Свиреп план, ладнокрвно извршување: Последниот збор на Обвинителството за убиствата на Вања и Панче

Обвинителството денеска ги даде завршните зборови за грозоморните убиства на Вања Ѓорчевска и Панче Жежовски, за кои обвинети се Љупчо Палевски – Палчо, Влатко Кешишев, Боре Видевски, Велибор Манев и таткото на Вања, Александар Ѓорчевски.Обвинителката Жаклина Крстевска – Јосифовска истакна дека се работи за убиство на дете и на пензионер на свиреп и монструозен начин, со што обвинетите заслужуваат не само правна, туку и длабока морална осуда. Таа рече дека делото е напад врз човечноста и врз општеството, уништувајќи ја вербата во добрината и правдата.Според обвинението, обвинетите сковале план за грабнување на лице што живее само. Го избрале Панче Жежовски од Велес бидејќи неговиот „цитроен“ имал голем гепек, а тие планирале да му го одземат. На 22 ноември 2023 година, околу 11 часот, го грабнале и убиле. Два дена подоцна, на 24 ноември, се обиделе, но не успеале да ја грабнат Вања Ѓорчевска. Обидот го повториле на 27 ноември, по добиена информација од нејзиниот татко дека тој ден ќе оди сама на училиште. Таа била киднапирана и убиена во период од 8.30 до 9.30 часот.Таткото на Вања, Александар Ѓорчевски, остана во обвинението како соучесник. Тој според обвинителката им ги дал на обвинетите информациите за движењето на Вања и, според обвинителката, неговото однесување било сомнително. По исчезнувањето на Вања, не прашал ништо за другата ќерка, Миња, туку веднаш тргнал сам да ја бара Вања по патеката што ја користеле киднаперите. Вечерта пред убиството ѝ пратил порака да се облече слоевито „како за планинарење“, иако училиштето ѝ било само на 7 минути од дома. Во разговори со сведоци од МВР постојано повторувал: „Киднапирана е и убиена, џабе ја бараме“.Јосифовска истакна дека по убиството на Панче, ниту еден од обвинетите не покажал каење или реакција, туку веднаш продолжиле кон реализација на планот за грабнување и убиство на девојчето, кое не им сторило ништо.Палевски, според обвинителството, побегнал во Белград од страв да не биде фатен, иако немал закажано никаков медицински преглед. Јосифовска нагласи дека врз обвинетите не е вршено никакво насилство и дека вина има и Александар Ѓорчевски.Обвинителството смета дека сите дејствија се докажани и бара соодветна казна за сите обвинети.

Македонија | пред 11 месец

Луксузното „Ауди“ не беше доволно – Мерко ослободен од вина

Градоначалникот на Струга, Рамиз Мерко, доби ослободителна пресуда во постапката за набавката на луксузниот автомобил „Ауди“ во вредност од 67.000 евра, откако Судот оцени дека нема доволно докази за сторено кривично дело.Судската одлука утврди дека во текот на јавната набавка не постојат докази кои укажуваат дека Мерко имал намера да ја злоупотреби својата функција. Неговиот бранител, Игор Петковски, истакна дека со пресудата се потврдува оти при купувањето на службените возила, чија вкупна вредност изнесува 114.000 евра, не било прекршено ниту едно законско правило.Обвинителството за гонење на организиран криминал и корупција го обвини Мерко за злоупотреба на службена положба. Случајот привлече внимание и поради тоа што Мерко се најде на американската црна листа поради сериозни сомнежи за коруптивни дејствија и влијание врз правосудниот систем.Сепак, Судот оцени дека нема доволно правна основа за негово гонење во конкретниот случај, поради што Мерко беше ослободен од обвинението.Истрагата против градоначалникот на Струга, Рамиз Мерко, започна по иницијатива на Државната комисија за спречување на корупцијата и беше процесуирана од страна на Обвинителството за гонење на организиран криминал и корупција. Предмет на постапката беше јавната набавка на луксузен службен автомобил „Ауди А6“, во вредност од 66.700 евра, кој го користел самиот градоначалник, како и уште три други возила, со вкупна вредност од 114.000 евра.Обвинението беше поднесено по член 353 став 4 од Кривичниот законик, односно за злоупотреба на службената положба и овластување, дело за кое е предвидена затворска казна од една до пет години.Антикорупциската комисија укажа дека купувањето на скапи возила било спроведено во време кога Општина Струга се соочувала со тешка финансиска состојба и долг од околу четири милиони евра, што според нив, претставувало неодговорно и штетно управување со јавните средства.Во своја одбрана, Мерко тврдеше дека автомобилот не е луксузен и дека набавката била неопходна поради дотраената состојба на постојниот возен парк. Тој дури изјави дека и обични граѓани возат автомобили вредни 100.000 евра, со што се обиде да ја релативизира вредноста на службеното возило.Обвинителството поднесе обвинение по повеќе од една година откако Ислам Абази ја презеде функцијата како шеф на Обвинителството за гонење на организиран криминал, а јавноста покажа засилен интерес за случајот, особено откако Мерко беше ставен на „црната листа“ на САД поради сериозни сомнежи за корупција и влијание врз правосудниот систем.

