Пристигнаа „Phesgo“ и „Goserelin“ на Онкологија, пациентите со одложена терапија ќе добијат повик

Терапиите „Phesgo“ и „Goserelin“ пристигнале на Клиниката за радиотерапија и онкологија во Скопје и повторно се достапни за пациентите кај кои постои медицинска индикација за нивна примена, соопштија од здравствената установа.

— реклама —

Од Клиниката информираат дека пациентите на кои им било одложено примањето на терапијата ќе бидат телефонски контактирани за да им се закаже нов термин.

„Ја известуваме јавноста дека терапијата Phesgo и Goserelin е пристигната и е достапна за пациентите кај кои постои медицинска индикација“, соопштија од ЈЗУ Универзитетска клиника за радиотерапија и онкологија.

— реклама —

Според објавеното известување, обезбедувањето на овие лекови е дел од активностите за навремен пристап до неопходната терапија и одржување на континуитетот во лекувањето на пациентите.

— реклама —

„Надлежните институции и ЈЗУ УК за радиотерапија и онкологија остануваат посветени на навремено постапување согласно потребите на пациентите и медицинските протоколи“, наведуваат од Клиниката.

Од здравствената установа не прецизираат колку пациенти чекале на терапијата, колку долго било одложено нејзиното примање, ниту колкави количини од двата лека се обезбедени.

Засега не е соопштено ниту дали пристигнатите количини ќе бидат доволни за непречено лекување на сите пациенти во наредниот период.