Филипче: ДУИ е симбол на корупција и поделби – СДСМ јасно се дистанцира

Во интервју за „Независен“, претседателот на СДСМ, Венко Филипче, одговори на прашањето за можната соработка со партиите од албанскиот блок, со посебен акцент на ставот кон ДУИ. Новинарот праша дали СДСМ би ја разгледала можноста за соработка со ДУИ или со други партии од албанскиот политички спектар, особено во контекст на коруптивната стигма и етничките тензии што ги носи политиката на ДУИ.Филипче јасно ја отфрли можноста за поврзување со ДУИ и ја нагласи потребата од политики кои обединуваат, а не делат. „СДСМ никогаш повеќе нема да дозволи да биде ставен во истата рамка или да биде подреден на било која партија, особено не на ДУИ. Коруптивната стигма која со години ја носи оваа партија е нешто од што јасно и недвосмислено се дистанцираме. Нивната реторика и постојаното подигање на етнички тензии како алатка за политичко делување е неприфатлива и опасна. Таквите политики немаат место во нашето мултиетничко општество,“ изјави Филипче.Тој ја обвини ДУИ за политички практики кои го спречуваат напредокот на Македонија. „ДУИ продолжува со овие практики, а ВМРО-ДПМНЕ само профитира и ја подгрева ситуацијата. Иако јавно ги осудуваат и тврдат дека се во конфликт, нивната неформална соработка е повеќе од очигледна. Претходните заеднички гласања во Собранието, како и мистериозното бегство на Артан Груби, за кое добивме смешни објаснувања од МВР, само ги потврдуваат сомнежите дека имаат задкулисни договори,“ рече тој.Филипче истакна дека оваа соработка создава политичка нестабилност и ги нарушува меѓуетничките односи. „Последните настани, како инцидентите на Денот на албанското знаме, се директен резултат на ваквата политика на поделби и провокации. Ова не е патот што Македонија треба да го оди. Наместо да зборуваме за економски напредок, интеграција во ЕУ и подобар живот за граѓаните, постојано се враќаме на теми кои создаваат тензии и конфликт,“ додаде тој.Во однос на идната соработка со албанските партии, Филипче подвлече дека ќе се базира на заеднички вредности и транспарентност. „СДСМ ќе работи со партии кои ги споделуваат нашите заложби за транспарентност, реформи и градење политики кои ги обединуваат граѓаните, а не ги делат. Нема да дозволиме етничките прашања да се користат како алатка за прикривање на корупцијата или неспособноста,“ заклучи тој.

Македонија | пред 1 година

Костадинов: Нема ништо пологично од припојување на Македонија кон Бугарија

Лидерот на крајнодесничарската бугарска партија Преродба, Костадин Костадинов, во објава Фејсбук се заложи дека нема ништо пологично од припојување на Македонија кон Бугарија.„Нема ништо пологично од тоа две земји со заедничка историја, заедничко потекло, заеднички јазик и народ, како Бугарија и Македонија, да се обединат и да станат една држава“, напиша Костадинов.За ваквиот став тој е инспириран од последната изјава на новоизбраниот американски претседател Доналд Трамп за припојување на Канада кон САД, трансформирајќи ја во 51 сојузна американска држава.Костадинов не застанува тука. Тој смета дека Бугарија мора да ги потврди своите претензии и кон јужните делови на регионот Бесарабија – историска област во Источна Европа, чии две третини се наоѓаат во рамки на денешна Молдавија и мал дел на украинска територија.

Македонија | пред 1 година

Таравари: За среќа нема лекарска грешка за смртта на седуммесечното бебе

Извештајот за седуммесечното бебе кое почина на Клиниката за педијатрија покажал дека нема лекарска грешка.„За среќа нема лекаска грешка. Детето можеби било донесено предоцна, или пак болеста си го направила своето“, вели министерот за здравство Арбен Таравари.Директорот на Клиниката д-р Реџеп Мемеди изјави дека прават напори да вработат доволно кадар што ќе може да ги пружи сите услуги за малите пациенти, а се работи и за лекари и средно медицински персонал.Таравари најави дека наскоро со Мој термин ќе се овозможи и специјализнатите кои што специјализираат на сите медицински факултети да имаат простап и да можат да подготват извештај со нивно име и презиме, да не биде како до сега кога специјализантот прегледува, специјалистот е тука, а извештајот оди со специјалистичкиот факсимил.