Македонија | пред 11 месец

Алкохол, брзо возење: Над 1000 сообраќајни казни за викендот – 174 лица без возачка дозвола

„Во деновите од изминатиот викенд (07./08.06.2025) како резултат на редовните сообраќајни контроли што ги реализириаат полициските службеници од сите сектори за внатрешни работи на патиштата низ земјава, од вкупно 1077 издадени платни налози дури 174 прекршоци се однесуваат на возачи кои што учествувале во сообраќајот без возачка дозвола, 65 возачи возеле под дејство на алкохол и исклучени се од сообраќај, додека пак 172 возачи на мотоцикли се санкционирани за неносење на заштитна кацига“, велат од МВР и додаваат:Инаку, согласно одредбите од Законот за безбедност на сообраќајот на патиштата 156 прекршоци во текот на викендот се однесуваат на непочитување на пропишаната брзина на движење, 149 за недозволено паркирање, додека пак санкционирани се 58 лица кои некористеле сигурносен појас, изречени се 24 мерки за користење мобилен телефон при возење, осум санкции за минување на црвено светло, а изречени се и три прекршоци за возачи на електрични тротинети.Исто така а согласно Законот за возила, 49 возила биле отстранети заради тоа што биле нерегистрирани, а седум возила заради техничка неисправност.Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Македонија | пред 11 месец

Акција за собирање кабаст отпад во три охридски населби

Јавното претпријатие „Охридски Комуналец“ на 5 јуни (четврток) ќе спроведе акција за собирање кабаст отпад во урбаните заедници 10 и 6, односно во Горна Влашка маала, Карабегомала и населбата „Христо Узунов“.Граѓаните кои живеат во овие делови од градот се замолуваат својот отпад – стар мебел, душеци, шпорети, телевизори, теписи и слични предмети – да го изнесат уредно покрај контејнерите или на предвидените места за собирање комунален отпад, најдоцна до 07:00 часот на денот на акцијата.За поефикасна организација, се препорачува претходно пријавување на локацијата каде што ќе биде оставен отпадот, преку дежурниот телефонски број 075/495-428, кој е достапен секој ден од 07:00 до 21:00 часот.Со оваа акција, „Охридски Комуналец“ продолжува со напорите за одржување на чиста и уредна животна средина во урбаните и приградските населби.

ОО | пред 11 месец

„Паркови и зеленило“ со интензивни теренски активности низ Охрид

Екипите на секторот „Паркови и зеленило“ при ЈП „Охридски Комуналец“ продолжуваат со редовното одржување и уредување на јавните зелени површини низ Охрид.Посебно внимание е посветено на охридскиот Чинар – заштитен споменик на природата и едно од најпрепознатливите обележја на градот. Чинарот беше третиран со мерки за прихрана и заштита, со цел негово долгорочно сочувување.На повеќе локации се косеше трева, вклучително и на плажата Горица 3, патниот правец Охрид–Свети Стефан, улиците АСНОМ, Мирка Гинова, Железничка, пешачката патека до Горица, како и покрај каналот Студенчишта и во градскиот парк.Се расчистуваше и дива вегетација покрај патот до селото Горно Лакочереј, а улицата „7-ми Ноември“ беше хортикултурно уредена со нов цветен расад. Украсните растенија на булевар „Туристичка“ беа потшишани, а уредувањето на зелените површини продолжува со тековен интензитет.

ОО | пред 11 месец

„Охридски Комуналец“ започна со летните активности за одржување на јавната хигиена

Јавното претпријатие „Охридски Комуналец“ ги започна сезонските активности за одржување на хигиената на јавните површини, со посебен акцент на охридските плажи.На јавната плажа „Горица 3“ поставени се 10 канти со капацитет од 240 литри за ситен отпад, а дежурните екипи секојдневно се грижат за чистотата на просторот. Од месец јули, канти за отпад ќе бидат поставени и на плажите кои не се под концесија, на потегот од Лагадин до Пештани.Покрај тоа, се врши темелно чистење на плочникот околу клупите и корпите за отпадоци долж патеката од каналот Студенчишта до Горица, каде се отстрануваат тврдокорни остатоци.Од претпријатието информираат дека сите активности се во согласност со Програмата за работа за 2025 година.

Охрид | пред 11 месец

Контроверзија со снимката од Велес на Видевски: адвокатот ја нема, обвинителката вели не покажува ништо

Бојан Манев, адвокат на Боре Видески, обвинет за грабнувањата и убиствата на Вања Ѓорчевска и Панче Жежовски, рече дека не ја обезбедиле снимката од бензиската станица, каде наводно се гледа Панче Жежовски на денот кога според обвинението тој бил убиен.„Не го обезбедивме доказот бидејќи немаме технички услови“, рече Манев.Судијата Ивица Стефановски: „Судот ви го прифати тој доказ, знаете?“Манев: „Да, но не го обезбедивме, Обвинителството го има“,Обвинителката Жаклина Крстевска Јосифовска рече дека ја имаат снимката, но на неа не се гледа ЖежовскиНе постои видео запоис од Макпетрол безниската пумпа во Велес, на која се забележени обвинетите лица. Од таа причина, прибавен е и тој доказ, но не е предложен како доказ бидејќи не се забележани предметите лица затоа не е доставен како доказ, рече обвинителот.Доказна постапка заврши, рече судијата откако ги праша сите странки дали имаат дополнителни докази.

Македонија | пред 11 месец

(Видео) Незаконска употреба на пиротехника на журката на УМС на ВМРО-ДПМНЕ, вели СДСМ

„Срамната и скандалозна е прославата на УМС на ВМРО-ДПМНЕ – журка која се одржа додека Македонија сè уште е во црно, додека 62 семејства жалат за загубените деца, а над 200 млади се борат со последиците од трагедијата во Кочани“, велат од СДСМ и додаваат:Срамно е што на оваа прослава се аплаудираше на говор полн со омраза од премиерот Мицкоски, насочен кон семејствата на повредените и загинатите во Кочани.?t=3575Дополнително, беа употребени и пиротехнички средства, кои не само што се законски забранети и опасни – токму се и причина за пожарот и големата трагедијата во Кочани што ја зави државата во црно.Кој наредил и кој одобрил употребата на пиротехника на прославата на УМС?Кој ја набавил и ја дистриубуирал?Зошто МВР молчи?Или за УМС на ВМРО-ДПМНЕ не важат законите?Согласно новиот закон, членот 31 предвидува казни и одговорност за употреба на пиротехнички средства на овој начин.СДСМ бара итна реакција од Министерството за внатрешни работи, казни и одговорност согласно законите.

