(Видео) Трамп не ја исклучува воената интервенција на Куба: „Сакам да го решам прашањето пред да заминам“

Американскиот претседател Доналд Трамп изјави дека сака да го реши прашањето за Куба пред да замине од функцијата, додавајќи дека неговата администрација внимателно ја следи состојбата во земјата. Во разговор со конзервативниот радиоводител Хју Хјуит, Трамп ја опиша Куба како држава во распаѓање и не ја исклучи можноста за воена интервенција.

На прашањето дали би употребил воена сила за соборување на комунистичкиот режим, Трамп одговори дека „секако би ја разгледал и таа можност“. Тој истакна дека сака да им помогне на Кубанците кои живеат во САД, особено на оние кои ја напуштиле Куба поради лошиот третман во својата татковина. Според него, државниот секретар Марко Рубио, чии родители потекнуваат од Куба, исто така би сакал да помогне.

— реклама —

Трамп и претходно испраќаше сигнали за можни американски активности на островот. На почетокот на неделата изјави дека верува оти Куба наскоро ќе падне, а во март рече дека САД би можеле да ја ослободат или да ја преземат земјата, додавајќи дека смета оти може да прави што сака со неа.

— реклама —

За време на Генералното собрание на Обединетите нации во септември, американскиот претседател порача дека Вашингтон бара суштински промени на островот. Истовремено, тој најави дека САД ќе ѝ помогнат на Куба од хуманитарни причини.

— реклама —

Администрацијата на Трамп на почетокот на месецов објави нов пакет санкции против Куба, насочен кон десет лица и субјекти поврзани со кубанската влада, војската и нафтената индустрија.

Американскиот Стејт департмент ја обвини кубанската владејачка елита дека ги користи енергетските, транспортните и технолошките ресурси на островот за сопствено богатење, додека населението се соочува со прекини на електричната енергија, недостиг на основни производи и економска стагнација.

— реклама —

И државниот секретар Марко Рубио минатиот месец ја оцени Куба како пропадната држава, наведувајќи дека земјата нема функционална економија и дека ја водат луѓе кои сè уште се повикуваат на револуција што, според него, одамна ја изгубила својата смисла.