Таравари спремен за во опозиција, Меџити го спакува за да го испрати од Владата, а се јави и Села

Првиот вицепремиер и министер за животна средина Изет Меџити вечерва изјави дека на неговиот коалиционен партнер од ВЛЕН, Арбен Таравари, не му е местото во Владата доколку се решил на соработка со ДУИ. Штом посакува таква соработка, како што рече Меџити во интервјуто за ТВ Сител, Таравари самиот треба да го објави тоа, не криејќи го од членството и јавноста.„Сметам дека не му е местото во Владата штом сака соработка со ДУИ. Тоа се коси со политиките и принципите на формирање на оваа Влада, а тоа е борба против корупција, враќање на правната држава и другу начела. Ние сите се сплотивме околу идејата да донесеме промена, плурализам, демократија во албанскиот кампус, борба против корупција. Сите сè уште стоиме на тоа освен господинот Таравари, кој од индивидуални и партиски причини излезе на површина дека подолг период неколку месеци, има состаноци и соработува со ДУИ. Нашиот став е дека не може да биде дел од ВЛЕН и да соработува со ДУИ“, вели Меџити.Министерот за здравство Арбен Таравари изјави дека повеќе не гледа простор за соработка со коалицијата Вреди и дека не ја исклучува можноста за предизборна соработка со Демократската унија за интеграција (ДУИ) во вториот круг од локалните избори. Во гостување во емисијата „Стадион“ минатата недела, Таравари посочи дека веќе имал комуникација со лидерот на ДУИ, Али Ахмети.„Со Ахмети не сум се сретнал, но сме се слушнале по телефон. Начелно мислам дека треба да одиме сами, но не ја исклучувам можноста во втор круг некаде со ДУИ да се поддржуваме. Ние не сме родени во Влада. Ако сметаат дека треба да бидеме во Владата, ќе продолжиме. Ако не – ќе одиме во опозиција. Генерално, ние сме заинтересирани да продолжиме во Владата, но тоа зависи од премиерот“, рече Таравари.Се огласи и Села.„Да ја напуштат Владата и нека дојдат да се обединиме за да направиме доволен притисок. Да одиме и на предвремени парламентарни избори, заедно со локалните. За да постигнеме влада која нема да се соочи со политички субјекти што се избрани според желбата на овој или оној политички камп, туку ќе бидат таму за да реализираат 6, 7, 8 работи кои се во интерес на Албанците. Имаме неколку приоритети кои се веќе дефинирани во политичките програми, а сега ни се додадоа уште. Треба да се договориме, да, и за начинот на кој ќе се владее. Дали во иднина Владата ќе се формира со Бадинтер?“, изјави претседателот на Алијансата за Албанците, дел од Европскиот фронт, Зијадин Села во емисијата „Click Plus“ на ТВ21 за коалицијата Вреди.

Македонија | пред 1 година

(Видео) Се запали мотор на авион пред полетување во САД, речиси 300 луѓе биле евакуирани

Патниците морале да го напуштат авионот на Делта откако моторот се запалил додека авионот стоел на пистата на меѓународниот аеродром Орландо на Флорида, пишува Би-Би-Си. Снимките што се појавија на социјалните мрежи покажуваат чад и пламен што излегуваат од десниот мотор, а патниците излегуваат од авионот спуштајќи се на надуените тобогани за евакуација.Летот на Делта 1213 требаше да отпатува од Орландо, познат по Дизни Ворлд, до Атланта, со речиси 300 луѓе во авионот. Нема извештаи за повредени.„Патниците се евакуирани. Спасувачката и противпожарната екипа брзо реагираше“, објави аеродромот на социјалните мрежи.Во изјава за американскиот CBS News, Делта наведува дека се работи за авион Ербас А330 во кој имало 282 патници, 10 членови на кабинскиот екипаж и двајца пилоти. Компанијата соопшти дека членовите на екипажот ја евакуирале кабината откако пламенот бил забележан на еден од двата главни мотори.На видеото кое се чини дека е снимено од аеродромот се гледаат патници како стојат на асфалтот додека возилата за итни случаи се паркирани до авионот.„Им благодариме на патниците за соработката и се извинуваме за ова искуство“, изјавија од Делта. .Федералната управа за авијација (FAA) најави дека ќе спроведе истрага за инцидентот. Ова е само еден од серијата сериозни авионски инциденти што се забележани во Северна Америка оваа година.На 29 јануари, 67 лица загинаа откако патнички авион и воен хеликоптер се судрија во воздух во близина на аеродромот Роналд Реган во Вашингтон. По падот, истражителите препорачаа да се ограничат летовите со хеликоптери во одредени области околу аеродромот.На 17 февруари сите 80 патници преживеаја несреќа кога авион на Делта се урна и се преврте при слетување во Торонто. Авион кој летал од Минеаполис се излизгал на пистата, пламенот бил видлив, а авионот застанал на покривот, поради што пожарникарите се упатиле кон него.

Свет | пред 1 година

Кардиналите денеска ќе разговараат за погребот на папата Франциско

Неколку кардинали денеска ќе се сретнат во Рим за да разговараат за деталите од погребот на папата Франциско, откако тој почина во понеделникот на Велигден на 88-годишна возраст.Кардиналите ќе одлучат за точното време на погребот на починатиот поглавар на Католичката црква, што обично се случува четири до шест дена по смртта.Иако е вообичаено покојниот папа да биде погребан во базиликата Свети Петар, Фрањо се очекува да биде погребан надвор од Ватикан во базиликата Света Марија Велика, едно од неговите омилени места.На погребот се очекува да присуствуваат шефови на држави и влади од целиот свет.Телото на Франциско моментално сè уште лежи во капелата на пензијата Санта Марта, неговата резиденција во Ватикан. Телото потоа најверојатно утре ќе биде пренесено во базиликата Свети Петар, каде верниците ќе имаат можност да му оддадат последна почит, соопшти Ватикан.Папата Франциско, кој 12 години ја водеше Католичката црква, почина во понеделник во Велигден во 7 часот и 35 минути, откако доживеа мозочен удар, соопшти Ватикан.Како духовен водач на 1,4 милијарди католици во светот, Хорхе Марио Бергољо беше првиот папа од Латинска Америка, првиот језуит и првиот што го добил името по свети Францис Асишки, средновековен монах кој живеел во сиромаштија.Лидерите од целиот свет му оддадоа почит на папата Франциско по неговата смрт, пофалувајќи го за неговата понизност и сочувство.