Македонија | пред 11 месец

Уапсен бизнисменот Крмзов, кого го поврзуваа со Заеви

Рано утринава, полицијата го уапси бизнисменот Ристо Крмзов. Апсењето било по најлог на јавен обвинител, а откако за него беше отворена истрага при која пред неколку месеци беа направени претреси и беше одземена документација. Последните информации од премиерот Христијан Мицкоски, кажани на новинарски брифинг, беа дека Крмзов направил злоупотреби тешки 15 милиони евра, а шемата допира до политичари.Еуростандард банка, ископ на јаглен во РЕК Битола, случајот „Синџир“, шверц на брендирана гардероба, поврат на ДДВ... Ова се дел од случаите со кои изминативе години, медиуми и тогашната опозиција – ВМРО-ДПМНЕ – директно или индиректно го поврзуваа струмичкиот бизнисмен Ристо Крмзов.Од партијата ВМРО-ДПМНЕ обвинуваа дека Крмзов е близок до семејството на поранешниот премиер Зоран Заев, а неговиот хотел „Вила Парк“ во Струмица го нарекуваа „омиленото место на фамилијата Заеви за собирање рекет“.Во емисијата „Код“, Крмзов изјави дека неговите проблеми започнале на самиот крај на минатата 2023 година, кога Управата за јавни приходи започнала да спроведува контроли во негови компании. Меѓутоа, контролите постојано се одложувале и инспекторите не доаѓале во контрола, со цел, според него, државата да има изговор да не ги префрлува парите. Инаку, тогаш директорка на УЈП беше Сања Лукаревска, актуелна пратеничка на СДСМ.„Работам 31 година, овој бизнис го работам од 1993 година. Ова го прават од повеќе причини. Едноставно им сметам и во транспорт и во градежништво и во се. Цела таа акција започна за време на СДСМ, се е на локално ниво. Одредени локални моќници кои мислат дека државата е нивна и можат да прават што сакаат, оркестрираат лажни и инфилтрирани податоци до министри, премиери, служби, за јас да бидам криминалец. Океј, има институции, ќе се провери дали е така или не“, рече тој.

Македонија | пред 11 месец

Пред три месеци негираше вина: Нацев, ексдиректор од ВМРО-ДПМНЕ е новиот осомничен за пожарот во „Пулс“

Александар Нацев е новиот осомничен во случајот за пожарот во дискотеката „Пулс“. Обвинителството го сомничи дека е „реален сопственик“ на фирмата која го обезбедувала објектот кобната вечер, а која дозволила внесување на приотехника од страна на членовите на музичката група „ДНК“. Нацев е родум од Пробиштип, каде вчера биле извршени претреси со судска наредба. Претресувани биле негови простории и во Скопје, а одземена е обемна документација поврзана со фирмата.„Лицето е лишено од слобода и со оглед на сите околности и законски основи, јавниот обвинител денеска до судијата на претходна постапка од Основниот кривичен суд Кочани ќе достави предлог за определување мерка притвор“, велат од Обвинителството.„Без да имаат договор со клубот „Кабаре ПУЛС“ Кочани, во текот на 2025 година незаконски вршеле обезбедување на објектот. Новоосомничениот активно раководел со ова обезбедување, спротивно на Законот за приватно обезбедување – без безбедносна проценка, план, проверка за противпожарна заштита и услови за евакуација. Во ноќта на пожарот, не го контролирале влезот, дозволиле присуство на малолетни лица, преполнетост на објектот и внес на пиротехника од музичката група, што довело до пожар во кој загинаа 62 лица, 157 беа тешко повредени, а 54 со полесни повреди“, велат од Обвинителството.Нацев на 16 март излезе со информација дека нема никаква негова поврзаност со трагедијата„Сочувство до фамилиите на сите 59 трагично згаснати животи во Кочани, меѓу кои има и мои блиски лица. Сакам да нагласам дека информациите за моја поврзаност со овој настан се дезинформација и шпекулација. Тоа се само обиди за блатантна политичка игра и добивање морбидни поени“, напиша Нацев.Нацев е ексдиректор на Дирекцијата за класифицирани информации од 2015 до 2017 година, кога со Владата раководеше ВМРО-ДПМНЕ и Никола Груевски. Важеше и за истакнат член на ВМРО-ДПМНЕ, од чија говорница држеше и прес-конференции. Нацев e и извршен директор на ЦБИ и професор на Факултетот за државна безбедност.

Македонија | пред 11 месец

Мицкоски: За Кочани не се помага со пресови, туку со дела, а СДС постојано прави груба злоупотреба на трагични случаи

