Од Скопје до Париз нова линија со авиокомпанијата Изиџет

Имаме две добри вести, првата е дека конечно ќе се воспостави директна линија од Скопје до Амстердам, што е огромна можност за туризмот, со оглед дека Македонија е популарна дестинација за Холаѓаните. И најновата вест е дека авиокомпанијата Изиџет формално поднесе документи во министерството за Скопје-Париз до аеродромот “Орли”, кој што е најблиску до центарот на Париз, најави вицепремиерот и министер за транспорт Александар Николоски.Тој потенцираше дека во наредниот период се очекува да бидат потврдени уште 3-4 дестинации до кои ќе се лета од македонските аеродроми. Во однос на состојбата во која како министер ги затекнал аеродромите во државата, тој истакна:“Во услови каде приштинскиот аеродром го заминува скопскиот, а охридскиот ќе добие сериозна конкуренција во аеродромот во Валона кој што се гради во моментов, како и во помалите грчки аеродроми во северниот дел на Грција, сфатив дека мора да направиме драстична промена. Таа промена ја направивме со политиката на субвенционирање на летови, каде што прво субвенциите ќе одат по патник кој што доаѓа во Македонија, а не по патник кој што заминува од државата, како што правела претходната власт. Второ, драстично се зголемени субвенциите, и за охридскиот аеродром се повисоки од скопскиот, со цел привлекување на туристи. Тоа ги даде првите резултати и веќе имаме 8 нови линии. Од Скопје ќе се лета до Дубаи, Барселона, Лион и Штутгарт, а од Охрид како дестинации се потврдени Базел и главниот аеродром во Истанбул”, истакна Николоски, кој додаде дека поврзувањето со овој аеродром во Истанбул веќе донесе и резервации на карти од Сиднеј, Вашингтон, Торонто и други светски метрополи до Охрид" потенцираше вицепремиерот Николоски.

Македонија | пред 1 година

Николоски: Изградбата на експресниот пат Куманово - Страцин - Крива Паланка е пример како домаќински треба да се работи

Експресниот пат Куманово-Страцин-Крива Паланка е првиот проект кој се завршил навреме во историјата на Македонија. Патот е од народот и за народот и ќе значи големо економско заживување на источниот дел од државата – истакна во Вечерното шоу на Богдан Илиевски, вицепремиерот и министер за транспорт Александар Николоски.“Станува збор за еден прекрасен проект, со четири ленти, две од едната и две од другата страна, каде дозволената брзина е 110км на час. Овој пат ќе значи заживување на источниот дел на државата и е главна артерија за поврзување со Бугарија. Она што е исто значајно е што по овој експресен пат ќе почне да се развива бизнис. Очекувам од левата и од десната страна на патот да почнат да се развиваат стопански субјекти и фабрики, кои што ќе вработуваат нови луѓе, како и трговски центри, магацини, бензиски пумпи и се она што носи развој со изградба на една ваква делница”, истакна Николоски.Министерот потенцираше дека затекнал катастрофална состојба на овој патен правец, каде еден од изведувачите целосно ги напуштил работите, а проблеми имало и со недостатокот на работници и надзорот.“Со судни маки успеавме да ги вратиме работниците назад и да обезбедиме надзор. По најголем дел од трасата косините не беа заштитени, а на најголем дел од трасата немаше ниту капка асфалт или поточно на 17,5 км од 25 км воопшто немаше асфалт. Немаше ограда, немаше банкини, немаше еластична ограда, немаше канали изведени, сигнализација и се она што е дел од уредување на еден пат”- истакна министерот Николоски.Во однос на тоа како работите се завршија во рок од 6 месеци, а притоа имајќи ги во предвид сите недостатоци, Николоски потенцираше дека за прв пат во изградбата на еден патен правец во Македонија се применија нови методи.“За прв пат се примени асфалтирање на ниски температури, со што целосно се промени динаминката на изградба. Прв пат Македонија виде дека може да се работи под рефлектори. Немаше класично работно време од една смена, туку се работеше во три смени. Трето, прв пат Македонија виде дека може да се работи на дожд, секако со заштита на работниците. Четврто, прв пат Македонија дека може паралелно да се работи на повеќе сегменти од патот и петто, за прв пат се мобилизираше толкав број на работници и машини кои работеа во исто време”, потенцираше Николоски, кој најави дека во 2025 година ќе следуваат многу нови проекти и позитивни вести.

Македонија | пред 1 година

За починатото бебе мора да има одговорност, катастрофата во здравството не може се крие, вели СДСМ

„Состојбите во здравството се влошуваат од ден на ден. Алармантно расте бројот на смртните случаи, 20 бебиња почнаа во изминатите 7 месеци, се влошуваат услугите за граѓаните“, вели СДСМ и додава:Мора да има одговорност за она што се случува, мора да има одговорност за починатите бебиња.Јавноста е сведок дека има обиди да се заташка последниот случај со смртта на седуммесечно бебе на Клиниката за детски болести, кое било одбиено за хоспитализација, без да се издаде никакво образложение за причините.Зошто бебето не било примено? Зошто немало специјалист кога го донеле бебето во болница? Кој е одговорен за ова?Клучното прашање е кого штити Таравари? Себе си? Неговиот кадар Мемеди? Ова е недозволиво.Министре за здравство Таравари, се работи за деца, ова се трагични бројки, заедно со директорот на Клиниката за детски болести Мемеди, треба излезете и да си поднесете оставки.Болниците кубурат со основни медицински материјали, листите за чекање се огромни, а новопоставените директори ги заплашуваат здравствените работници за да не зборуваат јавно за проблемите во здравството.Катастрофата во здравството не може да се крие. Одговорност мора да има!

