Чамец со мигранти се судри со брод на турската крајбрежна стража, има загинати

Најмалку 14 лица загинаа кога гумен чамец што превезувал мигранти се судрил со брод на турската крајбрежна стража кај јужната покраина Анталија, соопшти крајбрежната стража. Несреќата се случила откако чамецот се обидел да побегне, игнорирајќи предупредувања да запре, јавува Reuters.

— реклама —

— реклама —

Според соопштението, крајбрежната стража забележала брз чамец рано во понеделникот покрај брегот на округот Финике во Анталија. Чамецот не се придржувал кон повторените предупредувања да запре и се обидел да избега, што довело до судир со бродот на крајбрежната стража.

— реклама —

— реклама —

Во акцијата за спасување, биле извлечени шест мигранти и еден турски државјанин. Пронајдени се 14 мртви лица, додека останатите 15 лица од чамецот успеале да стигнат до копното, каде биле уапсени.