Свет | пред 1 година

Системот што нѐ уби не е само политика, тоа сме ние кога премолчуваме неправда, став на ФБ групата Кочани

ФБ групата Кочани упати апел одново да го изградат Кочани. Одново со почит и љубов кон сите загинати и повредени. Тоа велат, им го должиме.Еве ја објавата:„Децении наназад не учеа да молчиме. Да слушаме. Да веруваме. Не во себе, туку во партиите. Ни зборуваа дека тие знаат што е најдобро за нас. Ни ветија иднина, па ни ја одзедоа сегашноста. И додека тие се менуваа на функциите, ние останувавме исти разделени, апатични, разочарани. А најстрашно од сѐ: почнавме да веруваме дека така треба да биде.Системот што не уби не е само политика. Тоа е начинот на кој живееме, начинот на кој прифаќаме, начинот на кој молчиме. Тоа сме ние кога премолчуваме неправда, кога гледаме само партија, а не човек, кога прифаќаме дека на функција треба да биде 'некој наш', наместо некој способен. Овој трул систем живее преку нас. И само ние можеме да го срушиме.Не постојат добри партии. Постојат добри луѓе. А добрите луѓе мора конечно да престанат да чекаат. Зашто колку повеќе молчиме, толку повеќе умира Кочани.Трагедијата што ни ги одзеде 62 млади животи не направи разлика меѓу 'нашите' и 'нивните'. Смртта не праша кој за кого гласал. Злото не го познава партискиот билтен. И токму затоа, оваа болка мора да не обедини. Ако не сега кога?Овие деца беа нашите деца. На градот. На улиците низ кои оделе, парковите во кои се смееле, училиштата во кои сонуваа. И сега, наш е долгот да не дозволиме да бидат заборавени. Љубовта кон нив и споменот за нив треба да го негуваме сите заеднички. Со дела. Со грижа за нивната генерација, за секое дете што расте во овој град. Да им создадеме безбедна и вредна иднина затоа што така се чува спомен, така се враќа достоинство.Кочани нема да го спаси ниту еден градоначалник сам. Но имаме можност првпат по долго време со човек кој не е залепен за никаква политичка позадина, со млад и борбен независен градоначалник кој искрено сака подобро. Тоа е шанса. Но ни тој не може сам. Му треба нашата поддршка не со слепа послушност, туку со активна, искрена, граѓанска енергија. Да му помогнеме, не затоа што ни кажала партијата, туку затоа што го чувствуваме како еден од нас. Затоа што Кочани му припаѓа на граѓаните, а не на партиските штабови.И мора веднаш да почнеме. Секоја зграда, секое маало може да стане пример. Да се поврземе меѓу себе не за политика, туку за дела. Да се создадат иницијативи по маала, да се организираат заеднички акции: чистење на запуштени површини, обновување на клупи, детски игралишта, средување на трошни ѕидови со мурали од надеж и сеќавање. Можеме да поставиме корпи за отпад каде што недостасуваат, да иницираме поставување лежечки полицајци кај што е опасно, да обезбедиме видливост на пешачките премини. Малку по малку, чекор по чекор да си го земеме градот назад.Да, ќе речат има институции за тоа. И точно е, треба да има. Но не смееме да се лажеме моментално, тие институции се нефункционални или бавно реагираат. Затоа, наместо да чекаме, ајде сите заедно да се погрижиме за она што можеме: за чистотата, за отпадот, за редот во нашите маала, улици, паркови. Тоа не бара политичка моќ, туку совест и волја. А градоначалникот, кој е независен и искрено посветен, нека ја води борбата за крупните проекти но со наша поддршка. Секој со својот дел. Така се гради град со заедништво.Да се покренат граѓански собири на отворено, каде секој ќе може да предложи идеја. Да се создадат мрежи на маалски координатори што ќе комуницираат со општината. Ако институциите не се движат доволно брзо ние ќе ги турнеме напред.Да се активираат средношколци и млади за волонтерски акции за солидарност, за почит, за живот. Да се создаде колективна свест дека градот е наш и од нас зависи. Да не чекаме да дојде некој да ни ги реши проблем. Ние сме тие. Ние сме промената.Да изградиме култура на грижа. Да се откажеме од навиките што не чинат. Да престанеме да фрламе ѓубре, да паркираме по тротоари, да се однесуваме како градот да е туѓ. Не е туѓ. Наш е. И ќе биде таков каков што ќе го направиме.Партиите нема да ни го вратат достоинството. Ни треба нова политичка култура, нова свест, нова енергија. Онаа што ќе не научи да мислиме, да делуваме, да не се плашиме. Зашто вистинскиот систем сме ние. И од нас почнува крајот на старата приказна и почетокот на новата.Наш став и наше видувања на реалните случувања во Кочани“.