Македонија | пред 1 година

(Видео) Во солзи зборуваат како изгубиле се во пожарот во Лос Анџелес: „Имаме само тоа што го носиме“

Пожарот во Лос Анџелес се уште не е под контрола. Најмалку десет луѓе загинаа, над 180.000 се евакуирани. Уништени се илјадници домови. Меѓу нив е куќата на Валтер и Јалда Сика во Алтадена, кои таму ги поминале последните 40 години.„Ние стоиме овде без ништо“, изјави Валтер за локалната станица KABC додека видно се бореше со емоциите.Двојката со безбедносната камера го снимила моментот кога пламенот се приближил до нивниот дом на врвот на Алтадена драјв. Иако се надеваа дека ќе имаат каде да се вратат, пожарот ги проголта сите куќи. И покрај се, Јалда Сис останува решена да го обнови нивниот дом.„Преплавен сум со емоции. Не знам како ќе поминеме низ ова, но знам дека ќе го поминеме. Ќе биде долг процес. За жал, има толку многу луѓе во иста ситуација. Навистина катастрофално“, изјави таа за локалниот KABC.Нивните највредни работи сега пеплосани, освен неколкуте основни работи што ги донеле со себе за време на евакуацијата, а ги спасиле и нивните две кучиња, пренесува CNN.„Ова е мојот дом. Отсекогаш сум сакала да живеам во Алтадена. Ќе најдам начин“, цврсто рече Јалда.„Дојдов да видам дали останало нешто од куќата. Сè е таму. Мајка ми почина, сите нејзини работи останаа таму, имам само неколку спомени. Венчаницата, венчалниот албум, целата облека. Ние го имаме само она што го носиме“, расплака за Би-би-си млада жена која изгубила се во пожарот додавајќи: „Целиот мој живот остана таму“.

Свет | пред 1 година

Врховниот суд ја отфрли жалбата против Трамп: денеска ќе му се пресуди за плаќање порно-актерки

Врховниот суд на САД во Вашингтон синоќа пресуди дека пресудата за новоизбраниот американски претседател Доналд Трамп во случајот за перење пари во Њујорк може да се одржи според планираното денеска, отфрлајќи ја итната жалба на адвокатите на Трамп.Адвокатите бараа одложување на пресудата за 34-те кривични дела на Трамп, што доаѓа само 10 дена пред тој да положи заклетва како американски претседател.Одлуката е голем пораз за 78-годишниот Трамп. Пред да оди во Врховниот суд, жалбите на Трамп веќе беа отфрлени од понискиот суд. Сепак, пресудата веројатно нема веднаш да има влијание врз неговото претседателствување.Судиите беа поделени, четворица конзервативци - Кларенс Томас, Семјуел Алито, Нил Горсух и Брет Кавано - го поддржаа барањето, додека мнозинството од пет судии го отфрли.Одлуката делумно се заснова на ставот дека казната ќе има минимално влијание врз одговорностите на Трамп како иден претседател.Случај за тајни плаќања со голема публицитет се однесуваше на незаконското прикривање на 130.000 долари во исплати на порно ѕвездата Сторми Даниелс. Поротниците се согласија дека Трамп платил за молкот на актерката во обид да добие предност на претседателските избори во 2016 година, на кои победи.Трамп треба да положи заклетва како американски претседател во Вашингтон на 20 јануари, откако ја победи демократската кандидатка Камала Харис на претседателските избори во 2024 година.

Свет | пред 1 година

Кремљ ги спореди најавите на Трамп за заземањето на Гренланд со руските анексии во Украина

Портпаролот на Кремљ, Дмитриј Песков, го коментираше предлогот на новоизбраниот американски претседател Доналд Трамп за преземање на Гренланд, повлекувајќи паралели меѓу планот и руската анексија на неколку украински региони.Русија долго време се обидува да ги оправда пред меѓународната заедница своите анексии на украинските региони Луганск, Доњецк, Херсон и Запорожје од септември 2022 година. Во својот коментар, Песков нагласи дека Русија внимателно го следи развојот на ситуацијата околу изјавите на Трамп за Гренланд, автономен остров под суверенитет на Данска, кој е стратешки важен поради неговата позиција во Арктичкиот круг и богатството од природни ресурси.Песков им рече на новинарите дека американскиот претседател треба да ја земе предвид волјата на народот на Гренланд, правејќи паралела со односот на Русија кон жителите на регионите незаконски анектирани од Русија.„Од Вашингтон доаѓаат различни изјави за почитување на мислењето на населението“, рече Песков.Во текот на 2022 година, Русија одржа референдуми на окупираните територии на Украина, кои украинските власти и западните земји ги осудија како нелегални и лажни. Добиените извештаи укажуваат на присуство на вооружени групи кои со закани ги принудувале жителите да учествуваат во гласањето. Украинскиот претседател Володимир Зеленски изјави дека овие референдуми претставуваат злосторство против меѓународното право и украинскиот народ.Исто така, Русија во 2014 година илегално го анектира Крим, кој е меѓународно признат како дел од Украина. Случајот со Гренланд Песков го користи како пример за да ги истакне противречностите во западниот пристап. „Европа на изјавите на Трамп реагира срамежливо, тивко, речиси со шепот“, нагласи Песков.Изјавата на Трамп за преземање на Гренланд предизвика реакции ширум светот поради потенцијалните геополитички последици. Овој остров, со население од околу 56.000, е дом на важна база на американските вселенски сили и е клучна точка на интерес поради своите ресурси и стратешка локација. Изјавата на Песков е дел од поширокиот наратив со кој Русија се обидува да ги легитимира своите агресивни територијални потези, а во исто време ги критикува постапките на западните сили.