Македонија | пред 1 година

Страв од вирусот „метапневмовирус“ не е потребен, а амбулантите се полни со пациенти болни од грип, а и со бактерии

Во Македонија до сега не се пријавени случаи на зараза со човечки метапневмовирус (HMPV), но вирусот веќе предизвика внимание во соседните земји, конкретно во Грција и на глобално ниво. Во изјава за Фактор, портпаролот на Комисијата за зарасни болести, д-р Злате Мехмедовиќ потврди дека вели дека немаме потврден случај на овој респираторен вирус и според него нема потреба од паника.„Нема потенцијал за предизвикување на пандемија налик на пандемијата предзивикана со SARS Cov2 вирусот“, вели Мехмедовиќ.Истовремено, матичниот доктор Драган Ѓоргиевски алармира дека амбулантите се преполни со пациенти болни од грип, а и со бактерии и пневмонии. Истовремено, нотира дека термини за рентген во Скопје - не се наоѓаат.„Една констатација за денешниот работен ден. Преполни амбуланти со пациенти болни од грип, а богами и со бактерии, бронхитис и пневмонии. И гледај, имаш наод на слушалка, имаш влошена лабораторија за клиничка слика и нели по правилници за пневмонија и за боледување е потребно рентген наод. И почнувам од најблиската поликлиника Јане Санданскки (рентген апаратот не работел). Клиника за радиологија ги блокирала итните упати. Инаку пневмонии и плеврални изливи се итни состојби. ГОБ 8 Септември исто. Ги проверив сите поликлиники, Идадија, Букурешт, Чаир, Битпазар и итен упат не дозволи. Единствено даде во Ѓорче Петров и гледај чудо, не работеле со итни упати, имале гужва. Епа и матичните имаат гужва. Јас денеска 90 луѓе прегледав во една смена и никој не ме праша дали сум имал гужва. Епа нека ми објасни некој каде во градот Скопје на државно да се направи рентген наод? Во сезона на грип и едно чудо пневмонии сите до една поликлиники низ градот блокирани, мислам крајно некоректно. Што ни останува на сите со наоди, да ги пратиме на Инфективна клиника и нека се создаваат колони дури и тие не ги блокираат упатите?“, прашува матичниот доктор Драган Ѓоргиевски.

Македонија | пред 1 година

Филипче: Партиските директори во болниците ги замолчуваат лекарите да не зборуваат за катастрофата во здравството

Претседателот на СДСМ, Венко Филипче, ја критикуваше актуелната Влада на ВМРО-ДПМНЕ за неспроведување на ветувањата за деполитизација и департизација, оценувајќи дека реалноста е целосно спротивна од предизборната реторика.„ВМРО-ДПМНЕ, која дојде на власт со големи ветувања за деполитизација, спроведува сурова окупација на институциите. Наместо компетентност, на чело на клучни институции гледаме партиски кадри, братучеди и блиски роднини. 'Мерит системот' на Мицкоски е всушност партиска книшка како главна квалификација за било какво вработување,“ изјави Филипче.Тој истакна дека состојбата во здравството и образованието е исто така алармантна. „Болниците кубурат со основни медицински материјали, листите за чекање се огромни, а новопоставените директори ги заплашуваат здравствените работници за да не зборуваат јавно за проблемите. Во образованието гледаме закони кои го намалуваат квалитетот на наставата и ги ограничуваат правата на учениците со посебни потреби,“ додаде тој.На крајот од годината, според Филипче, јасно е дека најголем дел од ветувањата на ВМРО-ДПМНЕ останаа само празни зборови. „Кампањата што ја водеа беше базирана на лаги, и граѓаните веќе почнуваат да ја чувствуваат тежината на тие лаги. Ако Владата продолжи со истите политики во 2025 година, состојбата само ќе се влоши,“ предупреди Филипче.СДСМ продолжува да биде глас на граѓаните, укажувајќи на пропустите и штетните политики на актуелната власт, и ќе се бори за враќање на професионализмот и компетентноста во институциите.

Македонија | пред 1 година

(Видео) Во пожарите во Лос Анџелес изгоре и куќата на Парис Хилтон

Парис Хилтон е меѓу многуте познати личности чии домови изгореа во пожарите во Лос Анџелес.Би-Би-Си го објави објави нејзиниот статус на социјалната мрежа Х каде се вели дека нејзиниот дом во Малибу „каде што направиле толку многу негувани спомени“ веќе го нема.„Моето срце и молитвите се со секое семејство погодено од овие пожари“, напиша Хилтон во објавата на социјалната мрежа X.

