Полициски службеници од Одделението за внатрешни работи Гостивар привеле 25-годишен жител на Гостивар, откако бил затекнат како управува возило без возачка дозвола.
Според информациите од СВР Тетово, на 31 мај 2026 година околу 21:00 часот на улицата „Седек Костовски“ во Гостивар, при сообраќајна контрола било запрено патничко возило „БМВ“ со гостиварски регистарски ознаки, управувано од Е.З. (25).
При проверката било утврдено дека возачот не поседува возачка дозвола.
Поради сторениот прекршок, возилото било одземено, а против лицето ќе биде поднесена соодветна пријава.
