Во соопштение од Министерството за култура и туризам се наведува дека министерот Зоран Љутков истакнал оти проектот „Скопје – Европска престолнина на културата 2028“ претставува заедничка визија и процес што го менува градот.
На конференцијата „Скопје — Европска престолнина на културата 2028“, Љутков рекол дека не станува збор само за титула, туку за долгорочна трансформација на градот преку културата, нови простори и нова енергија за Скопје, стои во соопштението.
Во соопштението се посочува дека министерот нагласил оти проектот има поддршка од Владата, што обезбедува институционална, финансиска и политичка стабилност за неговата реализација.
Во соопштението Министерството додава дека на настанот, на кој присуствувале евроамбасадорот, градоначалници, меѓународни делегации и претставници од академската заедница, биле претставени и планови за унапредување на културната инфраструктура, меѓу кои ревитализација на Скопското кале, заштита на Скопскиот аквадукт, обнова на Универзална сала, оживување на локалитетот Скупи и создавање нови културни простори.
Љутков порачал дека Скопје 2028 треба да претставува нов културен импулс и долгорочна промена која ќе се чувствува и по 2028 година, стои во соопштението.