Македонија | пред 1 година

АНСА ја открива можната причина за смртта на папата Франциско

Причината за смртта на папата Франциско ќе биде објавена подоцна оваа вечер, потврдија извори од Ватикан. Извори наведуваат и дека утре се очекува да биде објавен датумот на погребот на папата.Церебрално крварење е можната причина за смртта на папата Франциско, а не респираторните проблеми кои произлегуваат од неговата неодамнешна пневмонија опасна по живот, објави АНСА повикувајќи се на добро информирани извори. Според она што го дознава АНСА, мозочното крварење е можна причина за смртта на Фрања.Неговата смрт настапила ненадејно утрово во 7 часот и 35 минути и, како што е соопштено, не била директно поврзана со респираторни заболувања. Церебралната хеморагија е всушност полоша и пофатална варијанта на мозочен удар.Френсис, кој боледуваше од хронично белодробно заболување и му беше отстранет дел од едното белодробно крило во младоста, беше примен во болницата Гемели на 14 февруари поради респираторна криза која прерасна во билатерална пневмонија. Тој помина 38 дена во болница, што е најдолг престој во болница за време на неговиот 12-годишен понтификат.

Свет | пред 1 година

СДС е последната партија што може да зборува за правда и култура – тие се симболот на неправда, партизација и криминал, реагира ВМРО-ДПМНЕ

„Кога СДС зборува за правда, тоа звучи исто како крадец да држи предавање за чесност“, вели ВМРО-ДПМНЕ и додава:Кога СДС зборува за култура, тоа звучи како пироман да се фали дека го изгаснал пожарот.СДС, како и секогаш, кога институциите конечно почнуваат да работат професионално, после хаосот што го оставија зад себе, се обидува да шири лажни вести, страв и дезинформации. Тоа не е ништо ново, тоа е нивна стара стратегија – кога немаат аргументи, измислуваат афери.Меѓутоа, јавноста добро памети.Во време на СДС:- се гасеа истраги и се уценуваа обвинители;- криминалци од врвот на власта беа заштитени како свети крави;- граѓаните беа сведоци на политички прогон на неистомисленици;- Врховниот суд беше партиски штаб, а Советот на јавни обвинители нем набљудувач на криминалот.Министерството за култура, во нивно време, беше претворено во каса за партиски трансакции и награди за блиски личности. Грантови се делеа без критериуми, по телефон, по пријателски врски и по заслуги кон партијата. Уметниците кои не беа лојални, беа игнорирани или санкционирани. Установите беа блокирани, а културата сведена на приватен бизнис за избрани поединци.Културните работници, вистинските уметници и институциите денес конечно здивнаа. Заврши времето кога маички XXL и авионски карти за егзотични дестинации се купуваа од државни пари, додека проекти од национална важност беа одбивани.ВМРО-ДПМНЕ нема да дозволи притисоци врз обвинителството, но ниту ќе дозволи заштита за било којшто се огрешил пред законот – без разлика на партиска, етничка или друга припадност.Тоа е разликата меѓу нас и нив!Ние се бориме за држава на еднакви, не на привилегирани!Тие се борат да се вратат на власт за повторно да ја контролираат правдата и да продолжат со грабежот.Но времето на криминалците заврши.Македонија е во рацете на чесните граѓани.

Македонија | пред 1 година

Малолетник од Велес во болница - направил сообраќајка возејќи мопед

На 20.04.2025 во 13.20 часот во СВР Велес било пријавено дека на ул.„Раштански пат“ во Велес се случила сообраќајна несреќа помеѓу мопед „јамаха“ со велешки регистарски ознаки, управуван од малолетник и мопед „шинерај“ со велешки регистарски ознаки, управуван од малолетеник, двајцата од Велес.Во несреќата со тешки телесни повреди се здобил малолетникот кој го управувал мопедот „јамаха“, констатирани во Општа болница Велес.Извршен бил увид од увидна екипа од СВР Велес.

Македонија | пред 1 година

Се запали стан во Прилеп, две лица однесени во болница

На 20.04.2025 околу 13.00 часот во ОВР Прилеп било пријавено дека во населба „Точила“ во Прилеп настанал пожар во стан сопственост на Т.Ј., во кој престојувала неговата неговата сестра Ц.С.(51) и неговиот зет Д.П.(40), двајцата од Скопје.Од екипа на Територијалната противпожарна единица Прилеп пожарот бил изгаснат, а поради вдишување чад Ц.С. и сосетката С.П.(73) од Прилеп биле пренесени во болницата во Прилеп за укажување лекарска помош.Извршен бил увид од увидна екипа од ОВР Прилеп.

Македонија | пред 1 година

Три лица меѓу кои малолетник натепани во Кисела Вода

Денеска (21.04.2025) во 02.31 часот во СВР Скопје било пријавено дека на подрачјето на Кисела Вода во Скопје, по претходна расправија, В.М.(41) и И.С.(46) и еден малолетник, сите од Скопје биле физички нападнати од М.Љ. и уште неколку други лица, кои употребиле тврди предмети.По документирање на случајот ќе следува соодветен поднесок.

Македонија | пред 1 година

Полицаец нападнат од насилник со остар предмет - драма во Пробиштип

Денеска (21.04.2025) во 01.10 часот во Пробиштип, полициски службеници од ОВР Пробиштип го лишиле од слобода Љ.М.(36) од Пробиштип затоа што се обидел со остар предмет да нападне полициски службеник кој извршувал службени дејствија и затоа што претходно во дворот од нејзината куќа физички ја нападнал Т.А.(23) од Пробиштип.Според пријавеното, околу 23.20 часот во казино во Пробиштип, Љ.М. физички бил нападнат од А.А. од Пробиштип, брат на Т.А., по што отишол во нејзиниот двор за да го најде А.А..По целосно документирање на случајот, ќе следува соодветна пријава.

