парламент, „да го изразат нивното противење за криминалот што ќе биде извршен во парламентот“ , јави дописничката на МИА од Атина.-Во среда на 23 и четврток на 24 јануари, никој од нас да не оди на работа. Продавниците, бизнисите, училиштата да останат затворени, државните службеници да не се појават во нивните служби, грчкото знаме на пола копје да се постави на секој дом, камбаните на црквите да бијат во знак на жалост. Секој Грк и секоја Гркинка, им го должиме тоа на оние кои ги оставија нивните семејства и се жртвуваа за Македонија да остане грчка, пред околу 100 години, соопштуваат организаторите.

Свет | пред 7 години

Пратениците признаа грешка, пазарџиите бараат прво во ЕУ, па нов закон

Протестот на пазарџиите резултираше со две барања за следната собраниска седница - владејачкото мнозинство бара Законот за трговија на зелени пазари да се одложи за една година, а опозицијата тој да престане да важи. И пазарџиите бараат негово укинување. Освен ова, ВМРО-ДПМНЕ и ДУИ бараат да се одржи јавна расправа на која ќе се чујат ставовите на сите засегнати страни - пазарџиите, Комората на трговци, организаторите на пазарите и ресорното Министерство за економија.Горан Милевски, претседател на комисијата за економски прашања во Собранието, вели дека доколку инсистираат опозицијата или ДУИ сега да се одржи јавна расправа, нема да прави проблем, но смета дека тоа не е продуктивно.„Јавна дебата треба да има откако ќе имаме нов предлог-закон, па да има за што да дебатираме. Не сме ние место за дебатирање во овој момент. Нека направи Министерството за економија ново решение, или нека понудат група пратеници, па да имаме јавна расправа за предлогот, да ги видиме реакциите. Така ќе има прифатливи решенија, да не нè стават повторно во ситуација да повлекуваме нешто што сме го донесле, за што очигледно не сме биле свесни што носиме и какви последици ќе има“, објаснува Милевски уште еднаш нагласувајќи дека ако има барање ќе свика расправа и сега.Двата предлози што да се направи со важечкиот Закон за трговија на зелени пазари ќе бидат ставени на дневен ред на следната собраниска седница. За една година или порано ќе се изготви ново решение. Но за пазарџиите не е прифатлив нов закон сè до влезот во ЕУ.Маја Стојановска, како претставник на закупците на тезги, вели дека се чувствуваат изманипулирани.Повеќе на Независен.мк

Скопје | пред 7 години

Заев ги критикува ДУИ дека се китат со перја за Законот за јазици

Некои од политичарите сакаат да си редат пердуви, овој закон не е на ДУИ, туку на Зоран Заев, на ДУИ, на Беса, на турска партија на сите, изјави премиерот, Зоран Заев, во вчерашното гостување на телевизија Алсат М, а во врска со Законот за употреба на јазиците.Во врска со тоа дали има несогласување меѓу СДСМ и ДУИ бидејќи вицепремиерот, Бујар Османи, изјави дека според него законот не треба да оди во Веницијанска комисија, Заев рече:-Мојот пријател и потпретседател на владата заборавил на заклучокот од Влада, зошто немаме предрасуди, ништо не треба да правиме шверцерски. Јас како прв претставник на Владата мислам дека законот е уставен. Уставот го дефинира албанскиот јазик како втор официјален јазик, за меѓународна употреба само македонскиот јазик, прв е македонскиот, употребата е јасно разграничена – изјави премиерот.

Македонија | пред 7 години