Драма во авиоиндустријата: Компанија мета на хакерски напад, компромитирани податоци на шест милиони корисници

Австралиската авиокомпанија Qantas во средата потврди дека била мета на кибер-напад, при што хакери дошле до лични податоци на околу шест милиони нејзини корисници. Од компанијата информираат дека системот во меѓувреме е ставен под контрола и дека нападот не влијаел ниту врз безбедноста, ниту врз оперативното работење на авиокомпанијата.

— реклама —

„Нема влијание врз летовите или безбедноста“, се наведува во соопштението на Qantas.

— реклама —

Од компанијата објаснуваат дека околу шест милиони клиенти имаат сервисни записи на платформата која е сопственост на трета страна, и дека токму таму во понеделникот е забележана „невообичаена активност“.

„Ја продолжуваме истрагата за обемот на украдените податоци, но очекуваме количината да биде значајна. Почетната анализа потврди дека меѓу податоците се наоѓаат имиња на корисници, електронски пошти, телефонски броеви, датуми на раѓање и броеви на членство во програмата за лојалност“, стои во соопштението.

— реклама —

Qantas нагласува дека не се украдени податоци од кредитни картички, лични финансиски информации или пасоши. Исто така, според компанијата, ниту еден профил во програмата Frequent Flyer не е компромитиран, а хакерите не дошле до лозинки, PIN-кодови или податоци за најава.

— реклама —

Извршната директорка на Qantas Group, Ванеса Хадсон, изјави дека компанијата тесно соработува со австралиските државни институции и експерти за кибер-безбедност. Компанијата им се извини на корисниците за настанатиот инцидент.