Свет | пред 1 година

Се заканувале, запалиле автомобил, а целта била да изнудат пари - детали за случај од Штип

Основното јавно обвинителство Штип донесе Наредба за спроведување истражна постапка против двајца соизвршители на кривични дела – Изнуда од член 258 став 1 и Предизвикување општа опасност од член 288 став 1 од Кривичниот законик.Осомничените, во последните неколку дена од старата година, испратиле повеќе заканувачки пораки кон трето лице, изнудувајќи му парични средства.Соочен со сериозни закани кон сопствениот и животите на членовите на своето семејство, оштетениот ги пријавил осомничените, по што на 4 јануари била организирана средба за да им предаде 30.000 денари. Полициски службеници ги затекнале при обидот да ги преземат паричните средства и ги уапсиле.Во текот на претходната постапка, Основното јавно обвинителство Штип обезбеди докази кои даваат основано сомнение дека истите лица на 16 декември, пред зграда на улицата “Сремски фронт” во Штип намерно запалиле паркиран автомобил “Сеат леон” сопственост на една оштетена. На тој начин со умисла предизвикале значителна опасност за животот и телото на луѓето.Јавниот обвинител до судијата на претходна постапка од Основниот суд во Штип достави предлог за определување мерка притвор за осомничените, поради опасноста од бегство, можноста да влијаат врз сведоците или да ги повторат делата. Судот го прифати предлогот и им определи притвор во траење од 30 дена.

Македонија | пред 1 година

Армијата излезе на улица да ги спречи грабежите, бројот на жртвите расте, едно лице осомничено за подметнување пожар уапсено

Во евакуираните населби на Лос Анџелес во тек се грабежи од големи размери, па е донесена одлука војската да влезе низ улиците на градот.- Експлоатацијата на евакуираните заедници е апсолутно болна. Грабежот нема да се толерира - изјави гувернерот на Калифорнија, Гевин Њусом во соопштението на Икс за доаѓањето на воените офицери.Најмалку 20 лица се уапсени под сомнение за грабежи за време на пожарот.Судскиот лекар на округот Лос Анџелес во сојузната држава Калифорнија во Соединетите Американски Држави изјави дека бројот на загинати во пожарите кои беснеат во областа околу градот Лос Анџелес се искачи на 10, пишува The Guardian.Американските власти соопштија дека пожарот во Итон во областа Пасадена, Калифорнија изгоре 5.540 хектари и дека ниту еден од неговите сегменти не е под контрола. На негово гаснење работат 1396 вработени во итната помош.Потврдено е дека уништила 972 згради и оштетила 84 од нив Се проценува дека всушност уништила меѓу 4.000 и 5.000 згради.Пожарникарите се 37 отсто под контрола на пожарот Херст кој ја зафати долината Сан Фернандо. Изгорел површина од 312 хектари. Го гаснат 477 вработени во итната помош.Пожарот Кенет што ја зафати заедницата Вест Хилс во округот Лос Анџелес повеќе не се шири. Триесет и пет отсто од пожарот е под контрола на пожарникарите, а досега изгореа 388 хектари земја. Околу 400 пожарникари го гаснат.Гувернерот на Калифорнија, Гевин Њусом, изјави дека повеќе од 8.000 лица од службите за итни случаи и 600 членови на Националната гарда на Калифорнија работат на гаснење на пожарите околу Лос Анџелес. Во гаснењето учествуваат 991 противпожарно возило и 40 хеликоптери.Шерифот на округот Лос Анџелес, Роберт Луна, на прес-конференција рече дека не сака да даде точна бројка додека тимовите кои ги пребаруваат опустошените области не се уверат во бројките. Сепак, врз основа на катаклизмичните размери на пожарите, тој очекува бројката да се зголеми.„Изгледа како атомска бомба паднала на овие области. Не очекувам добри вести“, изјави Луна.

Свет | пред 1 година

Трудо: Трамп сака да го одвлече вниманието од влијанието на царините со неговите изјави за припојувањето на Канада кон Америка

Канадскиот премиер Џастин Трудо во средата изјави дека коментарите на новоизбраниот американски претседател, Доналд Трамп, за можна анексија на Канада се тактика дизајнирана да го одвлече вниманието од влијанието на неговите предложени тарифи.Трамп, кој рече дека ќе воведе царини од 25 отсто на сите канадски увозни производи, освен ако официјална Отава не ја засили граничната безбедност, во вторникот рече дека може да употреби „економска сила“ за да ја направи Канада 51-та американска држава.„Она што мислам дека се случува е дека претседателот Трамп, кој е многу вешт преговарач, некако им го одвлекува вниманието и ги збунува луѓето со овие изјави“, изјави Трудо за Си-Ен-Ен.„Нафтата, гасот, струјата, челикот, алуминиумот, дрвото, бетонот и сè друго што американските потрошувачи купуваат од Канада одеднаш ќе станат многу поскапи ако тој продолжи со овие тарифи“, истакна тој.Трудо, кој оваа недела рече дека шансите на Канада да стане дел од Соединетите држави се приближно исти како снежни топки во пеколот, повтори дека Отава ќе воведе контрамерки доколку Трамп ги следи неговите најави.Трудо потсети дека за време на билатералниот трговски спор во 2018 година, Канада воведе тарифи за кечап Хајнц, карти за играње, бурбон и мотоцикли Харли Дејвидсон - „работи што ќе им наштетат на американските работници“.Но, тој додаде дека Канада не сака да го стори тоа бидејќи ги зголемува цените за Канаѓаните и го повредува својот најблизок трговски партнер.

