Утрово до -21 степен, погледнете ја временската прогноза за денес

Под влијание на влажен и студен бран, денеска ќе има нови пообилни врнежи од снег, особено во западните делови. Насекаде ќе се формира нова снежна покривка од 10 до 30 см, а на планините позначителна, над 50 см. Заради ниските температури ќе има појава на голомразица. Утринските температури на целата територија ќе бидат под нулата, а во некои делови ќе достигнат и до -21 степен.Во Скопје времето ќе биде облачно со врнежи од снег. Температурата во текот на целиот ден ќе биде под нула и ќе се движи во интервал од -7 до -1 степен.Потоа следува период на стабилно и суво време со ниски утрински температури, а ќе има услови за појава на магла по котлините. 

Македонија | пред 7 години

(ВИДЕО) Волшебни снежни ноќи и лавини во Австрија

Снежните лавини во Австрија кои однесоа најмалку дест животи денес беа светска вест. Некои од најпознатите монденски скијачки центри се евакуирани, како што е Обертаурен.Метеоролозите најавуваат дека во некои делови на Австрија деновиве ќе наврнат и нови три метри снег.Снежните врнежи кои траат со денови и се интензивни ги „побелеа“ дури и австриските автопати кои и покрај тоа што постојано се чистат, сепак останаа прекриени со тенок слој снег.Скопје1.мк објавува видео кое го испратија наши читатели, а на кои се гледаат сите волшебства на снежните ноќи низ австриските села и гратчиња кои се протегаат помеѓу бројните светски познати  скијачки центри.Бајковитите пејзажи и магијата на снежните австриски ноќи погледнете ги во видеото: 

Свет | пред 7 години

На трет ден Божик - цркавата го празнува Св. Стефан

На третиот ден од празникот Божик светата православна црква го празнува споменот на светиот архиѓакон и првомаченик Стефан. Тој е наречен првомаченик затоа што тој прв настрадал за Христовата вера.(Именден празнуваат: Стефан, Стефанка, Стефанија, Фанија, Фанка, Стојан, Стојанка, Стојмен, Стоичко...)Стефан бил каменуван зашто проповедал дека во Исус не веруваат само лошите луѓе .Еднаш мноштво Евреи, фарисеи и садукеи се расправале за Исус Христос. Едни тврделе дека е вистински син Божји, други дека е пророк, трети дека е измамник. Тогаш се замешал Стефан кој инспиративно зборувал за Исус Христос напомнувајќи дека во него не веруваат само лошите луѓе. Посрамотените противници што не можеле на Стефан да му се спротивстават со факти веднаш го наклеветиле пред насобраниот народ дека ги навредувал Мојсиевите закони. Разгневениот народ поверувал на лажните обвиненија и на лажните сведоштва. Го изнесле Стефана надвор од градот и го каменувале. Умирајќи тој се молел на Бога за себе си, но и за тие што го убиле. Во претсмртниот час извикал: „Господе, не земај им го ова за грев.“ Народот што го каменувал Стефана му ја соблекол белата облека и му ја дал на едно момче по име Савле да ја чува. Тоа момче, во тоа време жесток противник и прогонувач на христијаните, подоцна со името Павле, станало најголем приврзаник и афирматор на христијанството. Христијаните го зеле телото на Стефана и достојно го погребале во близината на Ерусалим. Култот на св. Стефан е стар колку и самата Христова црква, зашто тој е почитуван исто колку и апостолите. Уште светиот апостол Павле него го нарекува маченик Христов. Култот особено пораснал по наоѓањето на неговите мошти и нивното пренесување во Цариград. Преданието вели дека пренесувањето на моштите на св. Стефан во Цариград било за време на владеењето на Константин Велики и за време на патријархот Митрофан. Животните што ја влечеле колата во кои биле моштите на св. Стефан на едно место одеднаш застанале и со човечки глас рекле: „Зошто нè тепате? Светецот треба да биде поставен овде!“ Царот веднаш на тоа место подигнал црква посветена на првомаченикот.И во црковните песни и проповеди св. Стефан се нарекува: прв, врв на мачеништвото, почеток на мачеништвото, прв во маченичката фаланга итн.Народот го празнува Свети Стефан на третиот ден од празникот Божик. Тогаш се оди на именден кај Стефановци, но сите песни, верувања и обичаи што се изведуваат на овој ден се поврзани со Божик.Тропар.Свети првомаченик и архиѓакон Стефан

Македонија | пред 7 години

Официјално: Заев потклекна пред барањата на албанската опозиција, нови измени во Уставот