Македонија | пред 1 година

Пожар во стан во Аеродром, две лица пренесени во болница

На 20.04.2025 во 05.14 часот во СВР Скопје било пријавено дека во зграда на подрачјето на општина Аеродром настанал пожар во стан, сопственост на П.Д.(74).Од пожарот со изгореници се здобил сопственикот и заедно со неговиот син О.Д.(52), поради вдишување на чад, биле пренесени во Комплексот клиники „Мајка Тереза“ за укажување на лекарска помош.Од Бригадата за противпожарна заштита Скопје пожарот бил изгаснат. Извршен бил увид од увидна екипа од СВР Скопје.

Скопје | пред 1 година

Хајредини: Само македонскиот народ може да одлучува за идентитетот и историјата, Албанците треба да поддржат

Поранешниот министер за финансии, Џевдет Хајредини, предизвика реакции со својот став за идентитетските прашања на Македонците. Во објава на социјалните мрежи, тој вели дека одлуките за идентитетот, историјата и македонскиот јазик се исклучиво во рацете на македонскиот народ.„Во врска со прашањaта за идентитетот, историјата и македонскиот јазик, право да одлучува има само македонскиот народ. Албанците нивната одлука треба да ја поддржат“, напиша Хајредини.

Коментари | пред 1 година

СДСМ бара оставка од Љутков оти вработените во културата немаат земено плата

„СДСМ најостро реагира на катастрофалното раководење со културата од страна на министерот Зоран Љутков, кој остави над 3.000 културни работници без плата додека најавува распродажба на културното наследство под концесија“, велат од партијата и додаваат:„Ова е дното, ова е институционалната негрижа за културата, за културните работници и за нашето културно наследство.Сака ли ДПМНЕ македонските свети места да завршат во туѓи портфолија само за некој лично да профитира?Ова ли е новото нормално со разнебитување на културата?СДСМ е на страната на граѓаните и нема да дозволи разнебитување на културното наследство.СДСМ бара:- Оставка и политичка одговорност од Љутков за хаосот што го направи во културата.- Повлекување на срамните изјави за приватизација на културното наследство- Итна исплата на мартовската плата за сите културни работници.Културата и културното наследство не се трговска роба. Културата, не е зделка. Археологијата не е парцела. Оваа земја има народ што памети – и што не заборава“.

Македонија | пред 1 година

(Видео) Папата Фрањо починал утринава, вчера излезе пред толпата во Ватикан и посака „Среќен Велигден“

Папата Фрањо почина утринава, соопшти Ватикан.„Утринава во 7:35 часот, бискупот римски Фрањо се врати во домот на Отецот. Целиот негов живот беше посветен на службата на Господ и Неговата Црква“, објави кардиналот Кевин Фарел во изјавата објавена од Ватикан на својот канал Телеграм.Вчера, на Велигден, папата Франциско неочекувано се појави пред верниците на плоштадот Свети Петар во Ватикан и на толпата накратко им посака: „Среќен Велигден“. Светиот Отец излезе во инвалидска количка и од балконот на базиликата Свети Петар им мавташе на илјадниците насобрани верници кои го поздравија со голем аплауз.Годинава, за прв пат откако беше избран за папа во 2013 година, Фрањо пропушти поголем дел од ритуалите на Светата недела, вклучително и Велигденското бдение во саботата навечер, каде што празнувањето на миса им го препушти на кардиналите. И покрај се, на Велигден накратко се појави внатре во базиликата, каде пред насобраните луѓе кажа кратка молитва и им подели слатки на децата. На вчерашното појавување тој делуваше многу изнемоштено и исцрпено, а на насобраните само им рече: „Драги браќа и сестри, среќен Велигден“. $bp("TargetVideo_45224620", {"id":"26456","width":"762","height":"429","video":"2101357","autoplay":0,"shared":true});Неколку моменти претходно, Фрањо го прими американскиот потпретседател Џеј-Ди Венс „како дел од приватен состанок од неколку минути“ во неговата резиденција во Ватикан Санти Марти. Тој вчера се сретна и со хрватскиот премиер Андреј Пленковиќ.Папата страдаше од разни болести за време на неговото 12-годишно папство.Тој беше отпуштен од болница минатиот месец по петнеделен третман поради инфекција која прерасна во билатерална пневмонија.

Свет | пред 1 година

Почина папата Франциск

Папата Франциск, духовниот лидер на Римокатоличката црква, почина денес на 88-годишна возраст.Светата Столица сè уште нема официјално соопштение за причината за смртта.Детали за комеморацијата и понатамошните постапки се очекуваат во текот на денот.

Свет | пред 1 година

Тројца уапсени во Штип, возеле под дејство на алкохол

На 20.04 2025 во 20.40 часот на улица „Гоце Делчев“ во Штип, полициски службеници од СВР Штип го лишиле од слобода С.О.(50) од Штип. При контрола во патниот сообраќај, полициските службеници сопреле патничко возило „шкода“ со штипски регистарски ознаки, кое го управувал С.О. и по преземени мерки било констатирано дека е под дејство на алкохол, односно дека има 1,99 промили алкохол во крвта.На 21.04.2025 во 02.45 часот на булевар „Македонија“ во Делчево, полициски службеници го лишиле од слобода Д.С.(18) од Делчево. При контрола во патниот сообраќај и по преземени мерки било констатирано дека дека е под дејство на алкохол, односно дека управувал патничко возило „сеат“ со делчевски регистарски ознаки со 1,62 промили алкохол во крвта.Додека, на 20.04.2025 во 23.20 часот на ул.„Александар Македонски“ во Македонска Каменица, полициски службеници го лишиле од слобода Д.В.(34) од Македонска Каменица затоа што при сообраќајна контрола било констатирано дека управувал патничко возило „форд фиеста“ со регистарски ознаки на Македонска каменица со 1,53 промили алкохол во крвта.Лицата биле исклучени од сообраќај и задржани во полициска станица, а по целосно документирање на настаните, против нив ќе бидат поднесени пријави по член 297-а од Кривичниот законик - „безобѕирно управување со моторно возило“.

