Далтон: САД и Иран сакаат договор, но бараат премногу

И покрај постоењето волја за договор, САД и Иран поставуваат преголеми барања едни кон други, што ја намалува можноста за смирување на кризата, предупреди поранешниот британски амбасадор во Иран, Ричард Далтон.

— реклама —

Тој оцени дека и двете страни покажуваат интерес за постигнување договор, но клучниот проблем остануваат нивните позиции.

— реклама —

„Како агресори, Израел и Соединетите Американски Држави мора да го повлечат првиот потег и да ги намалат своите барања до ниво на кое може да се земат предвид интересите на остатокот од светот и иранскиот народ“, изјави Далтон.

Според него, без поголем реализам, преговорите нема да дадат резултат.

— реклама —

„Ако нема повеќе реализам во единствениот можен пат за решавање на проблемот во Ормускиот теснец, а тоа се преговорите, наместо смирување на тензиите ќе сведочиме на нивна понатамошна ескалација“, предупреди Далтон.

Изјавата доаѓа во време на зголемени тензии во регионот, каде дипломатските напори се соочуваат со сериозни пречки поради тврдите позиции на вклучените страни.