До 13 часот регистрирани шест пожари на отворен простор, еден сè уште е активен

До 13:00 часот денеска во државата се регистрирани шест пожари на отворен простор, од кои еден е активен, четири се ставени под контрола, а еден е целосно изгаснат, информира Центарот за управување со кризи (ЦУК).

— реклама —

Активен е пожарот во Општина Делчево, во близина на градските гробишта, каде што гори ниска вегетација.

— реклама —

— реклама —

Под контрола се пожарите кај селото Доброшинци во Општина Василево, на градската депонија во Кочани, кај Ајватовски Рид во Општина Илинден и кај селото Садларево во Општина Желино, каде што гори ниска вегетација.

— реклама —

Во меѓувреме, целосно е изгаснат пожарот на улицата „Иван Иванов Балашо“ во Кочани, каде што исто така горела ниска вегетација.