Свет | пред 1 година

Зеленски рече дека Западот ветил дека ќе испорача уште две милијарди долари воена помош

Украинскиот претседател Володимир Зеленски изјави дека последната од серијата состаноци со западните сојузници во Германија резултирала со ветувања за дополнителни две милијарди долари воена помош во војната против Русија.Зборувајќи за ТВ каналот Моја Украина по состанокот во четвртокот, Зеленски даде неколку детали за помошта, велејќи дека 34 земји ветиле поддршка во различни аспекти.Тој го оцени состанокот како „многу добар“, истакнувајќи дека на него биле ветени дополнителни пакети за поддршка на Украина во вредност од две милијарди долари, кои вклучуваат противвоздушна одбрана, информатичка технологија, технологија за деминирање, а поддршката важи и за поморските и воздушните сили и артилерија.„И сето тоа ќе ја зајакне Украина“, рече Зеленски, без да открие за кои земји зборува.Зеленски вчера беше на средба со сојузниците во американската воена база во Рамштајн, Германија, на која беше спомената висината на помошта вредна околу половина милијарда долари. После тоа, украинскиот лидер во Рим се сретна со италијанскиот премиер Џорџо Мелони, со кого разговараше за подобрување на украинската противвоздушна одбрана и напорите за формирање на единствен став со цел да се придвижи кон решавање на војната.Инаку, потсетува Ројтерс, американскиот државен секретар Антони Блинкен претходно изјави дека Вашингтон ќе и даде на Украина дополнителна воена помош од 500 милиони долари, вклучувајќи ракети за противвоздушна одбрана, муниција воздух-земја и опрема за поддршка на борбени авиони Ф-16.

Свет | пред 1 година

Трамп им се закани на своите сојузници за неколку дена, се плашам да предвидам што ќе се случи, Наѓи

Во последната недела светот беше сведок на изненадувачките потези на Доналд Трамп и Илон Маск. Трамп, познат по својата непредвидлива реторика, испрати заканувачки пораки до американските партнери: Канада, Мексико, Данска (како претставници на ЕУ), па дури и Панама. Последново не е изненадувачки, со оглед на претходните тензии поврзани со Панамскиот канал.Давор Наѓи од партијата „Фокус“ изјави дека се плаши да прогнозира што може да се случи.„Пред една недела Трамп испрати заканувачки пораки до американските партнери: Канада, Мексико и Данска (ЕУ), но и до Панама, што всушност не е единственото изненадување. Отприлика во исто време, Маск е активно вклучен во обидите за промена на владата во Германија и Велика Британија, а не ја мрази ни Франција, но наскоро нема избори. Да потсетиме дека Маск е дел од администрацијата на Трамп. Ќе биде интересно да се следи развојот на таа ситуација. Засега САД си пукаа само во нога кога е во прашање надворешната политика“, пишува Наѓи.„За 4 години Бајден се ослободи од нередот меѓу сојузниците што го направи Трамп во неговиот прв мандат. ). Тој успеа да ги поврзе Јапонија и Јужна Кореја, Јапонија и Филипините во сојузи, а Израел и Саудиска Арабија се на работ на сојуз. Очигледно нашол заеднички јазик и со Турција за прашањето за Сирија. Тој, исто така, ја вклучи Индија во QUAD - платформа на САД, Индија, Јапонија и Австралија со цел да се задржи Кина“, додава тој.„Сите тие сега гледаат на однесувањето на Трамп кон најблиските сојузници и го мислат истото - договорите со САД веќе не важат.Тешко дека некој во ЕУ веќе може да биде сигурен дека Трамп би го почитувал членот 5 во НАТО без да бара нешто за возврат (да речеме Гренланд, па која е поентата на тоа?). Без разлика на нивото на воените трошоци на земјите членки. Да потсетиме, мандатот на Трамп се уште не е ни започнат. Значи, ова е само вовед, а заплетот допрва треба да следи. Не се осмелувам да предвидам каков ќе биде исходот. Се надевам дека ќе биде - се тресеа ридовите, се роди глушец. Но, знаеме што велат за надежта...“, пишува Наѓи.

Свет | пред 1 година

Пожар го уништува Лос Анџелес: Не се знае колку загинати, страшни приказни доаѓаат оттаму

Неколку големи пожари горат, повеќето сè уште неконтролирано, во округот Лос Анџелес. Официјални лица потврдија најмалку седум смртни случаи, но предупредуваат дека вистинскиот број на жртви ќе остане енигма, се додека истражителите не влезат безбедно во населбите. Десетици илјади луѓе беа евакуирани.Татко и син, двајцата инвалиди, загинаа во пожар во Алтадена, објави Вашингтон пост.Хаџим Вајт, жителка на Арканзас, изјави за Пост дека последен пат комуницирала со нејзиниот татко, Ентони Мичел, во средата наутро.„Тој рече: 'Душо, само да знаеш, има пожар и ќе мора да се евакуираме'“, се сеќава Вајт. „Потоа рече: „Морам да одам - ​​има пожар во дворот“.Мичел (67), пензиониран продавач и инвалидно лице, живееше во Алтадена со својот син Џастин, млад човек во раните 20-ти години, кој боледуваше од церебрална парализа. Според „Пост“, другиот син, Џордан, исто така на 20-годишна возраст, бил во болница во тоа време.Вајт добила информација дека ниту нејзиниот татко ниту Џастин не можат да се спасат од пламенот.„Не можеа да излезат“, изјави таа за Пост. Властите го известиле семејството дека Мичел е пронајден до креветот на нивниот син, што го натерало семејството да верува дека тој се обидува да го спаси Џастин."Тој не сакаше да го остави својот син. Без разлика на се", изјави Вајт за Пост.Вајт го опишала нејзиниот татко како дарежлив човек кој ги обожавал неговите четири деца, 11 внуци и 10 правнуци, објави медиумот.Неговото семејство Арканзас со љубов го нарекуваше ФаФа.

