Дали Израел се подготвува за инвазија? Повторено предупредување за евакуација на цивилите

Израелски одбранбени сили (IDF) повторно упатија предупредување до цивилите во јужен Либан да се евакуираат од своите домови, во услови на борбите меѓу Израел и либанската милитантна група Хезболах.

— реклама —

Морате веднаш да продолжите да се движите северно од реката Литани“, се наведува во пораката на портпаролот на израелската армија, полковникот Авичај Адраи, упатена до либанските цивили, пренесе The Times of Israel.

— реклама —

Адраи посочи дека предупредувањето се однесува и на жителите на градовите Тир и Бинт Џбејл.

— реклама —

Секој што се наоѓа во близина на оперативците на Хезболах, нивните објекти или оружје го доведува својот живот во опасност. Секоја куќа што Хезболах ја користи за воени цели може да стане цел на напад“, предупреди Адраи.

Израелската армија проценува дека досега повеќе од 300.000 либански цивили се евакуирани од селата во јужен Либан. За време на борбите меѓу Израел и Хезболах во 2024 година, речиси 1,2 милиони жители на Либан биле раселени од своите домови.