Премиерот Зоран Заев на денешната средба со лидерот на Алијансата за Албанците изјави дека го прифатил предлогот на Зијадин Села што се однесува на делот на преамбулата „граѓаните коишто живеат во границите“, посочувајќи дека конечната формулација ќе биде „граѓаните на Македонија, македонскиот народ и дел од албанскиот народ, дел од турскиот народ, дел од влашкиот народ…“, пишува Република.„Кога ја читате преамбулата во моментот стои „граѓаните на Македонија, македонскиот народ, како и граѓаните кои живеат во границите, а се дел од албанскиот народ, дел од турскиот народ и сл.“, така стои во сегашната преамбула. Она што досега е прифатено беше „коишто живеат во границите“. Зборчето „граѓаните“ пред „коишто живеат во границите“ пропуштивме да го тргнеме заради тоа што граѓаните се спомнуваат во почетокот на преамбулата и стои „граѓаните во Македонија, македонскиот народ и граѓаните како дел од албанскиот народ…“, сега е во моментот како што е формулирано, ова второто „граѓани“ се тргнува. Конечната варијанта ќе биде „граѓаните на Македонија, македонскиот народ и дел од албанскиот народ, дел од турскиот народ, дел од влашкиот народ…“ како што е соодветно наведено тоа поприлично ги воедначува граѓаните пред својата татковина – Република Македонија, објасни Заев.Изрази задоволство поради конструктивниот разговор со Села, истакнувајќи дека Алијансата за Албанците со својата определба за НАТО и за ЕУ секако и во делот на сензитивноста кон македонскиот дел од народот во РМ, продолжува во тој дух.„Вториот амандман што всушност е прифатен и од Алијансата за Албанците и од делот на Беса е дискусијата за амандманот 36 или членот 49 каде што буквално во самиот предлог стоеше „за дијаспората на македонскиот народ“ за да биде еднакво водењето на грижата на државата спрема сите граѓани коишто живеат во дијаспората благодарение на нивната дискусија останува да биде како што веќе е прифатено основната нивна дискусија и барање да биде „дијаспората на македонскиот народ и другите заедици коишто живеат во Македонија“, нагласи премиерот.Истакна дека третата работа што е прифатена од страна на Алијансата за Албанците е дополнувањето на Уставниот закон во однос на Косово, односно, каде што покрај четирите соседи се впишува и петтиот сосед којшто е признаен од Република Македонија – Косово.Заев рече дека на средбата било потврдено оти Алијансата за Албанците ќе даде поддршка уставните амандмани и уставниот процес во Собранието, изразувајќи уверување дека истото ќе се случи и со Беса.„Делот на државјанството е нотирано во самиот Уставен законик. Секако ние имаме разбирања за она што значи потребата од етничка определба на граѓаните. Во самиот Уставен законик којшто е предложен од кај нас стои дека „државјанството е македонско/граѓани на Северна Македонија што не имплицира етничка припадност, тоа е граѓанство, тоа е државјанство, тоа не е етничка припадност. Но, ако мислат дека постојат формулации и реченици со коишто што ќе им дадеме право, опција на граѓани да се определат дека се граѓани на Република Северна Македонија тоа се однесува пред се на помалкубројните етнички заедници тоа е вредно за разговори. Јас верувам со Беса и тука ќе се одвиваат самите разговори, потенцираше Заев.Села нагласи дека неговата партија останува на истата позиција за членство на Македонија во ЕУ и НАТО.Ние како Алијанса за Албанците нема да тргнеме раце од нашето барање за албанскиот јазик, за да биде дефиниран како албански јазик, а не како јазик што е различен од некој друг јазик. За овој дел се уште немаме постигнато договор и компромис, истакна Села.Изрази задоволство поради постигнатиот договор околу менувањето на преамбулата што се однесува на „граѓани коишто живеат во границите“.

Македонија | пред 7 години

Се реконструира Качанички пат во Визбегово

Започна реконструкцијата на стар Качанички пат во Визбегово.„Станува збор за дел од патот кој води покрај бензиската пумпа,во должина од 230 метри и широчина од 7 метри.На реконструираниот стар Качанички пат ќе бидат поставени тротоари и канделабри долж улицата,со што се подобрува како сообраќајот така и безбедноста на пешаците во овој дел од Визбегово“, се наведува во соопштението.

Скопје | пред 7 години

(ВИДЕО) На пожарникарите им замрзнала водата, па куќата изгорела до темел

Во Аржано се запали куќа и истата изгоре до темел, бидејќи пожарникарите не можеле да го изгасат пожарот.„Примена е дојава за пожар во 18:05. На терен искочија 12 пожарникари и 4 возила. Објектот целосно изгоре, но за среќа никој не е повреден. Пожарот е изгасен во 19:40 часот.Кога пристигнавме на местото температурата беше 8 степени под нулата, а тоа дополнително го отежна гасењето на пожарот. Водата во цревата замрзнуваше, како и опремата за дишење“, објавија пожарникарите на својот Фејсбук профил.Видеото можете да го погледнете тука  

Свет | пред 7 години

Пратеникот на СДСМ, Томислав Тунтев поднесе оставка

Координаторот на пратеничката група на СДСМ и коалицијата Томислав Тунтев си поднесе оставка, таа ќе биде констатирана на утрешната седница на Собранието, пишува 24.мк.Тунтев се сели во АЦВП, а на негово место во собрансиката фотелја треба да седне Рубин Земон. Новиот координатор на СДСМ се уште не се знае, иако неофицијално се споменува пратеникот Хари Локвенец, но и актуелниот заменик на Тунтев, Јован Митровски. Освен Митровски, втор заменик координатор на владејачката коалиција е пратеничката Соња Мираковска од НСДП.