Свет | пред 1 година

Трамп: Мојата средба со Путин се договара

Новоизбраниот американски претседател Доналд Трамп изјави дека се организира средба меѓу него и рускиот претседател Владимир Путин.„Тој сака да се сретнеме и ние тоа го договараме. Тој дури и јавно го кажа тоа, и мораме да ставиме крај на оваа војна“, рече Трамп пред средбата со републиканските гувернери во Мар-а-Лаго во Палм Бич, Флорида.Истовремено, тој не понуди временска рамка во која треба да се одржи оваа средба.Враќањето на Трамп во Белата куќа на 20 јануари ги зголеми надежите за дипломатско решение за ставање крај на инвазијата на Москва на Украина која започна во февруари 2022 година, но ги зголеми и стравувањата во Киев дека брзиот мировен договор може да има висока цена за Украина, анализира Ројтерс.Имено, некои од советниците на Трамп изнесоа одредени предлози за завршување на војната, со што во догледна иднина практично ќе и се остават големи делови од земјата на Русија.Од почетокот на руската инвазија, САД под претседателот Џо Бајден и обезбедија на Украина воена и безбедносна помош вредна повеќе од 175 милијарди долари. Сепак, неизвесно е дали помошта ќе продолжи со тоа темпо под Трамп, кој рече дека сака брзо да ја заврши војната.Портпаролот на Кремљ, Дмитриј Песков, претходно во четвртокот изјави дека Путин ќе ја поздрави желбата на Трамп за контакт, но дека досега нема официјални барања. „Посоодветно би било прво да се чека Трамп да ја преземе функцијата“, рече Песков.

Свет | пред 1 година

(Видео) Уништени над 5.000 објекти, нов пожар во Лос Анџелес: состојбата е ужасна

Нов пожар избувна во Националната шума, каде гори и пожарот Итон во Лос Анџелес.- Зафатени се приближно еден до два хектари во близина на патот Биг Кањонот Тујунга. Има умерена брзина на ширење - објави Националната шума на платформата Х.Темпото на овој пожар не е толку брзо како пожарите од претходните денови. Според последните информации на противпожарните служби, пожарот во Палисадес уништил повеќе од 5.300 објекти, јавува Би-Би-Си. Пожарот се прошири на речиси 20 илјади хектари и се уште е целосно неконтролиран.Надлежните ја проценуваат штетата со воздушно извидување, ја следат состојбата на куќите, деловните згради и помалите објекти како камперите.Американскиот претседател Џо Бајден и неговата заменичка Камала Харис во моментов учествуваат на телевизиски брифинг за пожарите од Белата куќа. Федералната влада, наводно, го зголемува своето финансирање за помош „на 100 отсто“, рече Бајден, објаснувајќи дека ќе ги покрие сите трошоци во следните 180 дена.Тие пари ќе бидат искористени за плаќање за отстранување на отпадоци, привремени засолништа, плати за итни случаи и „сите неопходни мерки за заштита на животот и имотот“, пишува CNN, откако гувернерот на Калифорнија Гевин Њусом побара да се зголеми процентот на одобрени финансирање до 90 проценти.Тој, исто така, одобри декларација за катастрофа што ќе им овозможи на жителите да бараат пари за да платат за потребите како што се намирници, формула за бебиња и лекови на рецепт. Нарачани се 30 противпожарни хеликоптери и авиони, како и осум воени товарни авиони Ц-130 специјално опремени за гаснење пожари.За недостигот на вода во хидрантите, Бајден објаснува дека причината е всушност прекин на струја. Тој посочува дека проблемот се решава, а напојувањето било исклучено поради загриженост дека далноводите може да предизвикаат пожар.- Кога го направија тоа, беше прекината можноста за испумпување на вода. Тоа е она што го предизвика недостигот на вода во овие хидранти - рече Бајден, додавајќи дека пожарникарите носат генератори за да го олеснат испумпувањето на водата. Камала Харис ги нарече пожарите „итни случаи“ и ги опиша сцените од Јужна Калифорнија како „апокалиптични“.– Гледаме ситуација која е исклучително динамична, многу актуелна и донекаде непредвидлива бидејќи буквално чекаме да видиме во кој правец дува ветерот – додаде таа.Харис, исто така, рече дека голем број осигурителни компании ги откажале договорите за погодените семејства, што ќе го одложи пристапот до ресурсите за да им помогнат да закрепнат, објави Би-Би-Си.Калифорнија, која се соочува со подолги и поразорни сезони на пожари поради климатската криза, долго време се потпира на затворениците во реакцијата на шумските пожари. Екипите на Калифорниското одделение за казни и рехабилитација понекогаш сочинуваа и до 30% од противпожарната сила на државата.

Свет | пред 1 година

(Видео) Сите живи претседатели на САД на погребот на Картер; „Ми недостига“, рече Бајден

Стотици луѓе присуствуваа на комеморацијата за 39-тиот американски претседател Џими Картер што се одржа денеска во Националната катедрала во Вашингтон.Како што пренесува Бета, комеморацијата почна со пристигнувањето на ковчегот со телото на Картер, обвиен со американско знаме.Сите наследници на Картер во Белата куќа кои се живи, Бил Клинтон, Џорџ Буш, Барак Обама, Доналд Трамп и Џозеф Бајден – присуствуваа на комеморацијата со нивните сопруги.„Пријателството на Џими Картер и неговиот живот ме научија дека силата на карактерот е повеќе од титулата или моќта што ја имаме. Тоа е силата да се разбере дека сите луѓе треба да се третираат со достоинство, почит и дека секој заслужува еднаква можност.” рече претседателот Џо Бајден во својот проштален говор, пренесуваат медиумите.Ова е првпат демократски кандидат да се види со новоизбраниот претседател по изборите во САД. Пред збогувањето, Трамп се ракуваше со својот поранешен потпретседател Мајк Пенс. Ова беше и првпат двајцата да бидат видени заедно во јавноста откако ја напуштија Белата куќа во 2021 година.Бајден рече дека Картер значително ги променил работите и дал пример за примерен ангажман по завршувањето на неговиот претседателски мандат. Претседателот во заминување рече дека животот на Картер е „приказна за човек кој никогаш не дозволил политичката плима да го одвлече од неговата мисија да му служи и да го обликува светот“.Од Картер се збогуваа и американската потпретседателка Камала Харис и нејзиниот сопруг, новоизбраниот американски потпретседател Џеј Ди Венс, поранешниот американски потпретседател Мајк Пенс и канадскиот премиер во заминување Џастин Трудо. Картер почина на 29 декември на 101-годишна возраст. Картер годините потоа ги помина фокусиран на меѓународните односи и човековите права што му ја донесоа Нобеловата награда за мир во 2002 година.