Свет | пред 1 година

Филипче: 2024 ја одбележа неспособноста на Владата да се справи со економските предизвици

2024 година беше обележана со целосно неконтролирани покачувања на цените во маркетите, кои претставуваа директен удар врз џебот на македонските семејства. Наместо да реагира и да ја заштити куповната моќ на граѓаните, Владата на ВМРО-ДПМНЕ дозволи овој „грабеж“ да се одвива пред нејзините очи, со целосна поддршка и пасивност на премиерот Христијан Мицкоски.„Се проценува дека десетици милиони евра се одлеани од џебовите на граѓаните во интерес на големите трговски синџири,“ истакна претседателот на СДСМ, Венко Филипче. Тој додаде дека платите, кои постојано растеа седум години по ред додека СДСМ беше на власт, сега стагнираат, а цените секојдневно растат.„Разликата меѓу приходите и трошоците на граѓаните никогаш не била поголема. Ова е јасен показател за неспособноста на Владата да управува со економијата во интерес на граѓаните. Наместо да создаде економска стабилност, Владата ги фаворизира интересите на малцинството – на бизнисите кои профитираат на штета на обичните граѓани,“ потенцира Филипче во интервју за „Независен“.Владата на ВМРО-ДПМНЕ не само што не ги исполни своите ветувања за подобрување на животниот стандард, туку ја доведе државата во економска несигурност. Платите стагнираат, куповната моќ на граѓаните се намалува, а политиките на Владата се сведуваат на служење на тесни бизнис интереси.СДСМ останува цврсто посветен на борбата за заштита на стандардот на граѓаните и обезбедување економска стабилност за сите.

Македонија | пред 1 година

Без постапки за Ахмети, Османи, Груби, тие ќе ги користат механизмите на демократијата да ја уништуваат демократијата, вели Најчевска

Професорката по право, Мирјана Најчевска, смета дека Али Ахмети, Бујар Османи и Артан Груби се водачи на мафијата наречена ДУИ. Таа смета дека на раководни структури се поставуваат и луѓе на лик, на нив. И така, според Најчевска, се уништува демократијата.„Се додека не се покренат и не се доведат до крај постапки против водачите на мафијата наречена ДУИ (Али Ахмети, Бујар Османи, Артан Груби, ...) тие ќе ги користат механизмите на демократијата да ја уништуваат демократијата.Се додека на раководни позиции се поставуваат исти такви мафијаши како што се оние на ДУИ се до тогаш демократијата и владеењето на правото нема да виреат во Македонија“, вели Најчевска.

Коментари | пред 1 година

(Видео) Би-Би-Си: „Градот тоне во хаос!“; Погледнете го егзодусот од Л.А., бегање во пижами, возење на погрешна страна, земајќи што се може...

Во моментов има најмалку седум активни пожари во Лос Анџелес и некои од неговите соседни окрузи. Двете најголеми, во Палисејдс и Итон, прво се запалија во вторникот и оттогаш заедно изгореа речиси 27.000 хектари.Само поради овие пожари, најмалку 137 илјади луѓе беа принудени да се евакуираат.„Додека возев во Холивуд, видов голем број луѓе како бегаат од своите домови со секакви работи што можат да ги понесат. Кога излегов од автомобилот, една жена ме праша дали сум тука да им помагам на луѓето и каде да одам, каде е безбедно. Над сирените се вклучија и се слушнаа хеликоптери“, јави репортерката Кристал Хејс за Би-Би-Си.Таа додаде дека луѓето пакуваат сѐ што можат – храна, облека, ќебиња, храна за домашни миленици... Младата мајка Макајла Џексон (26) била евакуирана од прифатилиштето за бездомници заедно со нејзиниот двегодишен син Рамари бидејќи им се заканувало оган.Само ни рекоа да излеземе и да си одиме“, изјави таа за Би-Би-Си. Таа се упатила во средното училиште во Холивуд, каде и била понудена дополнителна помош. На улиците на Лос Анџелес во близина на пожарот владее целосен хаос. Луѓето користат спортски панталони за да ги покријат лицата за да можат да дишат, а многумина носат чанти и куфери додека бараат места каде да одат. Некои сѐ уште се во пижами бидејќи пожарот ги шокираше. Многу патишта во близина на пожарот, вклучувајќи го и култниот Холивуд булевар, се заглавени со сообраќај, а некои дури возат на погрешната страна од патот за да избегаат од местото на настанот што е можно побрзо. Поголемиот дел од срцето на Холивуд е покриен со густ чад, од кој едвај се гледаат врвовите на палмите. Но, на периферијата на градот, се чини дека ништо не се случува. Луѓето вечераат, купуваат и тивко ги поминуваат вечерите, јавуваат репортерите на Би-Би-Си.