На 34-тата годишна Конференција на Унија на млади сили на ВМРО-ДПМНЕ под мотото „34 години постоиме за младите“ свое обраќање имаше претседателот на ВМРО-ДПМНЕ и премиер, Христијан Мицкоски, кој се осврна на повеќе важни теми, од кои и на злоупотребата на трагедијата во Кочани од страна на СДС и нивната манипулација со јавноста, со некрофилската политика којашто ја водат.„Третата работа драги господа е некрофилијата во СДСМ. Тоа е позната стратегија да злоупотребува колективни или индивидуални несреќи и да создава политики од нив. Сакам да предупредам за скриената се поголема манипулација и свесно фрлање на прашина во очите на целата јавност која се прави со темата Кочани. Таму гледаме полека како едно граѓанско движење за поддршка на Кочани полека преминува во политичко движење, каде од поддршка на ужасните жртви од ужасниот хорор во Кочани, говорат за катни гаражи, водоводи, канализации, исполнети, неисполнети ветувања и се така по ред во духот на локалните избори“, вели Мицкоски.Претседателот на ВМРО-ДПМНЕ и премиер, Христијан Мицкоски, истакна дека нема да дозволи да се прави политика од трагедијата, притоа потенцираше дека СДС прави константно злоупотребување на трагични настани, со веќе препознатлива шема, со цел да се одвлече вниманието на јавноста.„Јас нема да дозволам на грбот на напатениот народ да прават политика и безобразно да ги злоупотребуваат судбините на цел еден град. За Кочани не се помага со прес-конференции, туку со дела, а историјата на СДСМ на груба злоупотреба на трагични случаи станува препознатливо портфолио на политичкото делување на оваа партија, што само покажува во каква очајна состојба е оваа партија, во отсуство на реални проекти и политики со кои би го привлекле вниманието на јавноста“, рече Мицкоски.Тој наведе неколку случаи за време на владеењето на СДС кои завршиле неуспешно брез одговорност и откривање на вистина, притоа потенцираше дека владата на ВМРО-ДПМНЕ нема да дозволи вакви манипулации со човечки судбини.„Само ќе ве потсетам на неколку работи од минатото како завршија. Се сеќавате ли на трагедијата на малата Тамара, се сеќавате ли на трагедијата Мартин Нешковски, се сеќавате ли на жртвите од Смилковското езеро, се сеќавате ли дека истите овие луѓе, ветуваа правда, ветуваа мир, ја злоупотребуваа на некрофилски начин и тогаш и денес трагедијата на родителите и блиските на семејствата. Што добија? Тие станаа милионери, а вистината и тогаш и денес беше таа дека единствената политичка и владина опција којашто прави и сочувствува и сака да направи е Владата на ВМРО-ДПМНЕ. Да не дозволиме овие некрофили, кои повторно на човечката судбина манипулираат и се обидуваат да се вратат на власт“, вели Мицкоски.Тој истакна дека ќе продолжи владината поддршка за Кочани и најави дека наскоро ќе бидат соопштени деталите за проект на кој интензивно се работи и кој ќе биде од исклучително значење за сите жители на Кочани, со цел подобрување на условите за живот.„Што се однесува до владината поддршка за Кочани таа ќе продолжи и воедно сакам да објавам дека интензивно работам на проект кој ќе биде од историско значење за градот, и ќе помогне директно за животот на секој еден жител на Кочани и ова го работам заедно со канцеларијата на Европската Унија. Со тоа што историски, епски, драматично ќе го видоизмениме изгледот на подобро, на градот Кочани. Деталите за овој проект на кој интензивно работам, очекувам многу скоро од денеска да бидат соопштени на македонската јавност, нормално откако ќе бидат финализирани сите детали“, потенцираше Мицкоски.

Македонија | пред 11 месец

Експерт по невропсихијатрија разговарал со Коста К: „Му се допаѓа идејата дека е психопат. Знаете ли што прави кога му е непријатно?“

На 5 јуни, во судот во Белград се одржа судење против Владимир и Миљана Кецмановиќ, родителите на момчето кое изврши масовно убиство и ранување на ученици во основното училиште „Владислав Рибникар“, објавува српски Блиц.Понатаму, како што е објавено од судењето, судскиот експерт по невропсихијатрија д-р Анета Лакиќ изјавила дека психијатриско-психолошкото испитување утврдило дека Коста К. бил исклучително фокусиран на себе. Според Блиц, тој рекол дека „немало да го стори тоа што го сторил ако знаел какви ќе бидат последиците“, но во исто време, наведуваат тие, повикувајќи се на зборовите на судскиот експерт за невропсихијатрија, тој не покажал ниту каење ниту чувство на вина.- Кога го прашале како се чувствува, тој одговорил: „Добро сум. Тука ме штитат од одмазда, за да не ме убијат оние чии деца ги убив или некој друг“ - рекла д-р Лакиќ.Таа додала дека момчето се обидувало да ја минимизира сериозноста на своето злосторство и дека покажува исклучителна способност да се зачува. Според неа, пишува Блиц, тој бил свесен дека нема да биде кривично одговорен бидејќи немал 14 години во времето на злосторството. Исто така, знаел кого да повика по масакрот, како да се предаде и да крене раце.– Секогаш кога нешто во разговорот ќе го вознемири или ќе го направи да се чувствува непријатно, тој знае како да го заврши. Веднаш станува и вели: „Сакам да го видам мојот лекар“. Го прави ова за да се заштити – заклучи Лакиќ.Понатаму, како што објавија српските медиуми, адвокатката на семејството Кецмановиќ, Марина Ивеља, го оспорила делот од вештачењето во кој се тврди дека момчето знаело дека нема да биде кривично одговорно. Таа изјавила дека претходно било утврдено дека тој истражувал на интернет дали во Србија постои доживотна казна затвор и дали смртната казна е сè уште на сила.– Тој рекол дека се надева дека ќе добие доживотна казна затвор. Кога го прашавме дали би го сторил тоа повторно, тој рекол дека нема. Очекувал прво да заврши во ваква институција, потоа во притвор, па во затвор. Се надевал на мир и читање книги. Рекол дека е безбеден тука затоа што го штитат од оние чии деца ги убил или од други кои сакале да го убијат – рекол вештакот, додавајќи дека момчето исто така спомнало како во САД младите масовни убијци склучуваат договори во такви институции.Дали сакал да биде „психопат“ како американските убијци?Според Блиц, момчето не го открило мотивот за масовното убиство, но признало дека „сакал да биде психопат“, инспириран од американските случаи на масакри во училишта.– Ми се допадна идејата да бидам психопат, во Америка беа обожавани. Но, се откажав – посочил вештакот Лакиќ, кој наводно рекол дека момчето го кажало тоа.Адвокатот Ивеља прашал дали вештачењето би имало корист од сослушувањето на родителите на момчето, со оглед на тоа што лажно изјавил дека неговиот дедо починал пред неговото раѓање и дека страдал од астма.– Тој рекол дека неговото семејство е „прогонувано“. Тој е близок само со баба му и чичко му. Што се однесува до астмата, дури и да ја има, немало запис за напад никаде. Тој рекол дека рекол дека се задушува само за да не мора да оди на училиште – изјави Лакиќ.Таа заклучи дека вклучувањето на родителите во вештачењето „веројатно би ги контаминирало наодите“, бидејќи најважно е да се утврди како размислувало момчето во моментот кога пукало во децата, објавија српските медиуми.