Македонија | пред 7 години

Пожар во Охридско Елшани - горат три објекти

Попладнево во Охридското село Елшани избувна пожар. Неофицијално горат три објекти.Противпожарната екипа веќе е на терен. Дознаваме дека теренот е непристапен.Наскоро повеќе.фото: Горан Топал

Македонија | пред 7 години

Синот не е повеќе со нас заради вакцината, раскажува мајка на детенце кое починало на 5 годишна воздаст

Јас сум Ленче Данилова, мајка на дете кое “благодарение” на вакцината ММР лани почина. Имаше само 5 години, објави zdravjesoiglanevleguva.com.  Веста е објавена на 19. 05.2015  год, но деновиве поради актуелноста забрзано се шири по социјалните мрежи. Во продолжение натписот објавен во 2015 год.Почитувани родители, моето синче се викаше Томче, а до неговата прва година живот беше сосема здраво детенце и освен по некоја настинка, немаше никакво друго посериозно заболување. После примената вакцина ММР почна да му oпаѓа хемоглобинот кој постојано му беше околу 100. Го носев по доктори, ќе му препишеа сируп и така постојано до неговите 3 години СТАРОСТ?!? кога почна да се жали на болки во стомакот кои секојдневно стануваа се’ посилни. Ни препорачаа ехо, за по него итно да не испратат на Детската клиника, раскажува мајката на Томче, Ленче Данилова за zdravjesoiglanevleguva.com.На 23 мај 2012г. почнаа со испитувања и не известија дека Томи има тумур на надбубрежната жлезда т.е. НЕУРОБЛАСТОМА. Како да ме погоди гром, ми се сврте светот околу мене, неможев да поверувам. Си помислив: зар ова е реалност? Мислев дека тоа го има само во филмовите. Тогаш почна нашата голгота, почнавме со борбата. Надежта сето време беше со нас и ни даваше сила во таа борба. Го видовме пеколот на земјата, кој верувајте постои. Кој не видел, а не дај Господе никој да види и осети, не ни може да замисли каква страшна слика претставуваат тие невини душички и нивните родители. Тие преплашени детски погледи кои бараат помош, тие изнемоштени малецки тела и безпомошните родители кои безрезерно верувјќи им на докторите, оставаат тие да се грижат за нашите деца. Им верувавме дека ке го сторат најдоброто. Оние пак соби на смртта, во одделот за онкологија во детската клиника во Скопје, заедно со децињата во нив, никогаш нема да ги заборавам. А ниту едно од тие дечиња, верувајте – не преживеа. Бог нам нека ни проштева, не ним, и што впрочем на ангелите има да им се простува? Почивајте во мир ангелчиња.Безброј пати ги прашував господата во бели мантили како и од што се случило ова? И замислете само што ми одговорaa: веројатно на почетокот на бременоста сте пиеле антибиотици или апчиња за спиење. Каква глупост, каков апсурд! Тие не се ни свесни колкава грижа на совеста и онака чувствував и до крајот на својот живот ќе ја чувствувам, а уште повеќе откако ја дознав причината за болеста.Нашата борба со глупавиот канцер траеше до 22 март 2014г. Тогаш неговото изнемошено тело, телото на мојот мал Томи, не можеше повеќе да издржи, болеста победи. Преживеа две операции, хемотерапии од кои доби панкреатит, па 40 дена не смееше ни вода да се напие, а камо ли храна. Неговата состојба беше многу лоша и се обративме до директорката на детската клиника др. Софијанова за помош. Таа дојде, го виде детето и ни вети дека кога ќе закрепне малку, за да може да патува, она лично ќе се заложи Томи со хелихоптер да го однесе во Германија. Беше август, и детето закрепна. Ја побаравме дотичната госпоѓа докторка, но неа ја немаше – исчезна, замина на одмор. И немајте сомнеж, и мојот Томи за нив е САМО уште една Тамара, за која никој не знаеше до сега. Уште колку се – Господ знае. Токму затоа сакам јавно да и поставам едно прашање на хуманистката Софијанова: госпоѓо, имате ли вие душа? Имате ли совест? Како заспивате навечер?Во меѓувреме можеби се запрашавте што има заедничко тумурот со вакцините? Има, и тоа многу. Додека траеше сета оваа агонија на нашето семејство не престанавме да трагаме по лекот, не престанавме да бараме спас од очајот во кој се најдовме. Стигнавме и до Хрватска. Е таму драги мои, таму докторите малку поотворено говорат за каузалитетот вакцини – сите ‘модерни’ болештини на децата денес. Откако таму ја раскажав цела ситуација од почетокот до тогаш, сомнежот прв и веднаш беше изречен – последица од вакцина. Тогаш почнав да истражувам. А само кога го прочитав составот на вакцините, ми се слоши, паднав. Се прашував: на кого тоа ние животите на нашите деца ги полагаме? Како можев онака слепо да им верувам на тие во бели мантили? Зар легитимитето кој им е даден не го полагаа пред Хипокрит? Па и преку Хипокрита: имаат ли совест и свест за она што го чинат? Одговорот се уште не можам да го најдам. Или не сакам – не знам. Зар парите се над животот??? И што впрочем е над еден човечки живот, сем Господ?Родители, Ве молам пред да одлучите да ги вакцинирате вашите деца размислете убаво, едуцирајте се дали и Вие како мене ќе оставите се’ во рацете на докторите на кои веројатно им е важен само профитот, но не знам дали и животот. Размислете дали ќе дозволите тие отрови да ги ставаат во тие малечки тела. Децата се наше најголемо богатство, тие не можат да изберат што е добро за нив, но за тоа не имаат нас родителите, и ние сме должни да ги заштитиме. Тоа што го прави фармацевтската мафија е злодело против човештвото. За неа нашите деца се експериментални глувци и веројатно само сретства за заработка на пари. Ним не им одговара човештвото да е здраво, зашто инаку каде би ги продавале нивните отрови? ‘Модерната’ медицина не го познава зборот ИЗЛЕКУВА, туку само ЛЕКУВА. Зависта од лекувањето им е целта. Родители, заштите си ги вашите деца. Едуцирајте се, информирајте се. Сега барем тоа на сите ни е достапно. Човечкиот живот нема цена, јас тоа го знаев, а сега го спознав.Родителот беше дел од мирниот родителски собир на 10 Мај 2015 год – ЗА ПРАВОТО НА ИЗБОР !извор: zdravjesoiglanevleguva.com