Свет | пред 1 година

(Видео) Се споделува снимка од Ахмети од 2001, Најчевска порача: Секој кој споделува видео со воена содржина треба да биде гонет за велепредавство

Видео во кое кружат сцени од конфликтот во 2001-ва годината, каде главна улога е лидерот на ДУИ Али Ахмети, се споделува од функционери, членови и симпатизери на партијата. Ахмети на дел од кадрите во видеото носи униформа на УЧК и порачува дека не загубил ниедна војна. Не е јасно дали ова значи дека функционерите на ДУИ, кои после 23 години веќе не се власт, се обидуваат да се заканат со дестабилизација на државата. Откако беше укинат балансерот, ДУИ и Ахмети постојано користат тактика на етнички тензии.Според професорката по право, Мирјана Најчевска, ова е кривично дело.„Споделување на видео со кое се повикува на насилно рушење на државните институции не може да биде наивно и не смее да се прикажува како минорна работа. Секој кој споделува видео со воена содржина со која се поддржува или повикува на насилно рушење на уставниот систем треба кривично да биде гонет врз основа на член 305 од Кривичниот законик“, вели Најчевска и цитира член од КЗ:„Велепредавство: Тој што со употреба на сила или сериозна закана ќе се обиде да го измени уставниот поредок на Република Македонија или да ги собори највисоките државни органи, ќе се казни со затвор најмалху пет години“.

Македонија | пред 1 година

ВЛЕН: Во Мала Речица секое утро проверуваат да не имаат некој член на црната листа

Интерпелациите за четворица министри кои се на дневен ред во Собранието, за ВЛЕН се смешни. Велат дека ДУИ е прва партија на Албанците која ги оддалечува Албанците од нивните западни стратешки партнери, заради својот криминал и корупција.„Очајнички се обидите на ДУИ да ги оцрни функционерите во Владата дека работат на некакви туѓи агенди кои ја оддалечуваат Македонија од патот кон еднаква и стабилна држава.Да се потсетиме дека најголемиот спроведувач на агендата за Српски свет беше минатата Влада на ДУИ кога жилаво се бореше да преживее Отворен Балкан иако Албанија ја напушти иницијативата по случувањата на Косово.Да се потсетиме дека Бујар Османи беше прв министер што бил домаќин на Сергеј Лавров на европско тло.Да се потсетиме дека функционерите на ДУИ во изминатите години се заблагодаруваа на Србија и Вучиќ за тоа што им ја покрива неспособноста при набавка на вакцини и гас.Да се потсетиме дека Артан Груби и Рамиз Мерко се на црна листа на Америка поради уривање на правната држава, а со себе ги повлекоа и своите фамилии. Најотворана веб страница во Мала Речица е таа на Стејт департментот. Секое утро проверуваат да не имаат некој член на црна листа.Да се потсетиме дека ДУИ е партијата која зема пари за фиктивни лиценци за игри на среќа од разни балкански криминалци. Партенери им се луѓето од српското подземје.Работењето на ДУИ е целосно во спротивност на препораките од стратешките партнери на Македонија, ЕУ и САД.Се почесто ДУИ се поистоветува со делувањето на Левица. Седењето еден до друг во собраниските клупи очигледно ги доближува.Интепелациите на ДУИ се смешни. Жално е на кое ниво падна партијата одејќи по паметот на Артан Груби и Бујар Османи. На Албанците во Македонија им треба сериозна опозициска партија, а не криминална структура која е спремна секого да продаде во обид да се заштити”, стои во соопштението на ВЛЕН.

Македонија | пред 1 година

Јаневска: 38 милијарди денари за образованието и науката во 2025 година, усвоен најголемиот буџет досега

Образованието во 2025 година ќе се финансира со буџет од 38 милијарди денари. Најмногу досега, затоа што Владата и министерството имаат намера да го забрзаат развојниот процес во вистинска насока. Предвидени се повеќе пари за капитални инвестиции со кои ќе се поддржи процесот на оптимизација на училишната мрежа, повисоки плати за наставниците во основните и средните училишта, но и за вработените во високообразовните установи. Ќе се унапреди ученичкиот и студентскиот стандард, а средствата за наука речиси двојно се зголемуваат.За ова денеска на прес конференција информираше министерката за образование и наука проф. д-р Весна Јаневска, додавајќи дека почнува да се менува лошата реалност во образованието создадена во изминатите неколку години со импровизација и кабинетски одлуки, а без конкретен долгорочен план и консултации со стручната јавност и засегнатите.„Годинашниот буџет е за 6 милијарди денари поголем од првичниот во 2024. Зголемени се блок дотациите за сите општини за 1,5 милијарди денари, затоа што е најавено покачување на платите на вработените во училиштата и тоа за 7% од месец март. Повисоки плати од месецов добиваат и вработените во високообразовните установи и тоа наставниот кадар за 14%, а ненаставниот за 8%“, рече Јаневска, изразувајќи очекувања дека ова јакнење на економската стабилност, ќе биде стимул за дополнителна заложба на наставно – научниот кадар кон поквалитетно образование.Министерката истакна и дека ќе биде поддржан процесот на оптимизација на училишната мрежа, како и воведувањето на едносменска работа и продолжен престој за учениците, што ќе подразбира и вложувања во изградба, адаптација и опремување на просторни капацитети.„Започнуваме со анализа за адаптација на 100 училишни објекти за работа во една смена, по чие завршување ќе следи проектирање и реализација на градежни активности и за оваа намена, во преговори сме со Светска банка за обезбедување на 500 милиони денари“, додаде Јаневска.Парите за студентски стандард се зголемуваат од 1,4 милијарди денари на 1,8 милијарди денари. Освен зголемување на дел од правата како субвенционираниот оброк и обезбедувањето на бесплатен јавен превоз, МОН се фокусира и на подобрување на катастрофалните услови во студентските домови, за кои, како што рече Јаневска, претходната Влада немаше слух, иако повеќе пати беа ветувани изградби на цели студентски градови.„Два дома веќе се реконструираат и ќе се завршат до крајот на годината, а целиот процес со опфат на сите домови ќе заврши во текот на мандатот на Владата“, рече министерката, потенцирајќи и дека во буџетот за 2025 година предвидено е зголемување на средствата за ученички стандард за 110 милиони денари, односно обезбедени се 621 милион денари.За науката пак, буџетот е зголемен двојно повеќе, односно од сегашните 380 на 680 милиони денари.„Развојните политики на Министерството за образование и наука се креираат во соработка со бројни домашни партнерски организации и здруженија, но и со меѓународната заедница и меѓународни партнери, на кои сум им бескрајно благодарна и очекувам поддршката да се интензивира“, нагласи Јаневска, изразувајќи благодарност и до претседателот на Владата, министерката за финансии и сите пратеници кои во интерес на граѓаните и поквалитетно образование, го поддржаа усвојувањето на новиот буџет.