Македонија | пред 1 година

Агенцијата за храна направи 617 вонредни контроли пред Велигден, најдени 1 740 килограми небезбедна храна

Шестотини и седумнаесет вонредни контроли спроведоа инспекциските служби на Агенцијата за храна и ветеринарство (АХВ) пред велигденските празници.„Кај 16 оператори со контролите утврдено е дека незадоволителни биле хигиенските барања за безбеднoст на храната и техничките услови во објектите. 4 од операторите не ги спровеле задолжителните здравствени прегледни на вработените или поседувале санитарни книшки со истечен рок на важност.Пет од операторите не биле регистрирани како оператори со храна во АХВ, а кај осум, биле пронајдени несоодветно означени производи.За утврдените недоследности кај различни категории оператори со храна, издадени се 44 решенија за нивно отстранување. За пуштање во промет на небезбедна храна и утврдени недоследности од поголем обем, изречени се и 30 парични казни во износ од 25 400 евра во денарска противвредност.Нештетно се уништени 1 740 килограми небезбедна храна“, велат од АХВ.

Македонија | пред 1 година

Трамп: Се надевам на брз договор меѓу Украина и Русија, и двајцата можат да заработат богатство!

Американскиот претседател Доналд Трамп изјави дека се надева оти договор меѓу Русија и Украина ќе биде постигнат во неделата што следи, во кратката порака објавена на неговата социјална мрежа.„Може да се надеваме дека Русија и Украина ќе постигнат договор оваа недела“, напиша тој.„Тогаш и двајцата можат да направат добар бизнис со растечките Соединети Американски Држави и да заработат богатство! додаде тој.

Свет | пред 1 година

Крстевски: Хаос во Кочани , школите и претпријатијата тонат во долгови, намалени плати на медицинарите кои кобната ноќ спасуваа животи

В.Д. градоначалникот на Кочани, Венко Крстевски, кој беше избран по оставката на дотогашниот Папазов кој по трагедијата во дискотеката Пулс даде оставка и е дел од истрагата, на ФБ дава одговор на прашањето кое му го поставувале: Знаеш ли на што си се нафатил?”Еве го неговиот одговор:   „Општина Кочани еден месец БЕЗ Градоначалник и Секретар, општинските инспектори под мерки за претпазливост, финансиските служби под тотално непотребна репресија, лоша клима за работа.КЈП Водовод Кочани две недели БЕЗ Директор и три месеци БЕЗ Технички, ДОЛГ над ТРИ милиони евра, дефицитарен кадар во делот на оперативци и општ хаос создаван со децении.Школите тонат во долгови, над 200 деца во предучилишна возраст чекаат ред за запишување во градинка.Територијалната противпожарна единица со број на вработени НА ПОЛОВИНА од ЗАКОНСКИОТ МИНИМУМ, опрема лимитирана, возен парк дотрајан во лоша кондиција и просечна старосна граница од 46 години.Полициска станица Кочани поради сите настани, суспензии, истраги, реално не е ниту на 20% од капацитетите.ЈЗУ Општа Болница Кочани нема елементарни услови во делот со опрема, а ИМА страшно нарушени меѓучовечки односи поради разместувања во рамките на самата институција, намалена плата на неколку лица кои беа на првите борбени редови во кобната ноќ и спасија стотина животи (поради користење на боловање).Ќе си дозволам да цитирам еден голем идеолог ‘Јас имам сон!’.Ве повикувам и охрабрувам да дадете придонес за остварување на овој сон, кој верувам дека е желба на сите млади и возрасни жители на Кочани.Споделете го овој статус сите кои можете, за да дознае цела јавност.”

Македонија | пред 1 година

Украина: Русија 2.000 пати го прекршила примирјето

Украинскиот претседател Володимир Зеленски ја обвини Русија во неделата дека го прекршила Велигденскиот прекин на огнот повеќе од 2.000 пати, но исто така нагласи дека немало руски воздушен напад во текот на денот.„Од почетокот на денот, руската армија го прекрши примирјето што го прогласи (Владимир) Путин повеќе од 2.000 пати (...). Сепак, денеска немаше предупредување за воздушен напад“, рече Зеленски на Телеграм.Тој, исто така, предложи да се продолжи примирјето за триесет дена кога станува збор за напади со беспилотни летала и ракетни напади врз цивилната инфраструктура.„Доколку Русија не се согласи на таков чекор, тоа ќе биде доказ дека планира да продолжи со она што уништува човечки животи и ја продолжува војната“, напиша Зеленски на X.Кремљ претходно објави дека рускиот претседател Владимир Путин не издал наредба за продолжување на велигденскиот прекин на огнот во Украина.Примирјето што Путин го прогласи во саботата истече на полноќ по московско време (23 часот по хрватско време во недела).Руското Министерство за одбрана објави дека Украина повеќе од илјада пати го прекршила примирјето.

Свет | пред 1 година

Воз удри во автомобил на преминот во Зелениково

Сообраќајна несреќа помеѓу воз и автомобил се случи вечерва во Зелениково.„На 20.04.2025 во 18.10 часот во СВР Скопје е пријавено дека во с.Зелениково на железничкиот премин се случила сообраќајна незгода помеѓу патничко возило “тојота”, управувано од Ж.М.К.(51) од Скопје и воз управуван од С.М.“, велат од МВР за „Скопје1“.До сега нема пријавено повредени лица.