Македонија | пред 7 години

(ФОТО) Божиќна честитка од Амди Бајрам

Твитерџиите овој период со „полни раце работа“. Тие не пропуштаа да се пошегуваат на сметка на политичари  и верувале или не, неретко ја кажуваат и вистината .Овој пат повторно на око го зедоја пратеникот Амди Бајрам, и „во негово име“ испратија Божиќна честитка до сите кои слават Божик.Еве ја твитер пораката на Амди Бајрам или некој кој честитал во негово име.

Скопје | пред 7 години

Неофицијално: Зaев ќе прифати дел од барањата на албанците

Премиерот Зоран Заев прифатил дел од барањата на Касами, по претходна консултација со пратеници и владата.Нашите извори, неофицијално велат дека станува збор за прифаќање националноста Албанец да влезе во преамбулата на Уставот. Пазарењето со албанската опозиција трае долго. Касами и Села се децидни во врска со овие барања.Иако Касами претходно кажа дека нема да уценуваат, сепак, условена беше нивната поддршка и со помош на ова ќе добијат позитивен одговор на барањата.Беса за амандвамите бара изедначување на македонците и албанците на сите нивоа во државата. Во првиот амндман бара измена во преамбулата на уставот односно македонската и албанската да бидат етничка заедница, да бидат одвоени и на исто ниво, од другите етнички заедници. Воедно бара и официјализирање на албанскиот јазик на цала територија.Вториот амандман е да се избрише 20 % и да се замени со албански јазик.Бесе поднесе и амандман со кој бара во делот на државјанство за албанците да пишува дека се граѓани на Р Севена Македонија, а за македонците да остане македонко државјанство државјани на Р Северна Македонија.Пред помалку од два месеци резултатите на анкетата која ја направи ТВ Телма покажаа дека СДСМ би добила најмногу гласови од албанците, а ВМРО ДПМНЕ од македонците долку утре има избори, со ова практично Заев и СДСМ можат да добијат и поголема подршка од албанскиот блок.Засега овие информации не се потврдени, а попладнево средба треба да одржат премиерот Зоран Заев и лидерот на Аијансата за албанците, Зијадин Села каде што треба да се утврди кои се новите барања од албанскиот блок и дали Заев ќе потклекне и пред нив.

Македонија | пред 7 години

Замрзна и каналот Студенчишта

Ниските температури кои достигнаа и до -17 степени во Охридско струшкиот регион го замрзнаа крајбрежјето на дел од Охридското езеро во Охрид и Струга. Утрово замрзна и дел од каналот Студенчишта кој е природно поврзан со езерото.Птичите барајќи храна, наместо од водата затануваат на дебелите слоеви мраз во водата. Ова аглетка е интересна за случајните минувачи кои застануваат и ја фотографираа оваа несекојдневна глетка.Инаку Охридското Езеро многу ретко замрзнува, но слично беше и пред две години кога исто така имаше многу ниски температури на воздухот кои доведоа до замрзнување на делови од езерото и во Струга и во Охрид.фото: Љупчо Лепи ФБ