Свет | пред 1 година

„Дрин Ахмети во Њујорк, Мијалков во Монте Карло, Македонците во Маврово 7 саати заглавени во кола“ - што сè пишува за Мијалков и „Ферарито“

Низа коментари, критики, но и пофалби дојдоа на сметка на Сашо Мијалков, ексдиректор на УБК. „Скопје1“ прв ја објави снимката со него во Монте-Карло, како излегува од луксузно „Ферари“. Низа прашања се отворија. Особено, како со плата од УБК во просек по околу 70 илјади денари месечно, стекнал илјадници евра.Па така, ексобвинителот и актуелен адвокат, Воислав Димоски вели: „Народот има полно право да се интересира за Ферарито на Мијалков како за свое. Крајно, истото е купено со народни пари“.Бидејќи Мијалков е пуштен од затвор со пробација, пред време, поради добро однесување. Но пробацијата носи свои обврски. Не се знае кога е направена снимката која е објавена вчера, исто како што не се знае дали слободното шетање на Мијалков во Монако е согласно законите.Но има и такви му даваат поддршка на Мијалков и критиките ги упатуваат кон порталите, без разлика што Мијалков призна дека крадел од државата преку сторување на кривични дела, па призна вина и враќаше.Ова го искоментира новинарот Кристијан Ландов.Со прст е покажано и кон правосудството А споредба е направена и со обичниот граѓанин на Македонија. Други ги коментираа гревовите на Мијалков. Имаше и иронични коментари.

Коментари | пред 1 година

(Видео) Лос Анџелес гори: „Пожарникарите веќе не се ни обидуваат да спасат куќи“

Пожарникарите не можат да користат воздушни сили поради силните ветрови, изјави портпаролката на градот Лиза Дердериан. Новинарот на CBS Џонатан Виљоти објави дека пожарникарите повеќе не се обидуваат да ги спасат тие структури, туку само се обидуваат да го спречат ширењето на пожарот.Противпожарните екипи се борат со пожарот во Итон, северно од Пасадена, кој порасна на 400 хектари, но екстремните ветрови ги принудуваат авионите да слетаат, додаде таа.Во интервју за партнерската станица на Си-Ен-Ен, KCAL, Дердериан истакна дека објектите се загрозени и дека градските власти работат на организирање сместување и грижа за евакуираните.„За жал, ова е најлошото можно сценарио, за кое се надевавме дека нема да мораме да го доживееме“, рече таа.Во моментов, 10 зони се под наредба за евакуација, што значи дека постои „непосредна закана по животот“ и жителите мора веднаш да ја напуштат областа. Дополнителни 18 зони се под потенцијална закана и издадено е предупредување за можна евакуација.Шелби Кидман, која била во авион над пожарот во Палисадес, го фатила огнот од воздух.Таа изјави за Си-Ен-Ен дека видеото е снимено додека нејзиниот авион од Солт Лејк Сити се приближувал до меѓународниот аеродром во Лос Анџелес.

Свет | пред 1 година

(Видео) Мијалков снимен во Монте-Карло сосе луксузниот автомобил

Ексдиректорот на УБК и осуденик, Сашо Мијалков бил уловен во Монако, пред мишелин ресторанот „Луј 15“, со луксузен автомобил „Ферари“. Снимката, според објавувачот, е направена во Монте-Карло и истата е објавена пред 14 часа. Но не е познато кога е направена.ВИДЕО:Според цените кои се споделени онлајн, автомобилот на Мијалков, зависно од годината, може да биде од $629,990 to $709,900. Од видеото се гледа како тој пристигнува, го остава возилото на паркирање и влегува во ресторанот.И во минатото се зборуваше дека Мијалков е имотен во Монако. Со плата во просек по околу 70 илјади денари месечно, во Македонија успеа да стигне до имот вреден 30-тина милиони евра. Тој е еден од ретките Македонци кој се поврзува со таа земја. Таму студираше и неговиот син.Мијалков беше гонет, но многу дела му застареа, додека граѓаните чекаа правда. Тој доби 24 години затвор и тоа: три години за „Империја“, 12 години за прислушувањето односно „Таргет-Тврдина“, осум години за „Трезор“, 1,3 месеци затвор за „Плацови на Водно“. Од сите, ја одлежа само таа за „Империја“ и тоа во затворот во Струга, каде можеше по цели денови да биде надвор и да работи, а навечер да се враќа.Тогаш дури и јавно се отворија прашањата, дали Мијалков воопшто е во затвор.

