Девојче почина од топлотен удар во Шпанија, таткото случајно го оставил во кола

Двегодишно девојче починало од топлотен удар во Шпанија откако било случајно оставено неколку часа во автомобил во градот Брион, во северозападниот дел на земјата.

— реклама —

Според шпанските медиуми, таткото утрото го однел постарото дете на училиште и планирал помалата ќерка да ја остави во градинка, но по телефонски повик заминал директно на работа и заборавил дека девојчето е во возилото.

Трагедијата била откриена околу 15 часот, кога мајката дошла во градинката по детето, а таму ѝ било кажано дека девојчето воопшто не било донесено.

— реклама —

Родителите веднаш повикале Итна помош, а детето било пренесено во здравствена установа во блискиот град Бертамиранс, каде што била констатирана смрт.

— реклама —

Полицијата отвори истрага за случајот, а на семејството му била обезбедена психолошка помош.

Општината во Брион прогласи два дена жалост, а за петок е најавена минута молк во чест на девојчето.

— реклама —

Трагедијата се случува во период кога Шпанија е погодена од силен топлотен бран, со температури кои во делови од земјата достигнуваат и до 38 степени Целзиусови.