Македонија | пред 1 година

Министерството за надворешни работи со осуда: Ваквата недолична изјава на Костадинов, очекуваме од официјална Софија да биде отфрлена како непримерна

Министерството за надворешни работи и надворешна трговија на Република Северна Македонија силно ја осудува објавата на лидерот на бугарска политичка партија Преродба, Костадин Костадинов, и актуелен пратеник во Народното собрание на Бугарија, на социјалната мрежа Facebook, со која изразува јасни територијални претензии кон нашата држава.„Таквите злонамерни изјави на официјални личности од бугарската политичка сцена се директен напад на суверенитетот, интегритетот и независноста на нашата држава, и истовремено се во директна спротивност со правилата и принципите на меѓународното право, немешањето на државите во нивните внатрешни работи и политиката на градење на добри меѓусоседски односи.Ваквата недолична изјава на Костадинов, очекуваме од официјална Софија да биде отфрлена како непримерна на духот и времето во кое живееме, европските стандарди кои силно ги почитуваме и спротивно на нашите залагања за обезбедување на траен мир, безбедност и просперитет во Европа и пошироко“, се наведува во соопштението на Министерството за надворешни работи.

Македонија | пред 1 година

Филипче ги осуди иредентистичките изјави на Костадинов, очекува реакција од официјална Софија и ЕУ

Лидерот на СДСМ, Венко Филипче, ги осуди, како што вели, иредентистичките изјави на претседателот на крајнодесничарската бугарска партија Преродба, Костадин Костадинов и побара реакција од Софија и осуда од страна на Европската унија.„Најостро ги осудувам иредентистичките изјави на лидерот на крајнодесничарската бугарска партија Преродба, Костадин Костадинов, со кои тој го поткопува суверенитетот и достоинството на Република Северна Македонија и негира посебниот македонски етнички идентитет. Негирањето на посебноста на македонскиот јазик, идентитет и историја претставува директно кршење на принципите на меѓународното право и основните вредности на Европската унија“, наведува Филипче.Тој ја повика и очекува официјална Софија јасно и недвосмислено да се огради од изјавите на Костадинов, кои се во спротивност со европските вредности и принципите на добрососедство. Ја повика Европската унија јасно да го осуди ваквиот однос, кој ги поткопува универзалните човекови права и европските вредности, и да покаже дека ваквите изјави немаат место во ЕУ, потенцира претседателот Филипче.Претседателот на СДСМ очекува македонската влада итно да соопшти конкретни мерки за спречување на ваквите иредентистички изјави и активности и да преземе активности за заштита на македонското национално достоинство и интереси.„Секој обид за негирање на македонската посебност е неприфатлив и директно спротивен на европските вредности за почитување на различностите“, потенцира Филипче.

Македонија | пред 1 година

Прегазен пешак во Велес, со тешки повреди пренесен во болница

Вчера во 20.00 часот во СВР Велес било пријавено дека на крстосницата од улицата „Алексо Демниевски“, улицата „Вардарска“ и улицата „Наум Наумовски“ во Велес, патничко возило „фиат пунто“ со велешки регистарски ознаки, управувано од 28-годишниот Н.Б. од Велес, удрило во пешакот С.П.(71) од Велес.Во несреќата со тешки телесни повреди се здобил пешакот, констатирани во Општата болница Велес.Извршен бил увид од увидна екипа на СВР Велес.

Македонија | пред 1 година

Фатен крадец на дело во Куманово, следува соодветна пријава

На 08.01.2025 во 13.40 часот во Куманово, полициски службеници од СВР Куманово го лишиле од слобода С.Б.(28) од Куманово.Тој бил затекнат при обид да одземе предмети од приватен имот во населба „Перо Чичо“ и исто така се сомничи дека од приватен имот на улица „Народна револуција“ одзел повеќе предмети.С.Б. бил приведен во полициска станица и по целосно документирање на случајот против него ќе следува соодветна пријава.