Македонија | пред 1 година

(Видео) Угина кучето кое ѕверски беше претепано кај „Момин поток“, удирано десетици пати по тело и глава

Угина кучето Фелис, кое беше тепано во кругот на „Момин поток“ од возрасно лице, и тоа, крвнички со стап. Од ЈП Лајка, каде го третираа, напишаа дека бил дојден со тешки повреди, но заздравувањето било неизвесно.„Со бесконечна тага и огромно разочарување ви соопштуваме дека по долга, неуморна, тешка и посветена борба за спасување на животот на Феликс, тој сепак нè напушти и си го најде конечно својот вечен мир. Иако дојде со тешки повреди како сенка од куче, поразено од животот и од човечката бруталност и суровост, тој се бореше со сите можни сили, јуначки до самиот свој крај, давајќи ни верба дека можеби ќе успееме заеднички во оваа незвозможна мисија. Од самото влегување на Феликс во нашето прифатилиште до денес, неговото заздравување беше неизвесно и променливо. Покажуваше бројни подобрувања и влошувања на здравствената состојба, но за време на раните утрински часови Феликс доби напад кој за него беше фатален како резултат од многу здравствени компликации.Во последните месеци од неговиот живот Феликс, за прват беше опкружен со љубов, грижа, топлина, најубава храна и радост. Првпат имаше шанса да почувствува како е да се биде сакано куче. За жал и последен. Од срце сакаме да ви заблагодариме на сите вам кои бевте инволвирани директно или индиректно во приказната и животот на Феликс давајќа му ја сета потребна поддршка. Феликс ќе остане симбол на борбеноста која ги обедини нашите граѓани, поттикнувајќи емпатија чие влијание сè надеваме дека долго ќе не обединува, а нејзината моќ ќе нè води сите нас кон креирање што поголема благосостојба на бездомните животни“, велат од ЈП Лајка.Љубе К., 61-годишен скопјанец од Ново Село, е човекот кој со десетици удари по глава го претепа кучето , а потоа со сајла го влечеше по бетонот. За него има кривична пријава до Обвинителството, по која постапува обвинител.

Скопје | пред 1 година

ДУИ единствено се загрижени за спас од кривична одговорност на криминалците во нивните редови, реагира ВМРО-ДПМНЕ

„ДУИ се свесни дека со нив е завршено. Реториката на ДУИ е веќе видена и прочитана“, реагира ВМРО-ДПМНЕ и додава:Нашите сограѓани Албанци не паѓаат на таквите реторики на ДУИ, затоа што знаат дека ДУИ, единствено за што се загрижени е да ги спаси од одговорност пред правосудните органи криминалците во нивните редови.Тоа најдобро го отсликува случајот со нивниот, сега веќе поранешен, висок партиски и државен функционер во бегство, Артан Груби.Македонските граѓани многу добро знаат дека додека ДУИ 22 години на власт овозможи привилегии и богатство на високите нејзини функционери и на нивните роднини и пријатели, обичните Македонци, Албанци, Турци, Роми егзистенцијата ја бараа по западно европските држави.Реториката на ДУИ, со која се обидува да поттикне некаква политичка тензија и меѓуетничка нетрпеливост, нема да помине. Затоа што сите знаат, а најдобро албанските сограѓани, дека стекнатите колективни права во државата не се и никогаш не може да бидат загрозени.Единствени кои се чувствуваат загрозени се поранешните државни функционери од редовите на ДУИ кои се огрешиле пред законот, затоа што знаат дека Македонија се трансформира и дека правна држава и одговорност за сите ќе има.