Македонија | пред 7 години

МВР апелира: Не ширете дезинфомации и паника, киднперите на деца кои се вртат по ФБ се во Мексико, не во Македонија

Во претходните неколку денови, поединци, со цел да предизвикаат паника, на социјалната мрежа Фејсбук шират фотографија од две лица кои наводно киднапирале деца во Македонија. Министерството за внатрешни ја известува јавноста дека по извршени проверки е утврдено дека станува збор за случај во Мексико, кој нема никаква врска со Република Македонија. https://voznoticias.wordpress.com/…/supuestos-robachicos-…/…Овие две лица се приведени во Мексико во август 2018 година поради сомнение за киднапирање.https://voznoticias.wordpress.com/2018/08/28/supuestos-robachicos-son-detenidos-en-teotitlan-de-flores-magon/?fbclid=IwAR2W1TqqM3YzeRPlpJuqxYIzXrp0DGz1kkyv7xPA4zb2t4fThucgpsN7O8k

Македонија | пред 7 години

Утре и задутре нова снежна покривка со екстремно ниски температури

Работната недела за граѓаните започна со 15 степени под нулата - екстремно ниските утрински температури ќе се задржат и до крајот на неделава. Во Скопје се очекува да паднат и до 20 сантиметри снег, а на планините оваа бројка ќе биде три пати поголема.Студеното време ги наполни и амбулантите, но бројката од заболени од грип не е алармантна. На линијата на „Ало докторе“ изминативе денови се јавувале претежно лица со хронични заболувања, велат од Брза помош. Докторите препорачуваат кратки дневни прошетки но не во периодите кога е најстудено, да се внимава на храната која се конзумира и да се пие помалку алкохол.И агрометеоролозите со препорака до градинарите да внимаваат на расадите кои во овој период се во многу осетлива фаза, а се друго што е на отворено е далеку од прагот на издржливоста и нема опасност од штети.

Македонија | пред 7 години

Пратениците изгласаа: Нема веќе „лихварски“ камати

Предложените измени добија зелено светло од сите пратеници во Собранието но и беше предложено Законот да важи за сите кредити општо.Со предлог законот - нема повеќе, како што народот ги нарекуваше,, „лихварски“ камати.. Вкупните трошоци за потрошувачките кредити се ограничуваат на 55% од износот на кредитот, а кои досега стигнуваа и до фантастични 500% од сумата.Или со пример: Ако досега за заем од 12 илјади денари на два до три месеци граѓаните враќаа и до 36 илјади денари, сега за истата сума ќе треба да вратат максимум 18 илјади денари.Опфатени се и кредитите под 200 евра, кои досега не беа законски опфатени.Ова следи по големата експанзија на фирмите кои нудат брзи кредити. Иако се рекламираат како кредит без камата, всушност пресметаните трошоци претставувааат скриена камата.

Македонија | пред 7 години

Не се знае дали Села ќе ги поддржи промените на Уставот

Села на денешната прес-конференција во Собранието информираше дека двајцата разговарале и за нивните предлог амандмани кои ги имаат поднесено на уставните измени предложени од Владата кои, како што рече, смета дека ќе придонесат уште повеќе за стабилноста на државата и регионот, пишува МКД.мк„Мислиме дека е многу важно Македонија да стане членка на НАТО, а со тоа да не повлече со себе внатрешни проблеми кога ќе биде во НАТО. Во овој контекст се и нашите предлози за граѓаните во Република Македонија да се чувствуваат еднакви со еднакви права, а не како што се функционирало изминативе 30-тина години кога сме имале две категории на граѓани-граѓани и како граѓани. За жал предлагачот, во случајов Владата, настојува првата реченица во Преамбулата да почнува со граѓани и македонски народ и да продолжува ‘како и граѓани и делови од народ‘. Никој не треба да се плаши од еднаквоста и од праведноста, а сите ние треба да се плашиме од компромисите кои се правеа со Законот за амнестија и други компромиси кои ги гледаме преку СЈО“, рече Села.На прашањето дали неговара партија ќе ги поддржи уставните измени доколку не бидат прифатени нивните предлози, Села рече дека партискиот став ќе го соопштат за неколку дена. Потврди дека денеска ќе има средба со премиерот Зоран Заев на која ќе разговараат за нивните барања.

Македонија | пред 7 години

Нема фотографија

Во затворот Издризово се обидел да внесе марихуана и хероин

Секторот за внатрешни работи Скопје - Единица за недозволена трговија – Одделение за недозволена трговија со дрога, до надлежното Основно јавно обвинителство – Скопје поднесе кривична пријава против Л.Е.(27) од Скопје поради основано сомнение дека сторил кривично дело „неовластено производство и пуштање во промет наркотични дроги, психотропни супстанции и прекурсори“, предвидено и казниво по член 215 од КЗ.Во Казнено поправна установа Идризово при претрес на Л.Е., кој е осудено лице, пронајдени се и одземени марихуана и хероин.