Македонија | пред 1 година

Владата не презема никакви мерки против загадувањето на воздухот - граѓаните ги трпат последиците, велат од Левица

„Владата на ДПМНЕ-ЗНАМ-ВЛЕН молчи, додека Скопје руши светски рекорди за загаденост на воздухот. Без разлика на ограничувањата, огромен дел од индустриските капацитети употребуваа крајно штетни горива, мазут и јаглен. И покрај алармантната состојба, најголемиот дел од јавни институции во Скопје, како основни топлива исто така ги користат мазутот и нафта. На сето ова, според нашите сознанија, во дел од индустриските капацитети и покрај забраните се согорува и отпад“, велат од Левица.„Состојбата на терен, особено во индустриските капацитети не може да се утврди. Информациите околу загадувањето за јавноста не се достапни, ниту од јавната, ниту од приватната сфера. Инспекторите не можат да констатираат неправилности, поради тоа што непосредно пред нивните проверки, сопствениците на индустриските капацитети се известени, а загадувачите своето работење времено го прилагодуваат во законската рамка.Податоците за штетноста на овие горива се одамна добро познати, но во изминатите 30 години никој не презема конкретни чекори за нивно заменување. Левица претходно предочи итни мерки кои можат да се спроведат со цел намалување на загадувањето, особено во неколкуте најзагадени градови во Македонија. За жал, откако се на власт, на ДПМНЕ, ЗНАМ и ВРЕДИ загадениот воздух не им пречи. Потсетуваме дека овие партии, го намалија Буџетот за над 50% против аеро-загадувањето, а очигледно од препораките и еколошките програми, апсолутно ништо не се спроведува.Левица бара:• Мапирање и строго казнување на големите загадувачи, кои со години функционираат без реални санкции за нивното влијание врз животната средина;• Гасификација на индустријата и домаќинствата, што ќе доведе до значително намалување на штетните емисии;• Задолжително и бесплатно приклучување на колективните станбени згради и јавните објекти кон централниот систем на парно греење (Топлификација),• Ревизија на начинот на трошење на средствата од т.н. Зелен фонд;• Насочување кон планско лоцирање индустриски капацитети, фабрики, погони или постројки подалеку од градската зона (особено кон исток).Ги повикуваме надлежните инспекторати итно да излезат на терен и извршат проверка кај потенцијалните загадувачи, што се согорува во индустриските капацитети и какво топливо користат истите, секаде каде што ќе бидат утврдени неправилности, неопходен е итен прекин на нивната работа“, се наведува во соопштението на Левица.

Македонија | пред 1 година

(Видео) Петрушевски: Сите се откажаа и извинија за Груби, само СДС не се извини зошто со години дозволија да краде

„Сите се откажаа и извинија за Груби, само СДС не се извини зошто со години му дозволија да краде. И ДУИ и Тетовскиот Универзитет сите се дистанцираат од криминалецот и бегалец Артан Груби, сите освен СДС“, кажа Бране Петрушевски, пратеник на ВМРО-ДПМНЕ.„СДС покрај ДУИ се највеќе виновни зошто на Македонија воопшто и се случи Груби. Да не беше нивната желба за власт по секоја цена или ќе воведоа постапка против Груби, или воопшто немаше да дозволат да дојде до тоа.Нема амнестија за СДС во случајот Груби. СДС знаеле од прв ден што прави Груби. Не може за влада која ја воделе заедно и која заради ДУИ опстојуваше СДС да не знае што се случувало.СДС доколку сериозно размислува како партија која сака да биде чинител во општеството, треба да се извини зошто го толерирале Груби и што не повеле постапка пред органите во нивно време. А веднаш потоа да ги повикаат на одговорност и сите нивни функционери кои тоа го овозможиле.Всушност заради вакви како Груби и многу други од нивните редови СДС и ДУИ ги протуркаа законските измени во Кривичниот законик. Спасувајќи голем број криминалци, но очигледно за среќа на државата и сите нас не можеле да ги спасат сите“, изјави Бране Петрушевски, пратеник на ВМРО-ДПМНЕ.

Македонија | пред 1 година

Филипче: ДУИ е симбол на корупција и поделби – СДСМ јасно се дистанцира

Во интервју за „Независен“, претседателот на СДСМ, Венко Филипче, одговори на прашањето за можната соработка со партиите од албанскиот блок, со посебен акцент на ставот кон ДУИ. Новинарот праша дали СДСМ би ја разгледала можноста за соработка со ДУИ или со други партии од албанскиот политички спектар, особено во контекст на коруптивната стигма и етничките тензии што ги носи политиката на ДУИ.Филипче јасно ја отфрли можноста за поврзување со ДУИ и ја нагласи потребата од политики кои обединуваат, а не делат. „СДСМ никогаш повеќе нема да дозволи да биде ставен во истата рамка или да биде подреден на било која партија, особено не на ДУИ. Коруптивната стигма која со години ја носи оваа партија е нешто од што јасно и недвосмислено се дистанцираме. Нивната реторика и постојаното подигање на етнички тензии како алатка за политичко делување е неприфатлива и опасна. Таквите политики немаат место во нашето мултиетничко општество,“ изјави Филипче.Тој ја обвини ДУИ за политички практики кои го спречуваат напредокот на Македонија. „ДУИ продолжува со овие практики, а ВМРО-ДПМНЕ само профитира и ја подгрева ситуацијата. Иако јавно ги осудуваат и тврдат дека се во конфликт, нивната неформална соработка е повеќе од очигледна. Претходните заеднички гласања во Собранието, како и мистериозното бегство на Артан Груби, за кое добивме смешни објаснувања од МВР, само ги потврдуваат сомнежите дека имаат задкулисни договори,“ рече тој.Филипче истакна дека оваа соработка создава политичка нестабилност и ги нарушува меѓуетничките односи. „Последните настани, како инцидентите на Денот на албанското знаме, се директен резултат на ваквата политика на поделби и провокации. Ова не е патот што Македонија треба да го оди. Наместо да зборуваме за економски напредок, интеграција во ЕУ и подобар живот за граѓаните, постојано се враќаме на теми кои создаваат тензии и конфликт,“ додаде тој.Во однос на идната соработка со албанските партии, Филипче подвлече дека ќе се базира на заеднички вредности и транспарентност. „СДСМ ќе работи со партии кои ги споделуваат нашите заложби за транспарентност, реформи и градење политики кои ги обединуваат граѓаните, а не ги делат. Нема да дозволиме етничките прашања да се користат како алатка за прикривање на корупцијата или неспособноста,“ заклучи тој.

Македонија | пред 1 година