Свет | пред 11 месец

Мицкоски: СДС ги продаваше македонските интереси, а Владата ги врати дел од позициите на Македонија на меѓународен план

Христијан Мицкоски, претседател на ВМРО-ДПМНЕ и премиер, се обрати на 34 годишната конференција на Унијата на Млади сили на ВМРО-ДПМНЕ. Една од темите за која тој говореше се однесуваше на опозициската СДСМ, и нивните политики кои, како што кажа, се целосно без вредности, без етика, а и базирани врз материјални интереси и моќ. Според него, Македонија победува на меѓународната сцена, а во контекст на ЕУ и позицијата која Македонија сега ја застапува, посочи дека Европа сега има слух за вистината за македонскиот идентитет.„Ги слушам од опозицијата како велат дека СДСМ ги градела темелите на Македонија. Сакам од овде, од Велес, од овој величествен настан, да ги прашам: Кои темели ги градевте вие? Дали оние темели кога во времето на транзицијата, ја ограбивте, опустошивте Македонија. Кога нашите родители губеа работа, кога со тажни чела и погледи не гледаа кога се враќаа од работа дома, затоа што имаа неизвесна егзистенција за себе и за своите семејства. Дали на тие темели зборувавте кога ја опустошувавте Македонија, кога стотици илјади македонски граѓани останаа без работа. Или пак, на оние темели кога го менувавте името, кога го менувавте знамето, и го прифаќавте оној срамен договор, со Бугарија, ставајќи ја Македонија во подредена улога? На тие ли темели зборувате?“, праша Мицкоски.Мицкоски посочи дека Владата предводена од ВМРО-ДПМНЕ откако е на власт ги врати дел од позициите на Македонија на меѓународен план, истото она коешто СДСМ го продаде. Тој додаде дека приказната за Македонија денес е позната и во Минхен, Берлин, и во Лондон, и во Брисел.„Позади нас се денови кога се боревме во Брисел, да биде усвоена резолуцијата со којашто се зборува за прв пат од осамостојувањето на нашата татковина, за посебен македонски вековен идентитет. За посебен, македонски јазик. За наследство коeшто е со векови старо. Кога не гледаа како се бориме, молеа бога да не успееме, кога гледаа како аргументираме, како на маса ја добиваме битката се молеа да не успееме. Им олесна, кога бриселските политичари одлучија извештајот да го поместат наместо пред неколку дена на 24 јуни овој месеци. Но нема бегање. Тој извештај ќе биде усвоен затоа што цела Европа и Брисел знаат за вековниот посебен македонски идентитет. И тоа ќе го поддржат, за македонскиот јазик којшто е факт“, вели Мицкоски.Мицкоски објасни дека политиките на СДСМ се само базирани врз материјални интереси, потреби и моќ, и тие делуваат без вредности, без етика. Според него, овој пат, Европа има слух за вистината за македонскиот идентитет.„Колку и да овие од опозицијата да се подаваат дека немало потреба, дека немало потреба дека тие кога е дошле ќе прифателе се што им било ставено на маса, па дури ако треба и од Македонци да ги избришеле. Само да има нови фабрики за марихуана. Само да има тендери. Само да има грабеж и пљачка. Тоа беше, драги пријатели, тажната вистина којашто Македонија ја живееше 7 години. Порази ограбување, опустошување, срам. Тоа се карактерните особини на денешната опозиција. И кога ќе ги видите и едните и другите и третите како заедно не напаѓаат, тогаш бидете сигурни, ВМРО-ДПМНЕ и коалицијата, и оваа влада се на правиот пат на патот заедно со народот. Тоа е патот на иднината“, заклучи Мицкоски.

Македонија | пред 11 месец

Денеска избор за министер: Азир Алиу од „Вреди“ се очекува да го преземе здравството

На денешната седница на Собранието, пратениците ќе одлучуваат за изборот на нов министер за здравство – Азир Алиу, кадар на движењето „Вреди“. За Алиу ова ќе биде втор министерски мандат, но прв во сферата на здравството – сектор во кој досега нема професионално искуство.Алиу е професор по информатички науки и претходно беше министер за информатичко општество и администрација во владата на Димитар Ковачевски, како дел од Алијансата за Албанците. По расколот со Арбен Таравари, реши да ја напушти партијата и остана во новото парламентарно мнозинство предводено од ВМРО-ДПМНЕ.И покрај тоа што неговата стручност е надвор од областа на здравството, власта го гледа тоа како предност – очекуваат од него системска реорганизација и подобро менаџирање на секторот кој, според критиките, е во лоша состојба.Од СДСМ не го коментираат директно Алиу, но потсетуваат дека здравството е едно од најзапоставените министерства под оваа власт.Алиу веќе еднаш, во почетокот на 2024 година, се раздели со тогашната коалиција на Алијансата, заедно со Таравари и Села, по што беше разрешен од министерската функција. Подоцна се врати во игра преку крилото што остана во „Вреди“, добивајќи влијателна улога во преговорите со ВМРО-ДПМНЕ за новата влада.Покрај него, денеска треба да се избере и нов заменик-министер за земјоделие – Албрим Хоџа. Тој е поранешен новинар, но има и искуство со ИПАРД проекти и аграрни политики. Ова место исто така претходно му припаѓаше на кадар на Алијанса за Албанците.Според собранискиот деловник, расправата за секој предлог-министер може да трае најмногу еден час, а гласањето мора да се одржи најдоцна до полноќ.