Скопје | пред 1 година

Украинците бесни поради наводниот план на Трамп за Крим: „Реган се превртува во гробот“

Веста дека САД размислуваат да ја признаат руската контрола врз Крим како дел од мировниот договор за ставање крај на војната во Украина, предизвика бурни реакции. Ваквиот потег, според аналитичарите, ќе му донесе голема победа на рускиот претседател Владимир Путин, кој илегално го анектираше полуостровот во 2014 година.Блумберг, повикувајќи се на неименувани извори, објави дека во американската администрација се разговарало за можна отстапка откако претседателот Доналд Трамп и неговиот државен секретар Марко Рубио во петокот рекоа дека САД би можеле да се повлечат од мировните преговори доколку преговорите не успеат. Иако одлуката се уште не е донесена, извештајот веднаш предизвика лавина бес во проукраинските кругови.Руските трупи го окупираа Крим во февруари 2014 година, по што Москва организираше контроверзен референдум, наведувајќи го неговиот резултат како доказ дека населението сака анексија од Русија. Анексијата на Крим ги постави темелите за конфликтите во украинскиот Донбас, кои подоцна ескалираа во инвазија на Украина во февруари 2022 година.Украинскиот претседател Володимир Зеленски јасно стави до знаење дека Украина нема да се согласи да ја предаде ниту една педа од својата територија, вклучувајќи го и Крим. Од друга страна, Путин тврди дека анектирал уште четири украински региони, иако Русија нема целосна контрола врз нив. Признавањето на руската власт над Крим би било голем дипломатски триумф за Путин, кој со години бара меѓународно признавање на анексијата на полуостровот.Блумберг наведува дека во моментов се разгледува предлогот за признавање на Крим, но се уште официјално не е донесена одлука.Реакциите на социјалните мрежи се жестоки. Корисникот Џеј од Киев напиша дека таквиот потег на САД ќе ги усогласи со „пеколните клептократии како Северна Кореја, Белорусија, Русија, Никарагва и Венецуела“, единствените земји кои го признаваат Крим како руски.Вишиот соработник на ЦЕПА Олга Лаутман рече: „Крим е и ќе остане украински, без оглед на тоа што ќе кажат Трамп и неговиот народ“.Корисник на UA Voyager кој доаѓа од Крим напиша: „Со свои очи ја видов анексијата. Знам што значи да се живее под окупација. Знам колку луѓе на Крим сè уште веруваат во Украина. И сега - немам зборови“.Украинската организација Украина фронт лајн предупреди дека секое признавање на рускиот суверенитет над Крим ќе значи крај на сите преговори. „Роналд Реган се врти во гробот помислата на ова предавство на американските морални вредности“, напишаа тие.Потсетиме дека Трамп во петокот рече дека САД ќе се повлечат од посредувањето доколку „една од страните го отежнува постигнувањето договор“, додека Рубио претходно рече дека Вашингтон ќе се откаже од мировната иницијатива доколку нема знаци за можен компромис.Во март, Путин го отфрли американско-украинскиот предлог за 30-дневен целосен прекин на огнот, а Кремљ продолжи да ја префрла вината на Киев и да бара дополнителни отстапки од Вашингтон. Во петокот, рускиот амбасадор во ОН, Василиј Небензја, рече дека генералниот прекин на огнот би бил „нереален“.И покрај минатомесечниот состанок во Саудиска Арабија спонзориран од САД, војната во Украина продолжува без знаци на олеснување. Изјавите од Москва укажуваат дека Кремљ би прифатил само целосна украинска капитулација, што дополнително ја отежнува секоја мировна иницијатива. Истовремено, расте притисокот врз американската администрација, особено поради можноста каква било отстапка кон Русија сериозно да го наруши кредибилитетот на Америка во светот.

Свет | пред 1 година

Ватикан слави велигденска миса

Градот Ватикан денеска ќе го одбележи Велигден, најзначајниот момент на христијанскиот календар, со голема миса во црквата Свети Петар во Рим. Поради здравствените проблеми на папата Франциско, кој се опоравува од билатералната пневмонија, мисата се очекува да ја предводи високиот италијански кардинал Анџело Комастри, кој беше протоереј на базиликата Свети Петар од 2006 до 2021 година и генерален викар за Ватикан.Останува неизвесно дали Франциско ќе може да го даде традиционалниот благослов Urbi et Orbi (На градот и светот) на десетици илјади верници во Свети Петар и на камерите од целиот свет. 88-годишникот ја напуштил болницата Гемели во Рим пред четири недели, откако таму поминал повеќе од еден месец. Сепак, според препораките на лекарите, тој сè уште треба да мирува по опасна по живот болест.За време на неговите ретки јавни настапи откако ја напушти болницата, Папата понекогаш се појавуваше многу слаб. Говорот исто така претставува тешкотија за водачот на повеќе од 1,4 милијарди католици во светот. Во саботата вечерта Франциско се појави во инвалидска количка во базиликата Свети Петар.За Велигден во Рим се очекуваат милион посетителиСпоред христијанската традиција, Велигден го одбележува споменот на распнувањето и воскресението на Исус Христос. Годинава комеморацијата има уште поголемо значење бидејќи Католичката црква ја прогласи 2025 година за јубилеј. Папата Франциско првично имаше намера да биде присутен на овие важни настани.Само овој викенд Рим има околу еден милион посетители, вклучително и верници од целиот свет. Меѓу нив е и американскиот потпретседател Џ.Д.Венс. Заменикот на Доналд Трамп, кој премина во католичка вера во 2019 година, планира да присуствува на Велигденската миса со своето семејство.

