„Божиновска зборува за рубини а граѓаните чекаат одговори за „Руднап“ и милионските бизниси“, вели СДСМ

СДСМ преку соопштение ја обвини министерката за енергетика Сања Божиновска дека наместо да даде одговори за прашања поврзани со „Руднап“ и други милионски зделки, во јавноста зборува за заштитата и промоцијата на македонскиот рубин.

Од опозициската партија велат дека Божиновска, како и премиерот Христијан Мицкоски, се фокусира на природните богатства на Македонија, додека, според нив, граѓаните очекуваат одговори за начинот на кој се водат енергетските и економските политики.

— реклама —

СДСМ во соопштението ја споменува „Руднап“ и наводната бизнис-мрежа поврзана со Мицкоски, како и новата зделка вредна 13,2 милиони евра за набавка на броила од српската компанија „METER&CONTROL“.

— реклама —

Од партијата тврдат дека Божиновска има значајна поврзаност со оваа мрежа, посочувајќи дека претходно била извршен директор во компании на „Rudnap Group“ во Централна и Источна Европа.

СДСМ ја споменува и сопственичката структура на „Руднап“, како и партнерството со „Ал Дахра“, компанија која, според нивните наводи, се поврзува со проектот „Белград на вода“.

— реклама —

Во соопштението се посочува и името на Душан Адамовиќ, кој СДСМ го опишува како функционер на СНС и почесен конзул поставен од Мицкоски.

Од опозициската партија прашуваат дали овие поврзаности имаат влијание врз изборот на Божиновска за министерка и бараат одговори за прашањата што ги отвораат.

„Граѓаните чекаат одговори“, порача СДСМ.