Македонија | пред 11 месец

И газдата на фирмата за обезбедување е осомничен за пожарот во „Пулс“: нови детали од истрагата

Со истражната постапка за пожарот во кочанската дискотека “Пулс” е опфатено уште едно лице за кое е поведена истрага за – Тешки дела против општата сигурност од член 292 во врска со член 288 од Кривичниот законик.„Во текот на досегашната постапка се обезбедија докази согласно кои за сега осомничениот се утврди дека е одговорно лице – реален сопственик на осомниченото правно лице – агенција за обезбедување на имот и лица од Скопје.Согласно доказите, тој раководел со деловниот потфат и целокупното работење на агенцијата, заедно со претходно осомничениот управител и со овластеното лице на подружницата во Кочани.„Тие без да имаат склучено договор со корисникот на услугата Кабаре ПУЛС Кочани, во текот на 2025 година вршеле обезбедување на имот и лица за клубот. Новиот осомничен во континуитет активно раководел со планот и начинот за давање на услугата обезбедување преку правното лице. Заедно со осомничените кои биле ангажирани како обезбедување, спротивно на повеќе членови од Законот за приватно обезбедување, без каква било претходна безбедносна проценка и план за обезбедување, како и без проверка на условите за противпожарна заштита и опасност од пожари, без да извршат проверка по однос на сигурносните услови во кабарето од аспект на имот и лица, особено по опасност и можност за евакуација, во текот на вечерта кога настанал пожарот не контролирале и овозможиле влез на деца во објектот, не воделе грижа за преполнетоста на капацитетот за посетители во објектот, не спречиле внес и користење на експлозивни материи – пиротехнички средства од членовите на музичката група, со кои бил предизвикан пожарот, поради што настапила смрт кај 62 лица, со тешки телесни повреди се здобиле 157 лица, а со телесни повреди се здобиле 54 лица“, велат од Обвинителството и додаваат:Врз основа на судска наредба вчера беше извршен претрес на две локации во Скопје и во Пробиштип, како и во автомобилот на осомничениот, при што беше одземена обемна документација поврзана со правното лице и електронски уреди. Лицето е лишено од слобода и со оглед на сите околности и законски основи, јавниот обвинител денеска до судијата на претходна постапка од Основниот кривичен суд Кочани ќе достави предлог за определување мерка притвор.

Македонија | пред 11 месец

Матија Дедиќ, еден од највлијателните хрватски џез музичари и пијанисти, почина на 52-годишна возраст. Тој беше син на легендарниот кантавтор Арсен Дедиќ и познатата пејачка Габи Новак, и самиот дел од едно исклучително музичко наследство.Роден на 2 март 1973 година во Загреб, Матија од најрана возраст покажа талент за музика – на пет години веќе свиреше клавир. Иако израснат во средина преполна со разнолики музички влијанија, неговиот избор беше џезот – стил кој, како што велеше, му нудеше простор за личен израз и слобода.Средното музичко образование го заврши во родниот град, а потоа дипломираше џез пијано на престижната Уметничка академија во Грац, Австрија. По враќањето во Хрватска во 1997 година, Матија брзо се етаблираше како еден од најзначајните и најпочитувани музичари на тамошната сцена. Основаше свој квартет, а подоцна и проектот „Матија Дедиќ Трио“, преку кој го разви својот авторски израз.Со текот на годините, настапуваше низ Европа и САД, создаваше музика за театар и телевизија, и соработуваше со бројни изведувачи од хрватската поп и џез сцена. Неговиот прв соло албум го сними за „Кантус рекордс“ во 2000 година, а вториот му донесе три награди „Порин“. Подоцна објави и албум со свои џез-обработки на песни од татко му Арсен Дедиќ – проект кој публиката и критиката го пречекаа со длабоки емоции.Матија Дедиќ имаше блиска врска и со македонската публика. Често настапуваше на домашни сцени, вклучувајќи го Скопскиот џез фестивал во 2020 година, а неговиот последен настап во Македонија се одржа во август 2023 во Битола.Со неговата смрт, балканската музичка сцена загуби еден од своите најавтентични џез-гласови.

Свет | пред 11 месец

(Видео) Гледаме како граѓанско движење за поддршка на Кочани преминува во политичко движење, рече Мицкоски

Премиерот Христијан Мицкоски обвини дека во Кочани, граѓанското движење за поддршка на градот, преминува во политичко движење.„Од поддршка на ужасните жртви од ужасниот хорор во Кочани, говорат за катни гаражи, водоводи, канализации, исполнети и неисполнети ветувања и се така по ред, во духот на локалните избори“, рече Мицкоски.Претходно, владината портпаролка Марија Митева, рече дека личните навреди на протестот во Кочани кон политичари од власта се од политички структури.

Македонија | пред 11 месец

(Видео) „Личните навреди на протестот во Кочани кон политичари се од политички структури со традиција на некрофили“, вели владината портпаролка

Родителите и роднините на трагично загинатите во дискотеката ,, Пулс” во Кочани, секоја сабота на ,,Марш на ангелите“ го идкажуваат својот револт од истрагата и бараат правда.Тие застануваат и протестираат пред општината, судот, полицијата и обвинителството. Вчера, родителот на загинатиот тапанар на групата ДНК, револтирано ги навредуваше и побара оставки од премиерот Христијан Мицкоски, претседателката Гордана Сиљановска-Давкова и министерот за внатрешни работи Панче Тошковски.,,Можам да кажам дека во целост ја разбираме како Влада нивната болка, тоа неколку пати досега сме го кажале. Но, од друга страна морам да кажам, со жалење, дека беа слушнати лични напади кои што пак политички структури имаат за цел да ги искористат во некоја политичка позадина. Навистина жалам што некои политички структури имаат традиција на некрофили“, кажа портпаролката Марија Митева на денешната прес-конференција, одговарајќи на новинарско прашање за барањата за оставки.

