„Доцнењето на дел од лековите е надминато, терапијата не беше прекината“, велат од Клиниката за онкологија

Од Универзитетската клиника за радиотерапија и онкологија соопштија дека кај мал дел од препаратите од позитивната листа на Фондот за здравствено осигурување било евидентирано краткотрајно доцнење во испораката.

— реклама —

Како причини за доцнењето ги наведуваат зголемената потрошувачка, поголемиот број пациенти, периодот меѓу две јавни набавки, како и делумниот недостиг на лекови кај дистрибутерите.

— реклама —

Од Клиниката информираат дека, во соработка со надлежните институции, најголемиот дел од потребните препарати веќе се обезбедени и доставени, додека преостанатите количини се очекува да пристигнат во текот на оваа недела.

— реклама —

Во соопштението се нагласува дека, според Клиниката, во ниту еден момент не бил доведен во прашање континуитетот на лекувањето, ниту квалитетот на здравствената грижа што им се обезбедува на пациентите.

Од ЈЗУ УК за радиотерапија и онкологија додаваат дека остануваат посветени на обезбедување навремена, континуирана и квалитетна здравствена заштита за сите пациенти.