Десет кандидати во трката за прв антикорупционер, Комисијата ќе заседава во петок

Според најавите во петок се очекува да биде свикана собраниската Комисија за прашања на изборите и именувањата, која треба да даде поддршка на еден од пријавените кандидати за претседател на Државната комисија за спречување на корупцијата.

— реклама —

Изборот ќе биде по селекцијата и сослушувањето на кандидатите од страна на Комисијата за селекција на кандидати за избор на претседател на ДКСК.

— реклама —

Петмина од кандидатите беа интервјуирани денеска, а останатите пет ќе бидат интервјуирани во текот на утрешниот ден.

За претседател на ДКСК се пријавија 13 кандидати, еден од нив ги повлече документите, а за двајца Комисијата утврди дека не ги исполнуваат условите, со што бројот на кандидати се сведе на 10:Весна Доревска, Владимир Наумоски, Антонио Санев, Бранко Смилевски, Валентина Тодоровска, Ненад Трифуновски, Благица Трошанска, Кимо Чавдар, Адем Чучуљ и Феузи Џафери.

— реклама —

Изборот за прв антикорупционер доаѓа по оставката на Татјана Димитровска, која е обвинета за две кривични дела во врска со предметот „Адитив“.

— реклама —

Постапката за избор започна но беше прекината поради локалните избори.