Македонија | пред 11 месец

Што набавува МВР, опозицијатa обвини дека се купува софтвер за шпионажа, а тие викаат дека е софтвер за форензика

СДСМ на прес-конференција објави документи дека МВР набавува софтвер за шпионажа на телефонски уреди. Според СДСМ, МВР во текот на месец мај потпишало договор за набавка на комуникациски лиценци, вклучувајќи го софтверот „Cellebrite Inseyets Online Pro“ систем кој според повеќе меѓународни извештаи бил користен за надзор на приватни комуникации.Од ВМРО-ДПМНЕ реагираат дека ваквите наводи се брутална лага и очекуваат СДСМ да се извинат.Во демантот се наведува дека станува збор за редовно обновување на лиценци за дигитална форензичка опрема, која се користи веќе повеќе од една деценија.Според МВР, лиценците се за софтвер наменет за екстракција и анализа на податоци од мобилни телефони и други електронски уреди, исклучиво за истраги што се водат со судски налози и во согласност со законските процедури.

Македонија | пред 11 месец

(Видео) Вучиќ во кавга со новинари

Српскиот претседател Александар Вучиќ повторно во нов клинч со новинарите, овој пат на мета беа новинари од ТВ Нова и Н1.Вучиќ зборуваше за нападот врз претставникот на студентите кои сакаат да учат, Милош Павловиќ, и го спореди со настанот кога една студентка во Нови Сад беше нападната и ѝ беше скршена вилицата.Кога новинарите Таталовиќ и Вељковиќ се обидоа да одговорат дека и тие можат да дадат објаснување, тој им одговори:„Пак ти е смешно нешто. Ти од Н1 и Нова С. Не е за мене. Научи се да бидеш учтив, синко. Основно. Нема да биде лошо”, им рече Вучиќ.Новинарката Таталовиќ на социјалните мрежи го објави видеото со објаснување дека Вучиќ се издрал на нив и заминал без објаснување.

Свет | пред 11 месец

Пеколно топло, ИЈЗ со препораки за заштита од високите температури

Температурите растат и нема најава за заладување.Институтот за јавно здравје објави низа препораки за заштита на населението од потенцијално опасните ефекти на топлотните бранови. Апелот е насочен кон сите граѓани, со особен фокус на најранливите категории – постари лица над 60 години, деца, бремени жени, хронично болни, лица со прекумерна тежина, оние со ментални нарушувања и граѓани кои се подложени на специфични терапии.ИЈЗ предупредува дека ризикот од здравствени компликации е најголем кај оние кои работат или престојуваат на отворено во текот на најжешките делови од денот.Ова се препораките од ИЈЗ:-Избегнувајте престој на сонце од 11 до 17 часот.-Облечете лесна, широка облека во светли бои; носете капа со широк обод и очила за сонце.-Престојувајте во климатизирани простории, кога е можно.-Ако морате да бидете надвор, одмарајте често во сенка и избегнувајте директна изложеност на сонце.-Пијте доволно течности – вода пред сè – и не чекајте да се појави жед.-Никогаш не оставајте луѓе или животни во паркирани возила, дури ни за кратко.-Туширајте се со млака вода или ставете ладни облоги на телото.-Лицата со хронични болести строго да ги следат препораките и редовно да ја земаат терапијата, по консултација со матичен лекар.Институтот предупредува: ако некое лице покажува знаци на топлотен удар – како што се топла и сува кожа, болки во стомакот или губење на свест, веднаш да се повика итна медицинска помош на броевите 194 или 112.

Македонија | пред 11 месец

Инсајдерски информации: Путин подготвува катастрофален државен удар, ќе следи одмазда

САД веруваат дека рускиот претседател Владимир Путин сè уште не одговорил ефикасно на украинскиот напад со беспилотни летала минатиот викенд и очекува значаен, повеќеслоен удар, изјавија американски претставници за Ројтерс.Моментот кога ќе следи целосен руски одговор останува нејасен, а еден извор вели дека тој би можел да дојде во следните неколку дена. Друг американски претставник истакна дека руската одмазда најверојатно ќе вклучува различни видови воздушни напади, вклучувајќи ракети и беспилотни летала.Американските претставници зборуваа под услов на анонимност и не дадоа детали за потенцијалните руски цели, ниту пак за разузнавачките прашања. Првиот претставник рече дека нападот на Москва ќе биде „асиметричен“, што значи дека неговиот метод и цели нема да бидат директен одговор на украинскиот напад врз руските борбени авиони минатата недела.Русија интензивно ја напаѓа Украина со беспилотни летала и ракети со денови, а руското Министерство за одбрана соопшти дека нападот врз воените и воено поврзаните цели бил одговор на она што го нарекоа украински „терористички акти“ против Русија. Сепак, американските претставници веруваат дека целосен руски одговор сè уште не е постигнат.Западен дипломатски извор за Ројтерс изјави дека иако рускиот одговор можеби веќе започнал, веројатно ќе се интензивира со напади врз симболични украински цели како што се владини згради, за да се испрати јасна порака до Киев.Друг, висок западен дипломат, очекува понатамошен разорен напад од Москва. „Ќе биде огромен, суров и немилосрден“, рече дипломатот па додаде: „Но, Украинците се храбар народ“.Амбасадите на Русија и Украина во Вашингтон, како и Белата куќа, не одговорија веднаш на барањата за коментар.Мајкл Кофман, експерт за Русија во Карнеги фондацијата за меѓународен мир и еден од најпознатите воени аналитичари во светот, рече дека очекува Москва да се обиде да ја казни украинската агенција за внатрешна безбедност, СБУ, за нејзината улога во нападот од минатата недела. За да испрати порака, Русија би можела да употреби балистички ракети со среден дострел за напад, рече тој.„Тие веројатно ќе се обидат да возвратат на седиштето на СБУ или други згради на регионалните разузнавачки агенции“, рече Кофман, додавајќи дека Русија може да ги таргетира и производствените центри за одбранбена индустрија.Сепак, Кофман сугерира дека опциите на Русија за одмазда се ограничени, бидејќи веќе распоредува голем дел од својата воена моќ против Украина. „Севкупно, способноста на Русија значително да ги ескалира нападите во однос на она што веќе го прават - и она што се обидуваат да го постигнат во последниот месец - е доста ограничена“, рече тој.Да ве потсетиме дека операцијата „Пајажина“ на СБУ уништи најмалку 12 руски стратешки бомбардери (веројатно и повеќе). Соединетите Држави проценуваат дека биле погодени до 20 борбени авиони - околу половина од бројот што го процени украинскиот претседател Володимир Зеленски - и околу десет уништени.Руската влада во четврток негираше дека било кој авион е уништен и рече дека штетата ќе биде поправена, но руските воени блогери објавија за загубата на десетици авиони, вклучително и оние способни да носат нуклеарно оружје.Нападите, подготвувани во текот на 18 месеци и извршени од беспилотни летала транспортирани во близина на базите, зададоа моќен, не само симболичен, удар врз Русија, која често го потсетуваше светот на нејзината нуклеарна моќ за време на војната во Украина.Путин му кажа на претседателот Доналд Трамп во телефонски разговор во среда дека Москва ќе мора да одговори на нападот, рече Трамп на социјалните мрежи. Трамп подоцна им рече на новинарите дека „веројатно нема да биде убаво“. „Не ми се допаѓа. Реков: „Не го прави тоа. Не треба да го правиш. Треба да го спречиш“, рече Трамп за својот разговор со Путин. „Но, повторно, има многу омраза“.