Македонија | пред 1 година

Христос воскресе: Православните верници го прославуваат најголемиот христијански празник Велигден

Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите.Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.Воскресението Христово е празник што ги спојува верата и традицијата, негувана од памтивек, а почнува на Величетврток уште пред изгрејсонце, кога домаќинките ги бојадисуваат првите црвени велигденски јајца.Оваа црковна традиција потекнува од првиот век по Христа, односно тоа се практикувало уште во времето на светите апостоли – Христови ученици и нивните наследници. За тоа ни сведочи Светото предание.Велигденското јајце е старо колку и христијанството и црквата го прифатила во својата традиција и практика како симбол на Христовото воскресение.Првите христијани и современици на апостолите почнале да бојадисуваат јајца и да ги подаруваат на Велигден, поздравувајќи се со радосниот поздрав: Христос воскресе! На тоа отпоздравувале: Вистина воскресе!Така поздравувајќи се, првиот ја соопштува веста за Христовото воскресение, додека вториот ја потврдува, а всушност и двајцата ја исповедуваат својата вера во воскресението. Оваа практика и до ден-денес е запазена во Светото послание, па верниците со овој поздрав се поздравуваат сè до Христовото вознесение, Спасовден.Црвената боја има симболика на победа. Нејзиното значење на овој голем христијански празник е дека Господ Исус Христос со своето воскресение ја победил смртта. Црвената боја ја претставува божјата сила и моќ, а водено ја симболизира и Христовата крв, која Исус ја пролеал на крстот за спасение на сите луѓе на земјава. Така, бојата на јајцето нè потсетува на крвта Христова и спасението.Според хронологијата на Христовите настани забележани во Евангелието, се знае дека на Величетврток, Господ Исус Христос на Тајната вечера ја востановил Светата тајна причест (Евхаристија), земајќи ги за основа лебот и црвеното вино, кои се претвораат во Христовото тело и крв. Оваа света тајна – Евхаристија е дадена за спасение на луѓето, а за основа ја има Христовата крв.Затоа црвената боја, симболизирајќи ја Христовата крв од светата причест ги украсува велигденските јајца. Како што бојадисаните црвени јајца од Величетврток се јасна најава за блискоста до Велигден, така и тогаш, на Величетврток на Тајната вечера, Христос јасно најавил и кажал дека наскоро ќе биде предаден, ќе пострада и ќе воскресне.Според Светото предание, се смета дека Марија Магдалена, една од жените мироносци прва го започнала овој обичај за велигденските црвени јајца.Се вели дека Марија Магдалена наскоро по Христовото вознесение (Спасовден) го напуштила Ерусалим и тргнала по светот да го проповеда Евангелието.Во Рим таа побарала да појде и кај римскиот император Тивериј, со цел да му раскаже на царот за Господ Исус Христос. На средбата, таа на царот најнапред му подарила едно црвено јајце и го поздравила со зборовите Христос воскресе.Потоа му раскажала за сè што учел Христос, за неговите добри дела и чуда што ги правел на луѓето.Следејќи го нејзиниот пример, првите христијани започнале да си подаруваат црвени јајца на празникот Велигден и притоа да се поздравуваат Христос воскресе – вистина воскресе!

Македонија | пред 1 година

Бранка Костиќ-Марковиќ емотивно за Поп-Симонов: Толку знаење за многу работи, нека ти е вечна слава маестро