Македонија | пред 1 година

Сериозните злоупотреби во безбедносно-разузнавачкиот систем, обвинителството да истражи, алармира Чулев

“Сериозни злоупотреби во безбедносно-разузнавачкиот систем, за време на претходната власт предводена од СДСМ и ДУИ”, вели Наќе Чулев кој беше ексминистер за внатрешни работи и додава:Безбедносно-разузнавачките институции не се реформирани, а во нивните рамки се направени сериозни злоупотреби кои мора да бидат предмет на истрага од страна на Јавното обвинителство. Овие злоупотреби се потврда за користење на институциите за следење и негативно етикетирање на личности, како и за обиди за спречување на промена на власта.Во контекст на наводите објавени од премиерот Христијан Мицкоски за фабрикувани конструкции за пара-полициски вооружени формации, јавно го повикувам Обвинителството да истражи зошто ваквите информации не беа доставени до МВР, иако тоа експлицитно го побаравме во неколку наврати. Имено, по преземањето на функцијата технички министер, побарав писмено, но и во рамки на работен состанок, од надлежните институции да достават информации за потенцијални безбедносни ризици во пресрет на одржување на изборите. Вакви информации, до мене, МВР, но и до владата и Советот за координација на безбедносно-разузнавачката заедница во тој период воопшто не беа доставени.Тука се поставува јавно прашањето: доколку институциите располагале со такви информации за сериозни безбедносни закани, зошто истите не беа доставени до надлежните институции во исклучително сензитивниот предизборен период и покрај тоа што истото во неколку наврати беше побарано од моја страна? Неопходно е јавното обвинителство да отпочне активности за решавање на овие отворени прашања и утврдување на сите инволвирани лица и незаконски дејствија.

Македонија | пред 1 година

Поскапуваат дизелот и бензинот - објавени новите цени

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,46 % во однос на одлуката од 30.12.2024 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,862%, кај дизелот за 3,455%, кај екстра лесното масло зголемувањето е за 3,704% и кај мазутот намалувањето е за 0,210%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,0056%.Од 9.1.2025 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 78,00 (денари/литар)Моторен бензин ЕУРОСУПЕР БС - 98 80,50 (денари/литар)Дизел гориво ЕУРОДИЗЕЛ БС (Д-Е V) 72,50 (денари/литар)Масло за горење Екстра лесно 1 (ЕЛ-1) 72,00 (денари/литар)Мазут М-1 НС 45,711 (денари/килограм)Малопродажната цена бензинот ЕУРОСУПЕР БС-95 се зголемува за 1,00 ден/лит.Малопродажните цени на бензинот ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 1,50 ден/лит.Малопродажната цена на Мазутот М-1 НС се намалува за 0,073 ден/кг и сега ќе 45,711 ден/кг.Напоменуваме дека ова се максималните цени на нафтените деривати од 00:01 часот на 9.1.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Груби остана без работа, нема да предава новинарство оти го избкраа

Артан Груби доби отказ и повеќе не е професор по новинарство на Универзитетот во Тетово.Тој бил вработен 13 години, но бидејќи беше државен функционер, работното место му беше во мирување. Кога ДУИ ги изгуби изборите, тој немаше повеќе функција и се врати на работа во август 2024 година.Бидејќи е во бегство, а полицијата го бара со меѓународна потерница, отказот му е пратен по пошта и на е-мајл.За него е почната и кривична постапка во предметот „Државна лотарија“. Ден пред претресите, Груби ја напушти Македонија и отиде за Косово. На фејсбук пиша дека е чист како солза и дека ќе се врати веднаш штом семејните обврски завршат. Но тоа не се случи. Потоа, МВР почна да го бара преку меѓународни канали. Последно, Изет Меџити, вицепремиер, кажа дека Груби се наоѓа во Албанија. Али Ахмети прво соопшти каде е Груби, па потоа, се премисли и рече дека не знае.„Не сум го сретнал Артан Груби. Тој е добро, неговата локација е секако во албанските простори, тоа е процес кој мора да има епилог. Aртан Груби не избега од Македонија. Артан Груби е подготвен да се појави пред органите на правдата, да ги почитува законите, но не во одмаздничката и селективна правда“, рече Ахмети.Потоа, Ахмети кажа дека не знае каде е Груби.На 9 декември 2024 година, Груби се најде на т.н. црна листа на американскиот Стејт департмент од каде посочија дека заедно со судија биле вмешани во значителна корупција преку примање мито за предмети поврзани со поранешниот директор на УБК, Сашо Мијалков.