Свет | пред 11 месец

Локални збори во Заечер и Косјериќ во Србија

Денеска во два српски града, Заечар и Косјериќ се одржуваат редовни локални избори, на кои се избираат советници во општинските совети на овие две локални самоуправи.За овие избори сд вели дека се своевиден референдум за силата на Вучиќ и како се котира опозицијата и студентите во блокада.Гласачките места се отворија утрово во 7:00 часот, а се затвораат во 20:00 часот.Осум изборни листи се натпреваруваат на изборите во Заечар и три во Косјериќ.Во Заечар СНС е на власт веќе една деценија и власта е уверена дека СНС ќе победи повторно.Меѓу двете спротивставени страни има голема недоверба и обвинувања.Министерот за внатрешни работи на Србија, Ивица Дачиќ, изјави дека нарушувањето на изборите е кривично дело и дека полицијата ќе реагира.Општина Косјериќ има околу 10.000 жители, а право на глас имаат 8.897 гласачи.Според податоците на Градската изборна комисија во Заечар има 47.357 избирачи.Прелиминарните резултати се очекуваат вечерва.

Свет | пред 11 месец

Маск е зависник од дрога, обвини Трамп

Продолжува размената на остри зборови и квалификации меѓу Трамп и Маск, некогашните блиски соработници.Американскиот претседател Доналд Трамп во телефонски разговор со свои соработници го обвини бизнисменот и милијардер Илон Маск за зависност од дрога.Оваа информација ја пренесе „Вашингтон пост“.Во веста уште пишува дека Трамп го опишал поранешниот шеф на Одделението за ефикасност на владата како „голем зависник од дрога“.Маск претходно призна дека користи кетамин, кој му бил препишан од лекар, а „Њујорк тајмс“ неодамна објави дека сопственикот на Тесла користел големи количини кетамин, меѓу другите наркотици, што довело до проблеми со мочниот меур.

Свет | пред 11 месец

За кланот Заеви милиони, за Филипче Ауди Q8 од фирмата која продавала јаглен на ЕСМ трипати поскапи, за народот поскапи сметки за струја, велат од ВМРО-ДПМНЕ

„Додека Заеви заработувале милиони, Филипче имал лично профит од 3 пати поскапата препродажба на јаглен од Грција на ЕСМ од 2022 до 2024 година. Аудито Q8 на Филипче кое го возеше и во предизборната кампања е купено од фирмата која продавала 3 пати поскап јаглен на ЕСМ“, велат од ВМРО-ДПМНЕ и додаваат:Во енергетска криза, кланот Заеви и Филипче преку шема на фирми препродавале јаглен на ЕСМ три пати поскапо и профитирале а граѓаните плаќале повисоки сметки за струја.Најскап договор за јаглен, кој го склучила ЕСМ, а е по цена од 82.5 евра за еден тон со вкалкулиран ДДВ, е со компанијата „Зобек мининг груп“. Зобек мининг груп е компанија која води директно до Венко Филипче.Газдата на Зобек мининг груп за новинарите потврдил дека тој го купил аудито на Венко Филипче, преку фирмата која препродавала три пати поскап јаглен на ЕСМ и дека сега возилото е на Филипче.Договорот со „Зобек мининг“ бил склучен во септември 2023 година, првично за испорака на 200 илјади тони јаглен за РЕК „Битола“ во рок од една година. Со два анекса количината на испорака била зголемена, прво за 40 илјади тони, па за уште 48 илјади тони, до вкупно 288 илјади тони.Според официјално соопштение од „Лигниторихиа Ахладас“, рудникот во Грција каде се копал јагленот, пратено до грчкото Министерство за енергетика, а до кое дошле истражувачките новинари од Македонија, од овој рудник во 2023 година во Македонија биле продадени 768 827 тони лигнит, по цена меѓу 28-30 евра по тон.Тоа е три пати помалку од тоа што Зобек мининг груп продава.Заеви и Филипче се богателе и луксузирале врз грбот на народот кој плаќал поскапи сметки за струја за Филипче да ќари Ауди Q8.

Македонија | пред 11 месец