Скопје | пред 7 години

Масовна тепачка во Демир Хисар, едно лице прободено со нож

Пред кафе бар на улица Битолска во Демир Хисар, синоќа се случила физичка пресметка помеѓу Д.Ј 40 годишен од село Вардино, Демирхисарско, М.Г 25 годишен од Битола, З.М 39 годишен од Битола од една страна и од другата страна Н.П 24 годишен од село Слепче, Демирхисарско и И.Т 24 годишен од Демир Хисар.– Д.Ј(40) од с.Вардино-Демир Хисар, М.Г (25) од Битола,З.М (39) од Битола од една страна, а од друга страна Н.П(24) од с.Слепче-Демир Хисар и И.Т(24) од Демир Хисар, а се вклучиле и други лица, информираат од МВР.Во тепачката со нож бил прободен М.Г.Полицијата привела четворица учесници. Се работи на целосно расчистување на случајот.

Македонија | пред 7 години

(ВИДЕО) Од дрво во Годивље се шири пареа

Интересно видео се шири на социјалните мрежи, од дрво се шири пареа.Според коментарите дрвото е на 500 метри над селото Годивље во општина Кривогаштани.За што станува збор ќе дознаеме откако овој прироен феномен ќе се истражи.https://www.facebook.com/100001569130063/videos/2134712196591064/

Македонија | пред 7 години

Светскиот македонски конгрес, повика на семакедонски протест против промена на името на 9 ти јануари во 12

Светскиот македонски конгрес во повикот пишува:Почитувани браќа и сестри Македонци, Собранието на Македонија на 9 јануари 2019 година со почеток во 12.00 часот ќе ја одржи 75-та седница, со дневен ред “Амандмани 33, 34, 35 и 36 на Уставот на Република Македонија” и “Уставен закон за спроведување на уставните амандмани”, заради имплементација на Спогодбата Димитров-Коѕиас. Со овие амандмани, владата и пратениците треба да го променат името на државата Македонија во држава “Северна Македонија” и да се откажат од Македонците во светот, со што вршат најтешко кривично дело велепредавство, геноцид врз Македонскиот народ и злосторство против човештвото што не застарува! Кога и да е, премиерот, министрите и пратениците кои ќе гласаат за овие амандмани ќе одговараат со доживотен затвор и конфискација на личниот имот и имотот на семејството, дома и во светот. Не постои дупка на земјината топка каде што ќе се скријат пред судот на историјата, народот и правдата!Светскиот Македонски Конгрес повикува на масовен мирен Семакедонски протест пред Собранието на 9 јануари 2019 година со почеток во 12 часот, без говори и бина, со транспаренти и знамиња!Ги повикуваме Претседателот на Републиката и пратениците да се приклучат на мирниот Семакедонски протест пред Собранието на Македонија!Ги повикуваме полицајците, војниците, пожарникарите, резервистите, да се приклучат на мирниот Семакедонски протест пред Собранието на Македонија!Подобро криминалец во затвор, отколку цел живот велепредавник на нацијата и државата!Собранието не смее да ги усвои амандманите за велепредавство на нацијата и државата, со кои Македонија станува територија без народ и историја, под диктат на Атина.Секој полицаец и војник има право и должност секаде и во секое време да ги уапси премиерот, министрите и пратениците кои ќе гласаат за промена на името на државата и идентитетот на нацијата!Кога неправдата станува закон, отпорот е наша должност!Не прашувај што стори татковината за тебе, туку што правиш ти за Македонија!На 9 јануари го повикуваме Претседателот на Републиката да ги спаси државата и нацијата од велепредавството на Владата и Собранието!Пратениците имаат историска одговорност да ги спасат честа и достоинството на Македонскиот народ и државата Македонија пред кои положиле заклетва дека ќе ги бранат и одбранат суверенитетот и интегритетот!Потребно ни е помирување на Македонскиот народ со соседните народи и договори за траен мир и добрососедство на државата Македонија со соседните држави, но врз основниот принцип на меѓународното право на еднаква сувереност што подразбира: заемно почитување и разбирање, соработка со сите по сите прашања од заеднички интерес, немешање во внатрешните работи на суверените држави и реципроцитет во меѓусебните односи! Договорот Заев-Борисов, Спогодбата Димитров-Коѕиас и Тиранската платформа се асиметрични и антимакедонски, спротивни на домашното и меѓународното право, и поради тоа се ништовни!Бараме: оставка на Владата, распуштање на Собранието, нови парламентарни избори, повлекување на уставните амандмани за промена на името, поништување на Спогодбата Димитров-Коѕиас, и безусловно продолжување на членството во Обединетите Нации под државното име Македонија со предлог-резолуција од Претседателот на Републиката до Генералното Собрание!На 9 јануари 2019 година во 12 часот, сите од сите страни, пред Собранието на Македонија!Сите Македонци, по род и државјанство, еден за друг!