Бранка Костиќ-Марковиќ која е магистер по етномузикологија, речиси две децении новинар и музички уредник во ТВ „Телма“, а потоа уредник во издавачката куќа „Арс Ламина“, се прости со музичкиот великан Тоше Поп-Симонов.„Тоше, знам дека партал ќе ме направеше сега што те фалам. Но, не можам да ја премолчам твојата импозантна биографија што ја имав за проектот „Гитарџиски муабети“ што почнавте да го спремате со Мичо и Венко во 2021/2022 година, а што мораше да го откажеш заради предизвиците со здравјето што те затераа. Знам дека тоа ќе беше врв на твојот ќеиф за музиката. Извини, морам да ги споделам овие редови што сам ги издвои од раскошната кариера, зашто тргнаа објавите за твојата музичка големина, па нека послужат како потсетник за тоа што сѐ направи за македонската музика. Последната песна што задоволно ми ја прати да ја слушнам беше оваа за Бени и Нон Стоп. Ти кажав што убаво свилено звучи. А целосно твоја и компонирана и отсвирена. Никогаш, после толку муабети, не се откажував од идејата да ми дадеш интервју пред камера. Ама пуст цврст став, бетер и од мојот имаше. И го почитував тоа. Само жал ми е и цел живот ќе ми биде жал. А за докторските совети, во најстресните моменти... Толку знаење за многу работи. Нека ти е вечна славата маестро“, напиша Костиќ-Марковиќ, испишувајќи ја целата негова биографија:ТОШЕ ПОП - СИМОНОВ10.1962 г. во Скопје.Со музика активно се занимава од 1976.Основач и член на повеќе вокално-инструментални состави, меѓу кои: ПОСТ СКРИПТУМ, ТАРТИФ, БАСТИОН, УРБАН, РАСКОЉНИКОВ, АСТОРИА, СТУДЕНИ НОЗЕ, К-15...Сопственик на првото приватно продукциско аудио студио во Македонија, ”АУДИОЛАБ”, кое започнува да работи на 15.05.1985. Во јануари 1991, студиото прераснува во прва приватна издавачка музичка куќа, под истото име.Како продуцент, до сега е потпишан на повеќе од 700 проекти, издадени во Републиката и поранешните Југословенските простори. Има работено на проекти од сите жанрови, од дела за мал состав, до комплексни сценско-музички формации.Дел од списокот на клиенти и проекти:АНАСТАСИЈА, МИЗАР, АРХАНГЕЛ, МЕМОРИЈА, ТОШЕ ПРОЕВСКИ, ДАРИО И МИГ 21,ВЛАДО ЈАНЕВСКИ, РИСТО БОМБАТА, СТУДЕНИ НОЗЕ, ЕНА ВЕКО, ЛОЛА В. ШТАЈН,ДУО ТРИО, ДУЛЕ И КОКИ, ДЕН ПОТОА, ЛАСТ ЕКСПЕДИШН, ЕКСИК, КАРОЛИНАГОЧЕВА, АРБЕН ШАКИРИ-БЕНИ И НОН СТОП, ВЕРИЦА ПАНДИЛОВСКА, МАЈАГРОЗДАНОВСКА, ОЛГИЦА ХРИСТОВСКА, ТАЊА КОЧОВСКА, МИКИ ЈОВАНОВСКИ-ЏАФЕР, КУКУ ЛЕЛЕ, РЕБЕКА, КРИСТИНА АРНАУДОВА, МАКФЕСТ, ИНТЕРФЕСТ,СКОПСКИ ЏЕЗ ФЕСТИВАЛ, АНТОЛОГИЈА НА МАКЕДОНСКАТА НАРОДНА МУЗИКА …Се наоѓа на официјалната листа на продуценти на интерконтиненталниотмузички концерн “ПОЛИГРАМ”.Освен со музичка продукција, се занимава со компонирање и пишување аранжмани и текстови за свои и туѓи композиции. Како продуцент,композитор, аранжер и текстописец има учествувано на сите фестивали на популарна музика во Републиката.Член на селекционата комисија на “МАКФЕСТ” (‘91-’93)Член на стручното жири на “МАКФЕСТ” (‘91-’93)Член на селекционата комисија на “СКОПСКИ ФЕСТИВАЛ” (’95)Продуцент на “МАКФЕСТ” ’87, ’89, ’91, ’92, ’93;Продуцент на “ИНТЕРФЕСТ” ’94 и ’95;ПОВАЖНИ АКТИВНОСТИ, ДЕЛА, НАГРАДИ И ПРИЗНАНИЈА:1981 - најслушана група на брановите на Радио-Скопје;1984 - 2-ра награда на “РОК-ФЕСТ” ’84;1987 - награда за најдобар текст на “МАКФЕСТ” ’87;1989 - албум на годината;1992 - 1-ва награда од публика и 2-ра награда на стручно жири “МАКФЕСТ” ’92;1992 - титула на аранжер на година, доделена од свечаната академија на МРТ;1993 - признание за најслушана песна на годината на програмите на МРТ;1993 - титула на продуцент на година, доделена од свечаната академија на МРТ;1994 - продуцент на музиката за филмот “ПРЕД ДОЖДОТ” , добитник на“ЗЛАТНИОТ ЛАВ” во Венеција;1995 - 2-ра и 3- та награда на Македонското радио за песна на годината;1995 - титула на продуцент на година, доделена од свечаната академија на МРТ;1996 - титула на продуцент на година, доделена од свечаната академија на МРТ;1997- продуцент на најслушана песна на годината;1999 - најслушана композиција помеѓу двата фестивала МАКФЕСТ2000;2000 - награда за најдобар текст на ЕУРОСОНГ 2000;2001 – комплетен автор на композицијата добитник на награда за интерпретацијаМАКФЕСТ2001;2003 – добитник на 6 награди(музика, текст, аранжман, публика, стручно жири игранд при) на Интернационалниот фестивал во Бихаќ, БиХ;2004 – автор на музика за претставата “Хомо Еректус” на режисерот СашоМиленковски, во изведба на ансамблот на Драмски театар – Скопје;2006 – комплетен автор на музиката и тонската постпродукција на филмот“Тајната книга”;2007 – автор на музиката за драмската претстава “Совршенство или смрт” нарежисерот Владо Цветановски, во изведба на прилепскиот театар,претстава којапочесно го отвори фестивалот “Војдан Чернодрински” таа година;2009 – автор на музиката за театарската претстава “Осмото светско чудо” потекст на Jордан Плевнеш, во режија на Владо Цветановски и изведба наНародниот театар на Битола;2019 - Макфест 2019 –автор на музиката и аранжманот за композицијата „Не ѝпризнавај“ во изведба на групата Фрајле од Нови Сад, Република Србија идобитник на III награда од стручното жири на Фестивалот;2019 - Макфест 2019 – комплетен автор на композицијата „Си одиш ти„ воизведба на Трајче Георгиев;2021 - Автор на шпица и музички подлоги за серијата „Опуштено“, емитувана наТВ Алфа на почетокот на 2021;2021 - Медиски организатор и автор на авизо и џинглови за VIII SEE Symposiumon vegetables and potato under auspices of International Society for HorticulturalSciences (ISHS), септември 2021;2021 - Преработка и аранжман на композицијата „Оган под звездите“ од ПетарГеоргиевски/група Меморија;2021 - Комплетен автор на композицијата „Вака не може“ во изведба на АрбенБени Шаќири.ВИДЕО ПРОДУКЦИЈА:ДОКУМЕНТАРНИ ФИЛМОВИ:“Заборавени”, “Ветрен”, “Адам и Ева”, “Џоломарите” репортажа за музејот наМерцедес во Келн, “Народните инструменти на Македонија”,“Хидроакумулативните капацитети на Македонија”, “Алтернативи на метилбромидот”, “Одгледување на бројлери”, “Одгледување на земјоделски култури возаштитени простори”, “Основи на сточарското производство”, “Јагоди”“Поврзаноста на Охридското и Преспанското езеро”...ВИДЕО СЕРИИ:“Фантастик мјузикленд”, “Анфас”, “Зоки Поки”

Коментари | пред 1 година