Доналд Трамп пред истекот на рокот даден на Иран: „Цела цивилизација може да умре вечерва“

Американскиот претседател Доналд Трамп упати нова, досега најдраматична закана кон Иран, оценувајќи дека „целата цивилизација вечерва може да умре“, во објава на неговата социјална мрежа Truth Social.

— реклама —

„Цела цивилизација вечерва ќе умре и никогаш повеќе нема да се врати. Не сакам тоа да се случи, но веројатно ќе се случи“, напиша Трамп, додавајќи дека можната промена на режимот во Иран би можела да донесе „нешто револуционерно добро“.

— реклама —

Изјавата доаѓа во момент кога истекува рокот што самиот го постави за Иран да постигне договор или да го отвори Ормутскиот теснец – клучна глобална рута за транспорт на нафта.

— реклама —

Трамп претходно најави дека, доколку не се исполнат условите, ќе следуваат жестоки напади, предупредувајќи дека Иран „ќе се соочи со пакол“.

Неговата реторика дополнително ги зголемува тензиите во регионот, каде веќе неколку недели трае ескалација меѓу САД, Израел и Иран, со меѓусебни напади и спротивставени тврдења за штетите и последиците од конфликтот.