Македонија | пред 1 година

(Видео) Скопје го снема, ако гледате од Водно

Скопје не се гледа од Водно. Камерите на ЈСП покажуваат дека градот е прекриен со смог, додека истовремено, е на шесто место по загаденост во светот и прв во Европа. Со вредност на нивото на штетни ПМ честички од 164 единици воздухот во Скопје е во категоријата означена со црвено како „нездрав“ воздух.Секоја зима, во Македонија го има истиот проблем. Но попроблематично е што речиси и да не се гледаат ни минимални разлики, иако граѓаните нонстоп алармираат, а политичарите постојано ветуваат. До 2022 година имаше и бесплатен автобуски превоз во загадените денови, но годинава, такво нешто нема. Градоначалничката Данела Арсовска објави неколку пати дека инспекциските служби санкционираат компании, но не се презентирани статистички податоци колку тоа помогнало до сега.

Македонија | пред 1 година

Мицкоски: Пуштен е во употреба клон од детска градинка и спортска сала во Штип, продолжуваме посветено да работиме

„Задоволство е денеска да се биде овде Штип. Сепак три проекта се значајни за квалитетот на живот на штипјани.На овој начин сакам да се заблагодарам на поканата на градоначалникот, а воедно да изразам и благодарност до членовите на Владата коишто се денеска тука со мене, но и на пратениците и на сите останати коишто денеска даваат поддршка на овие проекти, бидејќи на овој начин само ќе го направиме животот на штипјани поквалитетен.Како што кажа и градоначалникот, тука не застануваме, продолжуваме и понатаму. Веќе, ако не се лажам, следната недела ќе започне проектот којшто беше дел од оној прв повик на Владата, тоа е обиколницата, проект вреден околу 2 милиона евра и понатаму веќе од втората половина на овој месец јануари ќе го објавиме новиот повик за проекти коишто ќе бидат финансирани од Владата.Овде во Штип се планирани проекти да се финансираат во вредност од 6 и половина милиони евра за следната година и така продолжуваме и во иднина. Ја развиваме Македонија насекаде. Знаеме дека на тој начин само ќе го подобриме квалитетот на живот на граѓаните.Уште еднаш, голема благодарност до градоначалникот, до штипјани, до советниците, до администрацијата, пратениците, членовите на Владата, коишто учествуваат во сите овие проекти коишто значат подобар живот за граѓаните, што претставува и наша цел и задача, но и она коешто сме го ветиле пред граѓаните“.

Македонија | пред 1 година

(Фото) 12-годишната Агнеса од Скопје ја воодушеви публиката во „Карнеги хол“

На натпреварот American protege, кој се одржува секоја година во „Карнеги хол“, Њујорк, во декември 2024 настапи и Агнеса Русомаровска од Скопје.Учесниците се натпреваруваа во повеќе категории: свирење разни инструменти, classical singing, opera singing, broadway/theatre.12-годишната Агнеса настапи во бродвеј-категоријата со Tomorrow од мјузиклот Annie. Беше придружувана од пијано, а нумерата ја изведе без микрофон.Нејзиниот обемен и јак вокал ги воодушеви сите во „Карнеги хол“.Агнеса од Скопје беше единствениот претставник од Европа во 2024 година во сите категории.Со музика се занимава од 4-годишна возраст, а под водство на наставник пет години пее во детски хорови. Последните две години оди на поединечни часови кај Ана Костадиновска, која ја подготвуваше и за настапот во Њујорк.Под нејзино менторство Агнеса се пријави на натпреварот American Protege, а победниците беа повикани да настапат во „Карнеги хол“ во Њујорк.Претходно, Агнеса настапи на два меѓународни натпревара во Скопје, во МНТ и МОБ, каде што освои прво место.

Магазин | пред 1 година

Најмалку 126 мртви во Тибет: 400 луѓе спасени од урнатините, потрагата по преживеани продолжува

