Според информациите од Центарот за управување со кризи (ЦУК), до 14:30 часот на 24 јуни на територијата на државата биле регистрирани вкупно пет пожари на отворен простор.
Од нив, три пожари сè уште се активни, еден пожар е ставен под контрола, додека два пожари се целосно изгаснати.
Во моментов активни се пожарите во Општина Демир Хисар, кај селото Обедник, каде што гори ниска вегетација, во Општина Куманово, во населбата Перо Чучо, каде што се зафатени бандери и дрвја, како и во Општина Илинден, во селото Јурумлери, каде што гори кабаст отпад.
Под контрола е ставен пожарот што избувна на подрачјето на општините Свети Николе и Лозово, во атарите на селата Делисинци и Сарамзалино, каде што беше зафатена ниска вегетација.
Во меѓувреме, целосно се изгаснати два пожари – на улицата „Ѓуро Пуцар“ број 38 во Куманово и во селото Чашка во Општина Чашка, каде што исто така горела ниска вегетација.
Надлежните служби и понатаму ја следат состојбата на терен и интервенираат за спречување на понатамошно ширење на пожарите.
