Демократите бараат проверка на способноста на Трамп за вршење на функцијата

Во САД се појавија нови политички повици за активирање на 25-тиот амандман од Уставот, со цел евентуално отстранување на претседателот Доналд Трамп од функцијата, откако тој упати остри закани кон Иран и изјави дека „целата цивилизација би можела да исчезне“ доколку Техеран не се повлече.

— реклама —

Според извештаи, дел од демократите во Конгресот сметаат дека ваквите изјави, заедно со контроверзните постапки околу досиејата поврзани со Епстин и јавните напади кон папата Лав XIV, укажуваат на неспособност за нормално извршување на функцијата. Поради тоа, тие се повикуваат на 25-тиот амандман, кој овозможува смена на претседател ако не е способен да ги извршува своите должности.

— реклама —

— реклама —

Актуелната дебата е дополнително засилена од изјави на поранешни политички сојузници на Трамп и дел од јавноста, како и од анкети кои покажуваат намалена доверба во неговата ментална стабилност и способност за управување со државата.

— реклама —

Сепак, експерти и поранешни високи функционери оценуваат дека шансите за активирање на 25-тиот амандман се мали, бидејќи за тоа е потребна широка политичка поддршка во Конгресот, која во моментов не постои.