Повеќе од 400 луѓе се спасени од урнатините на Тибет погоден од земјотресот, соопштија кинеските власти во средата, додавајќи дека потрагата по останатите што не се пронајдени продолжува.Најмалку 126 лица загинаа, а 188 се повредени во силниот земјотрес што во вторникот го погоди подножјето на Хималаите во близина на едно од најсветите места на Тибет, соопштија кинеските власти.Епицентарот на земјотресот со јачина од 6,8 степени според Рихтеровата скала бил лоциран во Тингри, на околу 80 километри северно од Монт Еверест, највисокиот врв на светот, а бил почувствуван и во соседните земји Непал, Бутан и Индија. Националната управа за намалување и управување со ризици од катастрофи на Непал (NDRRMA) во вторникот соопшти дека потресите биле почувствувани во седум ридски области кои граничат со Тибет.Земјотресот бил толку силен што дел од теренот околу епицентарот се лизнал за речиси два метри, соопшти Американскиот геолошки институт (USGS). На 20 километри од епицентарот има три града и 27 села. Таму живеат вкупно околу 6.900 жители.Дваесет и четири часа по земјотресот, луѓето затрупани во урнатините, ако се уште се живи, издржале температури кои паднале многу под нулата, а спасувачите ги засилуваат напорите да најдат преживеани. Станува збор за екстремно напорна спасувачка операција имајќи предвид дека потрагата по преживеани се одвива во област со големина на Камбоџа.Температурите во областите на поголема надморска височина паѓаат до минус 18 степени Целзиусови, а луѓето заробени во урнатините или оние без никакво засолниште се изложени на ризик од хипотермија. Во овие услови, дури и кога човек не е повреден, може да се преживее од пет до десет часа.Кинеските власти допрва треба да го соопштат бројот на исчезнати лица.

Свет | пред 1 година

Креаторот на OpenAI e обвинет за силување, го тужи неговата сестра

Ен Алтман, сестра на извршниот директор на OpenAI Сем Алтман, поднесе тужба обвинувајќи го нејзиниот брат за долгогодишна сексуална злоупотреба од 1997 до 2006 година.Според поднесокот поднесен на 6 јануари во Окружниот суд на САД за Источниот округ Мисури, Ен тврди дека злоупотребата започнала кога таа имала три години, додека нејзиниот брат имал 12 години.Самиот Алтман, заедно со неговата мајка и браќата, јавно ги отфрли сите наводи во изјавата на платформата X, нарекувајќи ги тврдењата „целосно невистинити“. Во соопштението се истакнува: „Грижата за член на семејството со ментални здравствени предизвици е исклучително тешка. Оваа ситуација носи огромна болка за целото наше семејство“.Ен Алтман во тужбата наведува дека злоставувањата вклучуваат силување и тврди дека последниот инцидент се случил кога таа била малолетна, а нејзиниот брат веќе бил полнолетен. Во тужбата се бара судење поротата и финансиска штета поголема од 75.000 долари.Сем Алтман, познат по својата улога во технолошката индустрија, стана глобално препознатлив на крајот на 2022 година кога OpenAI го лансираше ChatGPT, револуционерен чет-бот базиран на вештачка интелигенција.

Свет | пред 1 година

(Видео) Погледнете ја борбата со пожарот во Лос Анџелес, апокалиптични сцени

Шумски пожар беснее низ богат дел на Лос Анџелес, уништувајќи домови и предизвикувајќи сообраќаен метеж, додека 30.000 луѓе се евакуирани под огромните облаци од чад што прекри голем дел од градот.Погледнете слики и видеа од местото на настанот.

Свет | пред 1 година

Има два затворени патишта - АМСМ за сообраќајот низ Македонија

AMCM известуваПРЕКИН НА СООБРАЌАЈ:: Мостот на река Вардар на регионалниот пат Р1312, кај Башино село е затворен за секаков вид на сообраќај.СОСТОЈБА: Сообраќајот на државните патишта се одвива во зимски услови, по претежно суви коловози.ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 15.11.2024 е затворен за сообраќај за сите видови возила.

Македонија | пред 1 година

Штетен е воздухот кој се диши: Скопје на шесто, Македонија на десето место по загаденост - полошо е во Пакистан и Бангладеш

Не е здрав воздухот кој се диши во Скопје, покажува сервисот „IQAir“. Според него, Скопје е шести најзагаден град во светот. Полошо рангирани со позагаден воздух се Ханои во Виетнам, Делхи во Индија, Дака во Бангладеш, Лахор и Карачи во Пакистан.Истовремено, Македонија е на десеттото место по најзагаден воздух во светот. Позагадено е во само во Пакистан, Кина, Таџикистан, Турција, Индија, Уганда, Бангладеш, Конго, Камбоџа.[caption id="attachment_319348" align="alignnone" width="2136"] Screenshot[/caption]Загадениот воздух ни штети на сите, но најранливи се постарите лица, децата, како и лицата со хронични срцеви и белодробни заболувања. Воздухот, како надворешниот, така и оној внатре во нашите домови, може да биде загаден.

Македонија | пред 1 година