Македонија | пред 7 години

Хакерскиот напад во Германија го направил 20 годишно момче кое било луто на политичарите

Од Германската канцеларија за Федерана полиција (БКА) денеска соопштуваат дека 20 годишно момче - Германец, е притворен поради кражба на податоци од државниот врв. Момчето на истражните органи им рекло дека делувал самостојно и дека е бесен поради изјавите на политичарите, новинарите и другите јавни личности, и токму поради тоа нивните податоци јавно ги обелоденал.Во врска со неговиот мотив, тој изјавил дека делувал така затоа што му сметале изјавите на политичарите и јавните личности кои бил опфатени во нападот, стои во соопштението.https://twitter.com/WSJ/status/1082592780524969984?ref_src=twsrc%5Etfw%7Ctwcamp%5Etweetembed%7Ctwterm%5E1082592780524969984&ref_url=https%3A%2F%2Fwww.kurir.rs%2Fplaneta%2F3185759%2Fnemacki-drzavni-vrh-hakovao-klinac-20-bio-je-ljut-na-politicare-pa-im-se-pakleno-osvetioСе наведува дека БКА го пребарала станот на осомничениот , а што таму е пронајдено полицијата ќе соопшти на пресс конференција закажана за денеска попладне.За потсетување, со овој хакерски напад обелодените беа приватни пораки на скоро 1000 луѓе, меѓу нив и за државниот врв на Германија, германската канцеларка и германскиот претседател.

Свет | пред 7 години

Бектеши: Планираме изградба на дополнителна 20 мегаватна фотоволтаична мрежа во рамки на РЕК Осломеј

Министерот за економија Крешник Бектеши заедно со заменик генералниот директор на ЕЛЕМ Фатмир Лимани го посетија ТЕЦ Осломеј, како и локацијата предвидена за изградба на фотонапонската централа Осломеј, за чија што изградба на 4 јануари беше потпишан  договор помеѓу ЕБРД и ЕЛЕМ. Локацијата за 10 мегаватната фотоволтаична мрежа се простира на 15 хектари земјиште од поранешните наоѓалишта на јаглен, кое за една година треба да биде рекултивирано со новата централа.Согласно договорот,  инвестицијата  изнесува седум милиони евра, а вкупното годишно производство од оваа нова фотоволтаична електрана е околу 15 гигават часови, доволни за покривање на годишните потреби на околу 2000 домаќинства.Министерот за економија Крешник Бектеши оствари средби со раководните структури, го посети погонот за производство, како и местото каде што е предвидено да почне да се гради новата фотоволтаична централа.„Задоволство ми е што поранешните наоѓалишта на јаглен во РЕК Осломеј за околу една година треба да бидат покриени со 10 мегаватна фотоволтаична мрежа. Но, ние не застануваме таму, туку како Влада настојуваме да имаме што повеќе домашно производство на енергија “, изјави Бектеши по обиколката.Бектеши потенцираше дека и во минатата година е зголемено домашното производството на електрична енергија.„Како Влада имаме долгорочен план за зголемување на производството на енергија. Веќе почнавме со студија за градба на дополнителна 20 мегаватна фотоволтаична мрежа, исто така, во рамки на РЕК Осломеј. Користењето на ваков вид на производство на енергија е светски тренд, со кој ќе продолжиме во нашите проекти“, рече Бектеши и додаде дека  во наредниот период ќе има нови вработувања во комбинатот, особено на стручни лица од соодветната сфера од Кичево и регионот, апелирајќи до младите да продолжат со стручна едукација за да бидат подготвени да одговорат на барањата на постојн ите и новите инвеститори.Покрај за рамномерниот регионален развој, овој проект е значен од аспект на енергетските вредности,  од социјален, но и од еколошки аспекет, бидејќи е во согласност со најсовремените начела за заштита на животната средина.

Македонија | пред 7 години

ЈП „Паркинзи“ на Општина Центар од денес со нова машина за чистење

Јавното претпријатие за јавни паркиралишта „Паркинзи“ на Општина Центар-Скопје денеска ја презентираше новата современа машина за чистење паркиралишта на познатиот германски бренд „Green Machines“ која секојдневно ќе ги отстранува отпадоците, ефикасно ќе ги чисти паркиралиштата со кои стопанисува претпријатието и ќе придонесе за почиста и поздрава околина."За првпат на овој начин ќе ги чистиме нашите паркиралишта. Иако досега со помош на општината успешно ја одржувавме чистотата, со набавката на оваа машина ЈП ПОЦ поефикасно ќе ја извршува работата во делот на одржување на хигиената и чистотата на паркиралишта, како и целокупната чистота на Центар. Оваа машина тоа го овозможува и мислам дека граѓаните ќе бидат задоволни и ќе ја забележат разликата којашто ќе биде очигледна“, изјави директорот на ЈП Паркинзи на Општина Центар, Васко Кичевски на божиќниот бранч со медиумите.Машината за чистење паркиралишта е совршено прилагодена за чистење на најстрогите отворени површини и може да издржи максимален притисок во секојдневното работење. Набавката е преку економскиот оператор Сандра М Љупчо ДООЕЛ експорт – импорт Кавадарци, како најдобар понудувач на тендерот, и ангажирањето на оваа механизација чини 2,352,920 денари.„Општина Центар како дел од локалната самоуправа и основач на јавното претпријатие “Паркинзи на Општина Центар“, секојдневно работи на редовно одржување на хигиената на улиците и тротоарите, но и на паркиралиштата кои се наоѓаат на нејзина територија. Во периодот што следи, општината ќе набави уште неколку вакви машини за одржување на хигиената, но и ќе постави нови канти за отпадоци и контејнери, со што ќе придонесеме за почиста и поздрава животна средина за децата и за граѓаните на Центар“, изјави градоначалникот на Општина Центар, Саша Богдановиќ.

Скопје | пред 7 години

МТСП: Започна обуката на воспитувачите/чките за работа со деца во градинките  

Денеска започна првата обука на избраните 30 воспитувачи/чки за јакнење на компетенциите на кадарот во градинките. Министерството за труд и социјална политика обуките ги спроведува како дел од заедничката соработка со УНИЦЕФ, со што и во 2019 година продолжува да работи на унапредување на квалитетот на сервисите и зајакнување на професионалните компетенции на вработените во установите за деца. Во рамките на овие активности оваа година ќе се организираат низа работилници за унапредување на социо-емоционалните компетенции на воспитувачите/чките за поттикнување на социо-емоционалниот развој кај малите деца. Сè поголем број научни истражувања истакнуваат дека емоционалниот развој на почетокот на животот е од клучно значење за развојот на целокупната мозочна архитектура и има огромно влијание во текот на целиот живот.Обуката ја спроведува проф. д-р Ребека Гренџер-Елис, постдокторска истражувачка и соработничка на универзитетите “Џон Хопкинс” и “Њу Ореланс” во САД. Гренџер-Елис е експертка за социо-емоционален развој и има над 12 години искуство во развој на програми базирани на истражување, специјализирани за деца во предучилишно и основно образование, вклучувајќи и надарени и деца со потешкотии.Учесниците коишто ќе ја поминат обуката имаат обврска стекнатите вештини и знаења да ги пренесат на своите колеги и да дадат континуирана поддршка на вработените во установите за деца во рамките на Програмата за колегијална поддршка што ќе се спроведува во 2019 и 2020 година.

Македонија | пред 7 години

Османи: Влегуваме во клучната година за европските интеграции на земјава

Денес во Владата на Република Македонија, се одржа 40 состанок на Работниот комитет за европски интеграции (РКЕИ), кој го водеше Заменик претседателот на Владата задолжен за европски прашања, Бујар Османи и на кој беа отворени темите поврзани со европските интеграции: објаснувачкиот скрининг, статусот на имплементација на Планот 18, статусот на апсорпцијата на ИПА и распределбата на странска помош итн. На состанокот беше направен пресек на клучните индикатори по кои се следи напредокот во процесот на европската интеграција на нашата земја.На почетокот на состанокот Османи направи осврт на резултатите од 2018 година оценувајќи ја како  историска од аспект на европските интеграции, при што потенцираше дека и оваа година, европските интеграции остануваат во фокусот на Владата, за што во наредните месеци потребни се конкретни резултати во спроведувањето на реформите особено во приоритетните области: правосудство, реформа на безбедносни служби, реформа на јавна администрација и борбата против корупцијата и организираниот криминал.„Еден од најважните индикатори за нашата европската интеграција е секако - имплементацијата на План 18. Во таа насока денес ќе ги разгледаме досегашните реализирани активности, ќе ги разгледаме евентуалните предизвици во неговата имплементација и најважно, ќе оформиме реална проценка за негова финализација во периодот до излегувањето на новиот извештај на Европската Комисија, како еден од најважните критериуми за верификацијата на нашиот напредок во европските интеграции“ - истакна Османи, при што од своја страна изрази задоволство од досегашниот успех на овој план, во сите области.Во продолжение на состанокот беше разгледан и статусот на реализација на обврските од состаноците на телата во рамките на Спогодбата за стабилизација и асоцијација со ЕУ, како основна функција на ова тело, како и статусите на реализацијата на обврските од оценските мисии.Во рамки на денешниот состанок на РКЕИ членовите на истиот беа запознаени  со досегашниот тек на т.н. набљудувачки скрининг, како и распоредот на Поглавја за оваа година, со оглед на тоа што ова е процес кој овозможува администрација, која е дел од преговарачката структура односно преговарачкиот тим, и сите останати чинители во истиот да се подготвуваат за евентуалниот старт на преговорите.Работниот комитет за европски интеграции (РКЕИ) претставува највисоко административно тело на Владата во кое членуваат државните секретари на министерствата, претседавачите на Поткомитетите, раководителите на работните групи, Генералниот секретар на Владата, како и дел од администрацијата на Секретаријатот за европски прашања. 

Македонија | пред 7 години